Nehemii 9:1 - LAWA A BOO SONBORE

¹ A din mui lɛ a lɛawaa fuəwensiibaa ǹ wɔ pinaa, Izirayeli minin lɛn nə́ gɛ̀ koa ǹ mɔnaan wɔ, ǹ gɔ̀nɔn yii n tii lɛa, ǹ nə́ n sɔkɔn lɛ-sɔɔ taman yii.

LAWA A BOO SONBORE 2011

¹ A din mui lɛ a lɛawaa fuəwensiibaa ǹ wɔ pinaa, Izirayeli minin lɛn nə́ gɛ̀ koa ǹ mɔnaan wɔ, ǹ gɔ̀nɔn yii n tii lɛa, ǹ nə́ n sɔkɔn lɛ-sɔɔ taman yii.

Nehemii 9:1 Iomraidhean Croise

Samayeli2 1:2

A lɛawaa sɔɔbaa ǹ wɔ pinaa, bɛ̀ giĩ goon nə́ ke boe Sayulu li, ziabaa ǹ bǎã nɛ die. A mɔnaan tumaa na á goã pɔpɔsiɛ nɛ, a mìi yii n tii lɛa. A bɛ́ á daa á dɔ Davida li, á na á kaa tán, á n mìi zuməə tán.

KZS2 20:3

Nyɛ́ɛ Zozafati kũ, á n bɔyaa á ga Dɛnaa Lawa li. Á pɛ Zudaa min tumaa nɛ mà ǹ nə n lɛ sɔɔ.

KZS2 7:10

Bɛ kio, lɛ̀ a mui sɔbaabaa ǹ wɔ a lɛawaa fuəwensɔɔ, kii nə n gɔn bɔ ǹ ganaa ka nyɛnyɛɛ nɛ ǹ foo piɛ̃, ǹ nə́ woo piɛ. Ǹ foo n kɔɔ̃nɛ, a giala mà Lawa bǐɛ̃ zɛnaa Davida a nɛ Salomɔn nɛ ka a zaman Izirayeli ni.

Ɛsidrasi 8:21

Bɛa bǎã lɛ nɛ, Aawaa tà lɛ genli, má lɛ dia, máa wɔ n lɛ sɔɔ, wɔ n dinin gisĩ wɔa Lawa lɛ yɔrɔ-a, màn mɛn bɛ́ toɛ, a zii fore wɔ nɛ, a fore wɔa nɛnyaanan laanka wɔ gɔn mànan dɔn nɛ.

Ɛsidrasi 8:23

Bɛ lɛ n ke, wɔ́ n lɛ sɔɔ, wɔ́ bɛ lɛ nyankɔ wɔa Lawa lɛ lon, á wɔ lɛ si.

Zɔbu 2:12

Ǹ bɛ́ ǹ nə́ n toa tìãlɛa ǹ nə́ Zɔbu yɛ, ǹ nə́ fɔ̃ a ganaa. A giaáran lɛn nə́ n lɛ da wuu-n kɔsɛkɔsɛ. Foo-ziziɛ̃ gɔn, ǹ nə́ ǹ mɔnaan tɔtoɛ̃, ǹ nə́ tii goa ǹ nə́ kaa ǹ dinin mìi ni.

Izayii 22:12

Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Zowɛli 2:12

Dɛnaa Lawa n kɛ pii: «A bɛ́ miɛ̃, ka wusoo ka da ma li sisia, ka ka foo tumaa nɛ. Ka n lɛ sɔɔ, ka wuu pɛ, ka gòã-kũ da ma ganaa.

Lawa a wúlu-bɔlen 23:34

Boo da ka Izirayeli minin lɛn nɛ, n pɛ ǹ nɛ: mui sɔbaabaa ǹ wɔ a lɛawaa fulusoorobaa ǹ wɔ n ke, bɛ n *giã siã giulun zɔ́n giala kɔ pinaa lɛa. A nə n zɛnɛɛ yǎa lɛawaa sɔbaa, ka masɛ Dɛnaa Lawa guguru kɔ nɛ.

Lawa a wúlu-bɔlen 23:39

Mui sɔbaabaa ǹ wɔ a lɛawaa fulusoorobaa ǹ wɔ pinaa, bɛ á die yiɛ, bɛ̀ ǹ nə́ kaa piɛ. Ka a giala kɔ bɛ lɛ a pinaa, ka zɔ́n zɛnaa ka masɛ tɔ bɔ nɛ, yǎa lɛawaa sɔbaa. A lɛawaa bibinaa laanka a kiwisibaa ǹ wɔ kɛ n susui pinaa lɛa.

Zozoe 7:6

Bɛ gɔ́ɔ̃ nɛ, Zozoe ná a mɔnaan kũ á ǹ tɔtoɛ̃. Foo-ziziɛ̃ gɔn, a din laanka Izirayeli a min golen lɛn nə́ tii goa bɛ̀ ǹ kaa ǹ mìi ni. Ǹ nə́ na ǹ nə́ kaa tán ǹ yɔrɔ la Dɛnaa Lawa a goo lɛ yɔrɔ-a yǎa wasa woo mɛ.

Sii-nyaan 11:3

Bɛa biikoo li ma á re a Siére màn paa diɛ, ǹ wɔ ǹ mɔnaan yii n kokoro ka boroo bɛ́ lɔn, ǹ da Lawa a boo gii da yǎa lɛawaa duu goon biɛpaa ka pɔsɔrɔ (1 260) kɛ lɛ piɛ̃.»

Sii yɔrɔ-bɔlen 20:26

Bɛ lɛ taman yii, Izirayeli zaman tumaa yoo ǹ nə́ woo Betɛli. Ǹ nə́ giã tán walan Dɛnaa Lawa yɔrɔ-a, ǹ nə́ wuu pɛ, ǹ nə́ n lɛ sɔɔ yǎa wasa mɛ. Ǹ nə́ *wúlu màn tiɛ̃ laanka barka da Lawa nɛ ǹ wúlu bɔ Dɛnaa Lawa yɔrɔ-a.

Samayeli1 4:12

Giĩ goon ne, Bɛnzamɛn tɔrɔ nɛ, á n toa zia bǎã lɛ nɛ ka baa nɛ á daa dɔ Siiloo a din pinaa. Foo ziziɛ̃ taman yii, a mɔnaan man nə́ goã tɔtoɛ̃ nɛ, a mìi yii n tii lɛa.

Samayeli1 7:6

Ǹ nə́ n lɛ sɔkɔn Misipaa. Ǹ nə́ mu si ǹ nə́ tɔ tán Dɛnaa Lawa yɔrɔ-a, gɔ́ɔ̃ dɔn bii a sii a kɔnboe lɛa. Ǹ nə́ n lɛ sɔɔ bɛa pinaa kɛ lɛ nɛ, ǹ nə́ pɛ bɛa bǎã lɛ nɛ mà ǹsɛn nə́ sã, ǹ nə́ wɔ Dɛnaa Lawa lon! Samayeli na á goã Izirayeli minin lɛn nyɛɛnaan boe Misipaa.