Nehemii 8:6 - LAWA A BOO SONBORE

⁶ Ɛsidrasi barka da Dɛnaa Lawa, Lawa gole lɛ nɛ, zaman lɛ tumaa tɔ́n na a lɛ si, ǹ nə́ n gɔnɔn goa lon "mà a n miɛ̃! Mà a n miɛ̃!" Bɛ kio, ǹ nə́ n kuməə tán ǹ lɛ la Dɛnaa Lawa yɔrɔ-a, ǹ ná a guguru kɔ.

LAWA A BOO SONBORE 2011

⁶ Ɛsidrasi barka da Dɛnaa Lawa, Lawa gole lɛ nɛ, zaman lɛ tumaa tɔ́n na a lɛ si, ǹ nə́ n gɔnɔn goa lon "mà a n miɛ̃! Mà a n miɛ̃!" Bɛ kio, ǹ nə́ n kuməə tán ǹ lɛ la Dɛnaa Lawa yɔrɔ-a, ǹ ná a guguru kɔ.

Nehemii 8:6 Iomraidhean Croise

Siin Giala 14:22

Abramu ná a lɛ si á pɛ: «Ma gɔn nə́ ke dia-n lon a Dɛnaa Lawa la, asɛ mɛn bɛ́ á lon laanka tán zɛnaa.

Siin Giala 24:26

Giĩ lɛ kaa tán, á barka da Dɛnaa nɛ, bɛ̀ á n pii:

KZS1 16:36

Barka Dɛnaa Lawa, Izirayeli a Lawa. Barka nə n wɔ lɛa duduu yǎa duduu!» Zaman tumaa pɛ mà hiĩ mà a n miɛ̃! Ka Dɛnaa Lawa tɔ bɔ!

KZS2 20:18

Zozafati kaa a musin la á n nyanlɛ doa tán. Zeruzalɛmu laanka Zudaa min gialakunun kɛn nɛ, ǹ dɔn nə́ kaa ǹ musin la ǹ nə́ Dɛnaa Lawa guguru kɔ.

KZS2 29:10

Kanna kəni, man die lɛ kɔ kɔn la we ka Dɛnaa Lawa, Izirayeli a Lawa nɛ, màn mɛn bɛ́ toɛ a foo-yoo baraa kɛ nə n lɛ goa wɔ nɛ.

KZS2 29:30

Kii Ezekiasi lɛ laanka kiãn nə́ tɔ́n pɛ Levii tɔrɔn lɛn manɛ, mà ǹ loe lɔ doo ǹ Dɛnaa Lawa tɔ bɔ nɛ, Davida laanka sii-yɛle Asaafu goã ǹ nə́ loen mɛnɛn lɔ. Levii tɔrɔn lɛn man loe lɛ loe ka foo kɔɔ̃n nɛ, ǹ nə́ n kuməə ǹ nə́ kaa ǹ musin la.

KZS2 6:4

Á tɔ́n pɛ ǹ nɛ: – Ma á barka diɛ Dɛnaa Lawa, Izirayeli a Lawa nɛ. Hiĩ, a sii mɛn a lɛ kɔ ma di Davida la, a din na á bɛ lɛ pã. A na á goã á pɛ-n kɛnɛn:

Nehemii 5:13

Bɛ kio, má maa dɔnkɛ gole lɛkoro kũ, má zuzuu má pɛ: «Bɛ̀ min mɛn kɔ a da ǹ boo lɛ wa, Lawa n die bɛa dɛnaa lɛ kuĩ a zuzuu miɛ̃, a bɔ a kion a da kanaa, a wɔlɔ n sɔsɔɔ a gɔn mànan ganaa. Ǹ dɛnaa n die n zuzui miɛ̃, a n toa walan bii-a a gɔn kooro ne.» Zaman lɛ tumaa nə́ n toa mà a n miɛ̃. Ǹ nə́ Dɛnaa Lawa guguru kɔ. Boo mɛn lɛ nə n da, zaman lɛ bɛa sii zɛnaa.

Nehemii 8:7

Zozoe ne, Banii ni, Serebia nɛ, Yamini ni, Akubu ni, Sabutayii ni, Hodiya nɛ, Maaseya nɛ, Kelitaa nɛ, Azaria nɛ, Zozabaadi ni, Haman nɛ, Pelaya nɛ, bɛa minin kɛn lɛn *Levii tɔrɔn lɛa, ǹ nə́ goã dí-pɛn sɛ́wɔ lɛ a boo yɔrɔ nyɛɛ zaman lɛ nɛ, bɛ̀ zaman lɛ tá golee ne a giala bǎã nɛ.

Loen 134:2

Ka n gɔnɔn dia bǎã sonbore kɛ la, ka barka da Dɛnaa Lawa nɛ.

Loen 141:2

Toa maa nyankɔ dii n din li, ka nyɔɔ gìĩ kɔɔ̃n bɛ́ lɔn. Ma gɔn tá n la, ma gɔn si, ka wasamiɛ̃n a *wúlu màn bɛ́ lɔn.

Loen 28:2

Bɛ̀ ma tá n din a kion sonbore kɛ nɛ, bɛ̀ ma á n gɔn diɛ n din la, bɛ̀ ma á n lɛ dii n ganaa n too kɔ, n maa gòã-kũ si.

Loen 41:13

N nə́ n dɔ ma lɛ, maa zɛ̀rɛbaabaã taman yii, biikoo tumaa li, n din nə ma tamaɛ n din yɔrɔ-a.

Loen 63:4

Má goã loe loe n tɔ boe ne, a giala, n kɔn-narɛɛ gole ke, á soɛ yiikoonaabaa nɛ.

Loen 95:3

Sonbore, Dɛnaa Lawa lɛ n Lawa gole lɛa, kii gole mɛn bɛ́ guguru kɔ ǹ mànan tumaa lalan.

Bɔ bɛ̀rɛbaa nɛ 12:27

ka die ka pɛ ǹ nɛ kɛnɛn: «*Kiɛ̃mala ǹ zɔ́n *wúlu màn nɛ, wɔ á boe koe Dɛnaa la. A giala, a na á kiɛ̃, á wɔsɛn Izirayeli nɛnyaanan kionən toa walan Ezipti gána nɛ. A bɛ́ bɔ̀n diɛ Ezipti gána minin ganaa, á wɔsɛn kion minin si gɛ̀ la.» Zaman lɛ kaa tán, á Lawa guguru kɔ.

Bɔ bɛ̀rɛbaa nɛ 4:31

Zaman lɛ golee ǹ li. Ǹ ná a giala ma, mà Dɛnaa na á Izirayeli nɛnyaanan lɛn nɔmaa ǹ gɔn lɛ yɛ, mà a na á daa, á n die ǹ sii sii la. Ǹ nə́ kaa tán, ǹ nə́ Lawa guguru kɔ.

Zeremii 28:6

– Hiĩ, a n zɛnaa miɛ̃! N boo mɛn da sisia, Dɛnaa Lawa die a bɛ zɛnaa! Ǹ mànan mɛnɛn tumaa goa Lawa a kion ǹ nə́ woo ǹ ne Baabilonii, a wusoo a da ka bɛn nɛ, ka goa-wolen kɛn tumaa nɛ!

Busii pɛ 3:41

Ka daa wɔ lon a Lawa nyankɔ ka wɔ foo tumaa nɛ, wɔ n gɔnɔn goa wɔ dia la.

Lawa a wúlu-bɔlen 9:24

Dɛnaa Lawa tɛ kɔn dia, á daa wúlu màn tiɛ̃ laanka màn nyɔɔn lɛn kũ a lalan. Zaman lɛ tumaa bɛ yɛ. Foo kɔɔ̃nbaa gɔn, ǹ nə́ n lɛ dɛdɛ, ǹ nə́ nana ǹ nə́ kakaa tán ǹ yɔrɔ la.

Matiə 26:39

Á n zɔ̃ á woo nyɛɛn boɛɛn nɛ, á na á kaa tán-a, á n mìi kuməə, á Lawa nyankɔ bɛ̀ a n pii: «Maa Díi! Bɛ̀ n tá boe la n zɛnaa, n là-paparɛɛ kɛ wɔlɔ lui ma ganaa. Sɛnɛ, masɛ foo sii baran n zɛnaa wa, n din wɔ nə n zɛnaa.»

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Korɛnti1 14:16

Sonbore, bɛ̀ n Lawa nyankɔ, n barka da Lawa nɛ ka n yiri dinsɔɔ̃ nɛ, min mɛn bɛ́ too-kɔle kooro lɛa, bɛ n siɛ lɔn a pɛ mà «A n miɛ̃» n barka da Lawa-n lɛ kio? A giala, n bɛ́ boo mɛn diɛ a boe la á bɛ doɛ̃ wa.

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Timote1 2:8

Man giɛ li kəni, máa giĩn nə Lawa nyankɔ bǎã tumaa ni, ǹ nə n gɔnɔn dia Lawa la, ǹ gɔ́ɔ̃ n fu, foo-busii ná a banban, zia ná a banban.

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.

Sii-nyaan 7:11

Lon a dia dí-a wole mɛn tumaa goã soe-n kɔn, ǹ nə́ kii dankan kɛ lɛnpɛnɛ, ka min golen kɛn nɛ, ka màn yiikoonaa pàãdɛnaa sii kɛ nɛ, ǹ nə́ kaa tán-a kii dankan lɛ yɔrɔ-a, ǹ nə́ n yɔrɔ kɔ tán lɛ, ǹ nə́ Lawa guguru kɔ.