Nehemii 9:5 - LAWA A BOO SONBORE

⁵ Bɛ kio, Levii tɔrɔn kɛn, Zozoe ne, Kadimiyeli ni, Banii ni, Hasabunia nɛ, Serebia nɛ, Hodiya nɛ, Sebania nɛ, ka Petayaa nɛ, bɛn nə́ pɛ: «Ka yoo lon, ka barka da kaa Lawa, Dɛnaa Lawa lɛ nɛ yǎa duduu!» Zaman lɛ tɔn pɛ: N tɔ guguru kɛ die a n saa lon, tɔ mɛn bɛ́ màn tumaa mìi la, a miã ná a banban.

LAWA A BOO SONBORE 2011

⁵ Bɛ kio, Levii tɔrɔn kɛn, Zozoe ne, Kadimiyeli ni, Banii ni, Hasabunia nɛ, Serebia nɛ, Hodiya nɛ, Sebania nɛ, ka Petayaa nɛ, bɛn nə́ pɛ: «Ka yoo lon, ka barka da kaa Lawa, Dɛnaa Lawa lɛ nɛ yǎa duduu!» Zaman lɛ tɔn pɛ: N tɔ guguru kɛ die a n saa lon, tɔ mɛn bɛ́ màn tumaa mìi la, a miã ná a banban.

Nehemii 9:5 Iomraidhean Croise

Kiin1 8:14

Izirayeli zaman lɛ tumaa na á goã golee-n lon. Kii Salomɔn lɛ tɔ́n nə n yɔrɔ bɔyaa, á barka da zaman lɛ yii ganaa.

Kiin1 8:15

Á n toa: – Maa barka tá Izirayeli a Lawa, Dɛnaa Lawa ganaa! A goã á n lɛ kɔ ma di Davida la ka sii mɛn nɛ, a din na á bɛ lɛ pã. A na á goã á pɛ-n kɛnɛn:

Kiin1 8:22

Salomɔn golee Dɛnaa Lawa a *wúlu bɔ ǹ bǎã lɛ nyɛɛnɛ, Izirayeli zaman lɛ tumaa yɔrɔ-a, á n gɔnɔn goa, á ǹ dia lon á pɛ:

Kiin1 8:27

Lawa á die boe la sonbore a tán baa a giã bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

KZS1 16:36

Barka Dɛnaa Lawa, Izirayeli a Lawa. Barka nə n wɔ lɛa duduu yǎa duduu!» Zaman tumaa pɛ mà hiĩ mà a n miɛ̃! Ka Dɛnaa Lawa tɔ bɔ!

KZS2 20:13

Zudaa zaman tumaa ka ǹ kion minin ni, ǹ lɔn nɛ, ka ǹ nɛnyaanan nɛ, ǹ nə́ golee lon Dɛnaa Lawa yɔrɔ-a.

KZS2 20:19

*Levii tɔrɔn bii Keyati laanka Koree a tanlɛ minin kɛn nə́ yoo ǹ tá loe loe ka lɛn gole ne ǹ nə́ Dɛnaa Lawa, Izirayeli a Lawa tɔ boe ne.

Ɛsidrasi 3:11

Ǹ bɛ́ Dɛnaa Lawa guguru kɔ ǹ loen laanka barka da Dɛnaa Lawa nɛ ǹ loen loe, maǹ nə́ goã siɛ loe-n kun kɛnɛn: «Lawa a siĩni, a kɔn narɛ ba nyɛɛ duduu Izirayeli wɔ paǹ li wa.» Zaman lɛ tumaa goã n lɛ wurii, bɛ̀ ǹ tá Dɛnaa lawa guguru koe, a kion lɛ gòã daa taman yii.

Nehemii 9:4

Zozoe ne, Banii ni, Kadimiyeli ni, Sebania nɛ, Bunii ni, Serebia nɛ, Banii laanka Kenaani ni, bɛn nə́ dii *Levii tɔrɔn banbaran kɛ la, ǹ nə́ n lɛ dɛ gole ǹ Lawa, Dɛnaa Lawa lɛ ganaa.

Nehemii 9:6

N din lɛ n Dɛnaa Lawa lɛa, n dinsɔɔ̃ goon toto! N din nə́ ń lon zɛnaa, lon gɔ́ɔ̃ nɛ, lon gɔ̀nɔn ganaa ǹ mànan tumaa nɛ, tán laanka a lalan mànan nɛ, yìsi mu laanka a gɔ́ɔ̃gɔ́ɔ̃ ǹ mànan nɛ. N din nə nyin koe ǹ tumaa la, lon màn pàãdɛnan kɛn man kiɛ tán n giulun.

Zɔbu 1:21

«Ma gɔn kooro na á daa, ma gɔn kooro n die woe. Dɛnaa Lawa din na á kɔ, Dɛnaa Lawa din na á si. Dɛnaa Lawa din tɔ nə n saa lon.»

Loen 106:2

Die n boe la, a Dɛnaa Lawa a nya ǹ dí dadaraan kɛn pɛ, a ǹ nya? Die n boe la, a na a tɔ bɔ a zii li?

Loen 134:1

Wɔ Zeruzalɛmu loe. Haya! Ka barka da Dɛnaa Lawa nɛ. Dɛnaa Lawa a dí-nyalin lɛn tumaa, ka barka da Dɛnaa Lawa nɛ. Ka mɛnɛn tumaa bɛ́ nɛn bɛ̀ ka goã a kion lɛ-n tèlò-n, ka barka da Dɛnaa Lawa nɛ.

Loen 145:2

Man die barka diɛ n nɛ lɛawaa tumaa li, man die n din tɔ boe miɛ̃ duduu.

Loen 145:5

Ma á die n kaãbaa ǹ siin kɛn boo diɛ, ka n gugurubaa kɛ nɛ, ka n tɛ-pɛ a siĩnbaa kɛ nɛ.

Loen 146:2

Maa yiikoonaabaa tumaa gɔ́ɔ̃ nɛ, ma tá li ma Dɛnaa Lawa tɔ bɔ. Bɛ̀ ma yii á koo, man die loe loe, ma maa Lawa tɔ bɔ nɛ.

Loen 16:2

Man pii Dɛnaa Lawa nɛ: N din nə maa Mìinaa lɛa. N dinsɔɔ̃ n yii-nyɛɛ koe ma la.

Loen 66:2

Ka loe lɔ ka Lawa tɔ guguru kɛ bɔ nɛ, ka a guguru kɔ ka kaa loen ne.

Loen 99:3

Min tumaa die a n tɔ bɔ, n tɔ gole ke, nyɛ́ɛ diɛ. Sonbore, n tá siĩni.

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Bɔ bɛ̀rɛbaa nɛ 15:6

Pàã gole tá n lon, Dɛnaa, Pàã tá n lon, n tá n zɔ́ɔn ziziɛ̃ nɛ.

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Timəə dí-pɛn 28:58

Dí-pɛn boon mɛnɛn tumaa bɛ́ kiɛ̃-n sɛ́wɔ kɛ nɛ, bɛ̀ ka yiri bɔ bɛn li ká kɔ ǹ lɛ wa, tɔ mɛn lɛ á ke gugurubaa ná a nɛ á n nyɛ́ɛ dɔ diɛ, "kaa Lawa, Dɛnaa Lawa" lɛ, bɛ̀ ka nyɛ́ɛ baa bɛ-n wa,

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.

Sii yɔrɔ-bɔlen 13:18

Dɛnaa Lawa a lon a dia dí-a wole lɛ pɛ nɛ: Wàa na á baa, n tá nɔ̀n diɛ ka ma tɔ nɛ? Ta má pɛ n nɛ, n ba re a giala miɛ wa.