Nehemii 8:9 - LAWA A BOO SONBORE

⁹ Min mɛnɛn nə goã sii lɛ yɔrɔ nyɛɛ zaman lɛ nɛ, pàãdɛnaa Nehemii lɛ nɛ, Lawa a wúlu-bɔle Ɛsidrasi landa sii-daraali lɛ nɛ, ka Levii tɔrɔn lɛn nɛ, bɛn nə́ pɛ zaman lɛ tumaa nɛ: «Pelo a lɛawaa kɛ ná á n kɔ ka Lawa, Dɛnaa Lawa lɛ la. Ka foo baran goã ziziɛ̃ nɛ ka gɛ̀ na á gã ǹ la wa, ka baran wuu pɛ wa.» A giala zaman lɛ tumaa na á goã wuu pii bɛ̀ ǹ bɛ́ dí-pɛn sɛ́wɔ lɛ a boon miɛ.

LAWA A BOO SONBORE 2011

⁹ Min mɛnɛn nə goã sii lɛ yɔrɔ nyɛɛ zaman lɛ nɛ, pàãdɛnaa Nehemii lɛ nɛ, Lawa a wúlu-bɔle Ɛsidrasi landa sii-daraali lɛ nɛ, ka Levii tɔrɔn lɛn nɛ, bɛn nə́ pɛ zaman lɛ tumaa nɛ: «Pelo a lɛawaa kɛ ná á n kɔ ka Lawa, Dɛnaa Lawa lɛ la. Ka foo baran goã ziziɛ̃ nɛ ka gɛ̀ na á gã ǹ la wa, ka baran wuu pɛ wa.» A giala zaman lɛ tumaa na á goã wuu pii bɛ̀ ǹ bɛ́ dí-pɛn sɛ́wɔ lɛ a boon miɛ.

Nehemii 8:9 Iomraidhean Croise

Kiin2 22:11

Kii lɛ bɛ́ á dí-pɛn sɛ́wɔ lɛ a boo ma, a ná a mɔnaan tɔtoɛ̃.

Kiin2 22:19

a giala, boon lɛn nə́ dí nya n foo ne. Ma bɛ́ má màn mɛn pɛ bǎã kɛ lɛ laanka a minin wɔ paǹ li máa bɔ̀n tá re bǎã lɛ yii, koe dɔ bɔ bɔ-a, n bɛ́ ń bɛa boo lɛ ma, man nə́ n din gisĩ masɛ Dɛnaa Lawa yɔrɔ-a, n nə́ n mɔnaan tɔtoɛ̃, ń wuu pɛ ma yɔrɔ-a, ma dɔ tɔ́n nə n nyankɔ lɛ ma. Dɛnaa Lawa a da ǹ boo ne.

KZS2 15:3

Haalɛ bibi, wɔ digolo Izirayeli tɔrɔn lɛn man nə́ goã bii-a ǹ Lawa taãn na a banban wa. Lawa a wúlu-bɔle banban a tá ǹ darɛɛ wa, ǹ landa dɔ banban wa.

KZS2 30:22

Ezekiasi Levii tɔrɔn lɛn tumaa foo taã, a giala maǹ tá Dɛnaa Lawa a siin giala miɛ parasiini. Lɛawaa sɔbaa gɔ́ɔ̃ nɛ, minin man die kiɛ̃mala ǹ zɔ́n lɛ a mànbii. Maǹ barka da Lawa nɛ ǹ wúlu mànan koe, ǹ nə́ loe loe Dɛnaa Lawa, ǹ digolon Lawa tɔ boe ne.

KZS2 34:19

Kii bɛ́ á dí-pɛn sɛ́wɔ lɛ a boon ma lɔn, a ná a mɔnaa ǹ tɔtoɛ̃, a giala, a foo ziziɛ̃.

KZS2 34:21

«Ka wo nɔ̀n da Dɛnaa Lawa la maa lɛa, kɔnlɛ ka Izirayeli laanka Zudaa a zaman gialakun kɛ nɛ. Ka nɔ̀n da ka sɛ́wɔ kɛa boon ne wɔ́ yɛ sisia. Taãn nɛ, wɔ digolon nə kɔ a boon lɛ wa. Boo mɛn bɛ́ kiɛ̃ nɛ sɛ́wɔ kɛ nɛ, ǹ kɔ bɛ lɛ wa. Bɛ lɛ nɛ, Dɛnaa Lawa foo doamaa nɛ a n yui wɔ li taãn-taãnɛ.»

KZS2 35:3

Bɛ kio, á tɔn boo da *Levii tɔrɔn nɛ, ǹ mɛnɛn bɛ́ ǹ nə́ n dinin kɔ Dɛnaa Lawa la, zaman lɛ a daraa nə́ ǹ dí lɛa. Á pɛ ǹ nɛ: «Ka *lɛ kɔ kɔn la ǹ goo sonbore ke da Lawa guguru kɔ ǹ kion kɛ nɛ, Izirayelin kii Davida a nɛgiĩ Salomɔn dɔ. Ka a re guĩ ka kɔrɔn doo wa. Kanna kəni, ka dí nya Dɛnaa Lawa, kaa Lawa nɛ ka a din a zaman Izirayeli minin ni.

Ɛsidrasi 2:63

Min mɛn bɛ́ goledɛnaa lɛa, bɛ́ tɔ́n pɛ ǹ nɛ, mà bɛ̀ màn-bii mɛn nə́ n kɔ Lawa la, mà ǹ baran bɛ bii wa, yǎa Lawa a wúlu-bɔle die, a dí nyɛɛ ka Lawa dùũ dɔ̃ ǹ mànan kɛn nɛ.

Ɛsidrasi 7:11

Kii Artagizɛrɛsɛɛsi sɛ́wɔ mɛn dia Lawa a wúlu-bɔle Ɛsidrasi la, asɛ mɛn bɛ́ landa laanka dí-pɛn darɛɛ Izirayeli gána nɛ, bɛa boon nə́ ke:

Nehemii 10:1

Bɛ lɛ n ke wɔ́ lɛ kɔ kɔn la bɛbiɛ wɔ, wɔ́ kiɛ̃ sɛ́wɔ nɛ, wɔa nyɛɛnaandɛnan nə́ n gɔn bǎã da a nɛ, ka wɔa *Levii tɔrɔn laanka wɔa Lawa a wúlu-bɔlen ne.

Nehemii 12:26

Zozoe a nɛgiĩ Zozakimu ke, Zozadaaki a nɔ̀ɔn lɛa, bɛa biikoo ne, bɛa minin kɛn lɛn nə́ goã dí nyɛɛ. Ǹ nə́ goã dí nyɛɛ pàãdɛnaa Nehemii dɔ a biikoo li, ka Lawa a wúlu-bɔle Ɛsidrasi, landa sii-daraali kɛ dɔ wɔ nɛ.

Nehemii 7:65

Min mɛn bɛ́ goledɛnaa lɛa, bɛ́ tɔ́n pɛ ǹ nɛ, mà bɛ̀ màn-bii mɛn nə́ n kɔ Lawa la, mà ǹ baran bɛ bii wa, yǎa Lawa a wúlu-bɔle die, a dí nyɛɛ ka Lawa dùũ dɔ̃ ǹ mànan kɛn nɛ.

Nehemii 7:70

Ǹ bɛ́ gɔn mànan soekɔn bǎã mɛn nɛ, dí lɛ a nya ǹ wɔ lɛa, kɛdɛnaa gialakunun nə́ paa sanadɛnaa duu fuə (20 000) kaa walan, ka wɔrɔ kilo duu goon ka paabiɛ nɛ (1 100).

Boo-laakalaali 3:4

Wuu-pɛ biikoo tan, yaa-wɔ biikoo tan. Lala-diɛ biikoo tan, bɛ̀-baa biikoo tan.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Lawa a wúlu-bɔlen 23:24

Boo da ka Izirayeli minin lɛn nɛ, n pɛ ǹ nɛ: mui sɔbaabaa ǹ wɔ a lɛawaa bibinaa ke, ka bɛ koa kaa susui pinaa lɛa. Ka bɛnɛn pɛpɛ bɛa pinaa lɛ nɛ, ka n lɛ sɔkɔn ka masɛ guguru kɔ, a giala, ma yiri tá ka nɛ.

Malakii 2:13

Ka bɛ́ sii mɛn kɔsɔ zɛnɛɛ doo bɛ á ke: Ka yii mu Dɛnaa Lawa a *wúlu bɔ ǹ bǎã si á n kɔ lɛ, wuu pɛ nɛ, ka ginii ni, a giala mà a ba n too koe ka lon doo wa. Ka bɛ́ die wúlu bɔ ǹ mànan mɛnɛn koe la, a ba ǹ sii ka gɔn wa.

Rɔmu minin 3:20

Lawa a dí-pɛn bɛ́ mà màn mɛn nə n zɛnaa, min kɔ́n bɛ zɛnaa a ná a lɛ pã wa. Bɛ lɛ taman yii, min kɔ́n ba boe la, a min pepere baa ǹ lɛa Lawa yɔrɔ-a wa. Lawa a dí-pɛn dí n ka kɛ dinsɔɔ̃ nɛ, ǹ sii baraa nyaa, min nə yɛ.

Rɔmu minin 7:9

Lɛlɛ-lɛlɛ, dí-pɛ bɛ́ a banban, gɛ̀ goã wɔ mìi-n wa. Sɛnɛ, dí-pɛ lɛ bɛ́ á daa, pàã wɔ sii baraa nɛ, gɛ̀ daa wɔ mìi ni.

Timəə dí-pɛn 12:12

Ka á re n nyɛnyɛɛ kaa Lawa, Dɛnaa Lawa lɛ yɔrɔ-a walan, ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka *Levii tɔrɔn kɛn nɛ, giã nɛ kaa kiwin ni. A giala, ǹ goã ǹ nə́ bǎã kɔ Levii tɔrɔn lɛn la ǹ wɔ lɛa ka bii wa.

Timəə dí-pɛn 12:7

Ka á re màn bii kaa Lawa, Dɛnaa Lawa din yɔrɔ-a walan ka n nyɛnyɛɛ, ka dinin laanka kaa kion minin ni. A giala, ka bɛ́ re n gɔn diɛ dí woo dí ganaa, Dɛnaa Lawa á re bɛ bǐɛ̃ koe.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 26:14

Ma bɛ́ maa yɔrɔ-kɔsiɛ gɔ́ɔ̃ nɛ ǹ mɛn waáraa, ma màn kɔn bɔ a nɛ má bii wa, ma màn kɔn bɔ a nɛ má *gɔ̀ sii zɛnaa-n wa, ma ǹ kɔn dɔ kɔ geren la wa. Má n too kɔ maa Lawa, Dɛnaa Lawa lon, má zɛnaa á kɔnpɛ ka a gɔn waa ǹ boo lɛ tumaa nɛ.

Zaaki 4:9

Ka toa kaa zɛnaa ǹ siin lɛn nə foo-ziziɛ̃ da ka dinin ganaa, ka wuu pɛ, ka n lala da. Ka nyan pɛ mà ka n yaa we wa dɛ, ka doamaa-n ka wuu pɛ! Ka nyan pɛ mà ka nə n nyɛnyɛɛ wa dɛ, ka foo doamaa nɛ a ziziɛ̃!