Nehemii 8:1 - LAWA A BOO SONBORE

^1-2 Lɛ̀ a mui sɔbaabaa ǹ wɔ a lɛawaa sɔbaabaa ǹ wɔ, zaman lɛ tumaa kɔn ma, ǹ nə́ woo n lɛ sɔkɔn Zeruzalɛmu, bǎã kɛ nɛ mu kiɛnlɛ kɛ yɔrɔ-a. Ǹ nə́ tɔ́n pɛ landa sii-daraali Ɛsidrasi ni, mà a da ka dí-pɛn sɛ́wɔ kɛ nɛ, Dɛnaa Lawa goã á kɔ Muizu la Izirayeli tɔrɔn wɔ lɛa. Ɛsidrasi daa ka bɛa sɛ́wɔ lɛ nɛ zaman lɛ yɔrɔ-a. Giĩn laanka lɔn maǹ nə́ goã bǎã lɛ nɛ, ka min mɛn tumaa goã boe la, ǹ nə́ boo giala miɛ.

LAWA A BOO SONBORE 2011

^1-2 Lɛ̀ a mui sɔbaabaa ǹ wɔ a lɛawaa sɔbaabaa ǹ wɔ, zaman lɛ tumaa kɔn ma, ǹ nə́ woo n lɛ sɔkɔn Zeruzalɛmu, bǎã kɛ nɛ mu kiɛnlɛ kɛ yɔrɔ-a. Ǹ nə́ tɔ́n pɛ landa sii-daraali Ɛsidrasi ni, mà a da ka dí-pɛn sɛ́wɔ kɛ nɛ, Dɛnaa Lawa goã á kɔ Muizu la Izirayeli tɔrɔn wɔ lɛa. Ɛsidrasi daa ka bɛa sɛ́wɔ lɛ nɛ zaman lɛ yɔrɔ-a. Giĩn laanka lɔn maǹ nə́ goã bǎã lɛ nɛ, ka min mɛn tumaa goã boe la, ǹ nə́ boo giala miɛ.

Nehemii 8:1 Iomraidhean Croise

Kiin2 23:2

Bɛ kio, á woo Dɛnaa Lawa a kion lɛa sumu-n, Zudaa minin tumaa laanka Zeruzalɛmu minin tumaa n kun ni: Lawa a wúlu-bɔlen ne, Lawa a boo gii-dalin ni, zaman lɛ din tumaa, doobaan laanka pàãman nɛ. Lɛ kɔ kɔn la ǹ sɛ́wɔ mɛn bɛ́, ǹ nə́ yɛ Lawa a kion, kii lɛ bɛa boo yii pɛ ǹ nɛ.

KZS2 34:15

Ilkia tɔ́n pɛ sɛ́wɔ-kiɛ̃li Safan nɛ: «Má dí-pɛn sɛ́wɔ yɛ Lawa a kion.» Ilkia tɔn sɛ́wɔ lɛ kɔ la.

KZS2 34:30

Ǹ nə́ woo Lawa a kion kun ka Zeruzalɛmu minin tumaa nɛ, Lawa wúlu-bɔlen ne, Levii tɔrɔn nɛ, zaman tumaa nɛ, doobaan laanka pàãman nɛ. Lɛ kɔ kɔn la ǹ sɛ́wɔ mɛn lɛ nə n yɛ Lawa a kion, kii lɛ tɔn bɛa boon tumaa pɛ ǹ yɔrɔ-a.

Ɛsidrasi 7:1

Bɛa siin kɛn lɛn kiɛ̃ kio, Pɛrsi gána a kii Artagizɛrɛsɛɛsi a kiibaa biikoo li, giĩ goon ne, a tɔ n Ɛsidrasi. Seraya a nɛ n ka Ɛsidrasi lɛ nɛ, Azaria wɔ n ka Seraya nɛ, Ilkiya wɔ n ka Azaria nɛ.

Ɛsidrasi 7:10

Ɛsidrasi lɛ goã n yiri koɛ li, a tá n darɛɛ Dɛnaa Lawa a dí-pɛn ganaa, á n koe ǹ lɛ, á minin dɔn darɛɛ landa boon laanka sii yɔrɔ bɔ ǹ boon ganaa Izirayeli gána nɛ.

Ɛsidrasi 7:11

Kii Artagizɛrɛsɛɛsi sɛ́wɔ mɛn dia Lawa a wúlu-bɔle Ɛsidrasi la, asɛ mɛn bɛ́ landa laanka dí-pɛn darɛɛ Izirayeli gána nɛ, bɛa boon nə́ ke:

Ɛsidrasi 7:6

Ɛsidrasi lɛ ná n toa *Baabilonii, á daa. A na á goã sɛ́wɔ-kiɛ̃li lɛa, sɛ́wɔ-kiɛ̃li mɛn nə́ ke Muizu a landa sɛ́wɔ kɛ doɛ̃ a tɔ-a. Landa mɛn lɛ á ke, Izirayeli a Lawa, Dɛnaa Lawa goã á kɔ. Ɛsidrasi goã á nɔ̀n da màn mɛn tumaa li, kii lɛ ná a yii kɔ la, a giala Dɛnaa, Lawa goã kɔn li nɛ.

Nehemii 12:26

Zozoe a nɛgiĩ Zozakimu ke, Zozadaaki a nɔ̀ɔn lɛa, bɛa biikoo ne, bɛa minin kɛn lɛn nə́ goã dí nyɛɛ. Ǹ nə́ goã dí nyɛɛ pàãdɛnaa Nehemii dɔ a biikoo li, ka Lawa a wúlu-bɔle Ɛsidrasi, landa sii-daraali kɛ dɔ wɔ nɛ.

Nehemii 12:37

Ǹ bɛ́ ǹ nə́ dɔ Mu pìã a kiɛnlɛ kɛ li, dii ǹ bǎã mɛn bɛ́ woe "Davida a kiwi" kɛ ganaa, ǹ nə́ dii bɛ la ǹ yɔrɔ-a ka kungɔn lɛ a dii ǹ bǎã kɛ nɛ, Davida a kion kɛ lalan, ǹ nə́ woo yǎa Mu kiɛnlɛ kɛ li, lɛ̀giala gɔn la.

Nehemii 3:26

Min mɛnɛn bɛ́ giã-n Ofɛli ǹ nə́ dí nyɛɛ Lawa a kion, bɛn dɔn nə́ goã ǹ nə́ dí nya yǎa ǹ nə́ dɔ Mu kiɛnlɛ kɛ yɔrɔ-a, lɛ̀giala li, ka sanabolo solo kɛ dɔ nɛ.

Nehemii 8:16

Zaman lɛ tɔ́n soo ǹ nə́ woo, ǹ nə́ daa ka siãn lɛn dɔ ǹ mànan nɛ. Didie siã lɛ dɔ a kalan, ǹ nə́ ǹ dɔ ǹ dinin sumun ni. Ǹ nə́ ǹ dɔ Lawa a kion kɛ a sumun ni, ka Mu kiɛnlɛ bǎã kɛ nɛ, ka Efrayimu kiɛnlɛ bǎã kɛ dɔ nɛ.

Nehemii 8:3

Ɛsidrasi bɛa sɛ́wɔ kɛ lɛ pɛ bii-a Mu kiɛnlɛ lɛ nyɛɛnɛ, giĩn laanka lɔn yɔrɔ-a, ka min mɛn tumaa goã boe la ǹ nə́ boo giala miɛ, ǹ ná a woo ǹ bǎã dɔ doɛ̃. A kũ baayɛlɛ yiisoo ganaa a wo penleen yaa, zaman lɛ tumaa na á goã n too koe doɛ̃ dí-pɛn sɛ́wɔ lɛ a boon ganaa.

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Lawa a wúlu-bɔlen 9:5

Muizu mànan mɛnɛn pɛ, ǹ nə́ daa ka bɛn nɛ, kɔn yɛ ǹ kion lɛ a kiɛnlɛ-a. Bɛ kio, zaman lɛ tumaa nə́ n zɔ̃ á dɔ, á golee Dɛnaa Lawa yɔrɔ-a.

Matiə 13:52

Á tɔ́n pɛ ǹ nɛ: «Bɛ lɛ na á toa, landa sii-daraalin tá re yii, ǹ Lawa dɔ̃ ǹ kii lɛa. Bɛn lɛn man kɔnboe ka kiondɛnaa kɔ́n nɛ, gɔn màn dii laanka a zizi boe a naforo ne.»

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 23:2

«Minin daraa Muizu a Landa siin ganaa na á n baa landa sii-daraalin laanka *Fariziɛ̃n dí lɛa.

Matiə 23:34

Bɛ lɛ na á toa, ka n too kɔ: Man die Lawa a boo gii-dalin laanka yiridɛnan diɛ ka la ka Lawa a boo-dɔ̃lin ni. Ka tá re ǹ tɛn dii ǹ gã, ka ǹ tɛn dere gɔn ganaa, ka á re ǹ tɛn duduwii ka sɔsɔrɔ nɛ kaa lɛsɔkɔn kionən ne, ka ǹ tɛn loo ka kiwin kakaa kɔn la ǹ nɛ, ka fuu nyaa ǹ yii ni.

Timəə dí-pɛn 31:11

Izirayeli minin tumaa bɛ́ re die n lɛ soekɔn ǹ Lawa, Dɛnaa Lawa yɔrɔ-a, bǎã kɛ nɛ a din bɔ á koa, ka die ka bɛa dí-pɛn sɛ́wɔ kɛ lɛ pɛ Izirayeli minin lɛn tumaa yii ni, ǹ ma.

Sii yɔrɔ-bɔlen 20:1

Izirayeli minin lɛn tumaa soo, a saa Dan kiwi ganaa gɔsɛ a lɛ̀gɔn la, yǎa Bɛɛr-Sebaa kiwi gusin a lɛ̀gɔn la, a wo Galaati gána kɛ yaa. Zaman lɛ tumaa nə́ ǹ wɔ kaa kun, ǹ nə́ n lɛ sɔkɔn Dɛnaa Lawa yɔrɔ-a Mispaa.

Sii yɔrɔ-bɔlen 20:8

Zaman lɛ tumaa kɔn wɔ ma, ǹ nə́ yoo ǹ nə́ pɛ: «Wɔsɛn min kɔn ba wusii a wo piɛ doo wa.