Nehemii 8:10 - LAWA A BOO SONBORE

¹⁰ Ɛsidrasi tɔ́n pɛ ǹ nɛ: «Ka wo nyɔɔ mànan bii, ka mi ǹ màn nɔnɔ̀ɔn mi. Bɛ̀ min mɛnɛn nə boo màn kɔn la ǹ nə́ zɛnaa wa, ka die ka bɛn gii bɔ, a giala pelo a lɛawaa kɛ na á n kɔ wɔsɛn Dɛnaa Lawa la. Ka foo baran ziziɛ̃ wa, a giala, Lawa bɛ́ foo kɔɔ̃nbaa mɛn koe, bɛ lɛ nə ka pàã lɛa.»

LAWA A BOO SONBORE 2011

¹⁰ Ɛsidrasi tɔ́n pɛ ǹ nɛ: «Ka wo nyɔɔ mànan bii, ka mi ǹ màn nɔnɔ̀ɔn mi. Bɛ̀ min mɛnɛn nə boo màn kɔn la ǹ nə́ zɛnaa wa, ka die ka bɛn gii bɔ, a giala pelo a lɛawaa kɛ na á n kɔ wɔsɛn Dɛnaa Lawa la. Ka foo baran ziziɛ̃ wa, a giala, Lawa bɛ́ foo kɔɔ̃nbaa mɛn koe, bɛ lɛ nə ka pàã lɛa.»

Nehemii 8:10 Iomraidhean Croise

Kiin1 8:66

A lɛawaa kiwisibaa ǹ wɔ pinaa, Salomɔn nə́ n gɔn bɔ zaman lɛ ganaa ǹ nə́ woo piɛ. Ǹ nə́ fòo da kii lɛ nɛ, ǹ nə́ tɔ́n woo ǹ giã ǹ bǎãn nɛ, ǹ foo n kɔɔ̃nɛ, a giala Dɛnaa Lawa bǐɛ̃ zɛnaa a dí-nyali Davida nɛ, ka a zaman Izirayeli minin ni.

KZS1 16:27

Lon màn siĩnin laanka a tɛ-pɛlen man a lɛnpɛnɛ, a kion kɛ piɛ̃maa nɛ, ka a din pàã laanka a zín ni.

Nehemii 8:11

Levii tɔrɔn nə́ goã zaman lɛ lɛ tiɛ̃ bɛ̀ ǹ nə́ pii ǹ ni kɛnɛn: «Ka n lɛ tã, a giala lɛawaa kɛ na á n kɔ wɔsɛn Dɛnaa Lawa la. Ka foo baran ziziɛ̃ wa.»

Nehemii 8:12

Zaman lɛ tumaa tɔ́n kiɛ̃ ǹ nə́ woo màn bii, ǹ nə́ màn mi, ǹ nə́ minin gii dɔ bɔ a nɛ, ǹ nə́ n nyɛnyɛɛ, a giala ǹ boon mɛnɛn lɛn nimi ǹ ni, ǹ nə́ bɛn giala ma.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Loen 89:17

A minin man die bɛ̀ biɛ baraabaraa, nyɛnyɛɛ gɔn n din a lɛa, maǹ die yui ǹ golee, n din a peperebaa la.

Suusun 17:22

Foo kɔɔ̃n tá boe la a busu nya, sɛnɛ foo ziziɛ̃ n pǎã wɛɛ diɛ.

Boo-laakalaali 11:2

Ka bɛ dɔ nɛ, n gɔn màn gii kɔn ka min gigiã nɛ, a giala, koe sii mɛn bɛ́ boe la, a n zɛnaa kanaa kɛ nɛ, n ba bɛ doɛ̃ wa.

Boo-laakalaali 2:24

Màn kɔn din ba soɛ minbuiin nɛ ganaa wa. Bɛ̀ á n bɔ, a màn bii, a màn mi, a bɛ́ màn mɛn boe a dí ni, a n nyɛnyɛɛ bɛ la. Má yɛ, máa bɛ dɔ n Lawa a nya ǹ dí lɛa.

Boo-laakalaali 3:13

A giala, bɛ̀ min woo min tá màn bii, á n màn mii, a bɛ́ màn mɛn boe a dí ni, a nə́ n nyɛnyɛɛ bɛ la, Lawa a bǐɛ̃ n ka bɛ nɛ.

Boo-laakalaali 5:18

Sɛnɛ, bɛ̀ Lawa naforo laanka gɔn màn kɔ min mɛn la, á ná a bii ǹ lɛ dɔ kɔ la, á baa a wɔ gii lɛa, mà a n nyɛnyɛɛ a dí gɔ́ɔ̃ nɛ, bɛ n Lawa a bǐɛ̃ lɛa.

Boo-laakalaali 9:7

Bɛ lɛ n kaa, màn bii ka nyɛnyɛɛ nɛ. N duvɛ̃ mi ka foo kɔɔ̃nbaa nɛ, a giala Lawa lɛ kɔ n nya ǹ dín ganaa gɔrɔ.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Izayii 49:5

Kanna kəni, Dɛnaa Lawa pɛ, mà asɛ din na á ma zɛnaa ma dan gɔ́ɔ̃ nɛ, mà ma asɛ a dí-nyali baa, màn mɛn bɛ́ toɛ ma da ka Zakɔba tɔrɔn nɛ asɛ li, ma Izirayeli tɔrɔn sɔkɔn bǎã goon ne, asɛ wɔ lɛa. Ma á re gugurubaa yii Dɛnaa Lawa yɔrɔ-a. Maa Lawa n ma pàã lɛa.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Zakarii 14:21

Donkolonon mɛnɛn bɛ́ Zeruzalɛmu ka Zudaa gána nɛ, bɛn tumaa n die goɛ̃ Dɛnaa Lawa Pàãyiidɛnaa wɔ lɛa. Min mɛnɛn bɛ́ re die wúlu boe, bɛn tá re ǹ siĩ kɔrɛɛ ǹ nɛ. Bɛa pinaa lɛ nɛ, pii-kɔle goon din ba re yii Dɛnaa Lawa Pàãyiidɛnaa a kion wa.

Luku 11:41

Bɛ̀ ka tá kaa paanan laanka kaa kununun lɛn gɔ́ɔ̃gɔ́ɔ̃ ǹ mànan koe doobaan la, kaa màn din tumaa á die yoreen koe: Kaa paanan nɛ, kaa kununun ni, ka ka dininmaan foon dɔn nɛ.

Korɛnti2 8:2

Damagɔ́ɔ̃li fuu nyaa ǹ golee Lawa li wolen man taãn-taãnɛ. Sɛnɛ, ǹ foo kɔɔ̃n kɔ gole kɔ, ǹ nə́ n dinin nyaa ka bǐɛ̃baa ǹ foo ne, ǹ laanka ǹ doobaabaa baraa kɛ nɛ.

Filipi minin 3:4

A da yaa, masɛ dɔ á boe la, man foo doa bɛa kanaa sii-zɛnaan kɛn lɛn ganaa. Bɛ̀ min tá taasɛ, mà asɛ foo doamaa-n bɛa minbuiinbaa ǹ siin kɛn lɛn ganaa, sonbore á yii masɛ dɔ lon, ma taasɛ miɛ̃, ma la ǹ dɛnaa nɛ.

Sii-nyaan 11:10

Tán min tumaa foo á re kɔɔ̃n koe ka min paa kɛ a gɛ̀ nɛ. Ǹ tá re ǹ nyɛnyɛɛ parsiini, ǹ kɔn gɔ ka màn nɛ kooro, a giala mà Lawa a boo gii-dali màn paa kɛ bɔ tán minin yii-n parsiini.

Samayeli1 25:8

Nɔ̀n da n tɔntɔraan lɛn la, ǹ tá re pii n ni. Maa dí-nyalin kɛn kũ doɛ̃, a giala, wɔn wɔ́ daa zɔ́n pinaa! Bǐɛ̃ kɔ, bɛ̀ n tá boe la n màn mɛn kɔ n dí-nyalin lɛn laanka n nɛgiĩ Davida la, n bɛ kɔ.»