Nehemii 9:2 - LAWA A BOO SONBORE

² Min mɛnɛn nə goã Izirayeli tɔrɔn lɛa, bɛn nə́ n na ǹ nə́ n bɔ tiin lɛn ganaa, ǹ nə́ giã bii-a ǹ nə́ ǹ sii baraan pɛ, ka ǹ digolon dɔn sãn nɛ.

LAWA A BOO SONBORE 2011

² Min mɛnɛn nə goã Izirayeli tɔrɔn lɛa, bɛn nə́ n na ǹ nə́ n bɔ tiin lɛn ganaa, ǹ nə́ giã bii-a ǹ nə́ ǹ sii baraan pɛ, ka ǹ digolon dɔn sãn nɛ.

Nehemii 9:2 Iomraidhean Croise

Kiin1 8:47

bɛ̀ ǹ nə́ n toa bɛa gána kɛ lɛ nɛ, ǹ bɛ̀rɛbaa gɔ́ɔ̃ nɛ, ǹ nə́ n taasɛ, ǹ nə́ n gɔ́ɔ̃ dɔn bii, ǹ nə́ gòã-kũ da n ganaa ǹ nə́ pɛ: «Wɔ sii baraa zɛnaa, wɔ baraabaa zɛnaa, wɔ n zɛ̀rɛdɛnan lɛa,»

Ɛsidrasi 10:11

Sisia, ka n zɛ̀rɛ si, ka digolon Lawa, Dɛnaa Lawa lɛ la, ka a foo sii zɛnaa. Ka n na ka n bɔ gána lɛ a minin lɛn ganaa, ka tɔrɔ kɔsɔn kɛn nɛ, kaa lɔn lɛa.»

Ɛsidrasi 6:21

Bɛa yɔrɔ lɛ la, Izirayeli minin tumaa zɔ́n bii kun, mɛnɛn nə bɔ bɛ̀rɛbaa ǹ bǎã nɛ, ka Lawa doɛ̃baã wolen kɛn mɛnɛn bɛ́ ǹ nə́ ǹ ba Lawa doɛ̃ wa, ǹ nə́ gána lɛ a Lawa doɛ̃baã wolen zɛnaa ǹ sii gɔgɔrɛn kɛn kaa, màn mɛn bɛ́ toɛ, ǹ ga Izirayeli a Lawa Dɛnaa Lawa li.

Ɛsidrasi 9:1

Bɛ bɛ́ á n zɛnaa á nya, zaman lɛ a nyɛɛnaandɛnan nə́ daa dɔ ma li, ǹ nə́ pɛ ma-n kɛnɛn: «Izirayeli a zaman lɛ nɛ, Lawa a wúlu-bɔlen lɛn nɛ, *Levii tɔrɔn lɛn nɛ, ǹ nə n na, ǹ nə́ n bɔ gána lɛ a minin ganaa wa. Kanaan minin ni, Ɛti minin ni, Perɛzi minin ni, Zebuzu minin ni, Amɔn tɔrɔn nɛ, Moabu minin ni, Ezipti minin ni, ka Amɔɔrɔ minin ni, bɛn bɛ́ sii bɔbɔnɛɛn mɛnɛn zɛnɛɛ, ǹ dɔn man koe bɛn lɛn lɛ, ǹ tá ǹ zɛnɛɛ.

Ɛsidrasi 9:15

Izirayeli a Lawa, Dɛnaa Lawa, n tá pepere, a giala, pelo, wɔ n kanbaa sii ganaa wolen lɛa, wɔ́ la. Wɔ á ke n yɔrɔ-a ka wɔ zɛ̀rɛn nɛ, a da yaa, min kɔn ba boe la a goã n yɔrɔ-a ka bɛa yɔrɔ kɛ lɛ-n wa.

Ɛsidrasi 9:2

A giala, ǹ laanka ǹ nɛgiĩn nə́ bɛa minin lɛn nɛlɔn wɔ lɔn lɛa, ǹ nə́ Lawa a tɔrɔ yii gɔgɔɔ̃ lɛ lɔlɔkɔn bɛa yɔrɔ lɛ la ka bɛa gánan kɛn lɛn minin ni. Ǹ goledɛnan laanka minin nyɛɛnaan-bɔlen man nə́ n gòãn kaa bɛa sii baraa kɛ lɛ nɛ bibinaa nɛ.»

Nehemii 1:6

N yii bũ, ǹ nə n too kɔ maa nyankɔ ganaa. Biikoo kɛ gɔ́ɔ̃ nɛ, penleen laanka tèlò ne, ma nə n nyankoe, n dí-nyalin, Izirayeli minin lɛn lɛa: wɔ sii baraan mɛnɛn zɛnaa, ma nə n nyankoe, n bɛn toa wɔ nɛ. Wɔ́ sii baraa zɛnaa, ma laanka ma dikion minin ni.

Nehemii 10:28

Maluku, Harimu, ka Baanaa nɛ.

Nehemii 10:29

Zaman gialakun lɛ nɛ, Lawa a wúlu-bɔlen ne, Levii tɔrɔn nɛ, kiɛnlɛ-lɛduə̃lin ni, loe-lɔlin ni, Lawa a kion dí-nyalin ni, ka min mɛnɛn tumaa nə n na ǹ nə́ n bɔ gána lɛ a tɔrɔ kɔsɔn kɛn ganaa, ǹ nə́ kɔ Lawa a dí-pɛ lɛ lɛ, bɛn lɔn nɛ, ǹ nɛgiĩn ni, ǹ nɛlɔn nɛ, ka min mɛnɛn tumaa bɛ́ boe la ǹ tá sii a woo ǹ bǎã doɛ̃,

Nehemii 13:3

Izirayeli minin lɛn bɛ́ ǹ nə́ bɛa dí-pɛ boo kɛ lɛ ma, min woo min, ǹ dɛnaa n tɔrɔ kɔsɔ min lɛa, ǹ nə́ bɛa dɛnaa na ǹ nə́ bɔ Izirayeli ganaa.

Nehemii 13:30

Má gɔ̀ bɔ zaman lɛ ganaa, má ǹ na má ǹ bɔ tiin tumaa ganaa. Má wusoo má Lawa a wúlu-bɔlen dí laanka Levii tɔrɔn dí da a giala la, didie ná a dí ni.

Loen 144:11

ń nə́ n bɛ̀rɛgiĩ kirisibaa, gɔya sa gɛ̀-dɛli kɛ ganaa. Ma kirisibaa, n ma si tɔrɔ kɔsɔ minin kɛn la. Ǹ bɛ́ boo mɛn diɛ, soɛ nɛ. Maǹ nə n liɛ ǹ gusin nə́ Lawa la, sɛnɛ, ǹ ba koe ǹ da ǹ boo lɛ wa.

Loen 144:7

N toa lon, n nə n gɔn dia, n ma kirisibaa. Ma si koe kɛ la, die ma bii ka mu gole bɛ́ lɔn, ma si tɔrɔ kɔsɔ minin kɛn la.

Suusun 28:13

Min mɛn bɛ́ a siɛ̃n duri, a sii a bǐɛ̃ koe wa. Min mɛn bɛ́ a siɛ̃n doɛ̃, a nə́ ǹ toɛ walan, maǹ makara boe bɛ ganaa.

Izayii 2:6

Dɛnaa Lawa, ma nə́ n la bɔ n zaman, Zakɔba a sumu minin kɛn ganaa. A giala kiwi lɛ pã ka wɔ-kulin ni, boe lɛ̀giala-n, ǹ nə́ la Filisiti minin wɔn manɛ. N zaman lɛ n koɛ kun ka tiin ni.

Zeremii 14:20

Dɛnaa Lawa, wɔ á doɛ̃ wáa wɔ́ sii baraa zɛnaa. Wɔ á wɔ digolon siɛ̃n doɛ̃. Wɔ́ sii baraa zɛnaa n nɛ.

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Ozee 5:7

A giala, ǹ nə́ Dɛnaa Lawa bebele, ǹ nə́ kikio nɛn yɛ. Sisia kəni, kànaa laanka mui goon, ǹ gána lɛ á re yui.