Nehemii 7:5 - LAWA A BOO SONBORE

⁵ Maa Lawa da ma foo ne mà ma min yii guguru-an laanka goledɛnan sɔkɔn ka zaman lɛ nɛ, ma ǹ nimi. Min mɛnɛn nə goã ǹ nə́ daa bibinaa nɛ, má bɛn nimi ǹ sɛ́wɔ yɛ. Man má kɛ yɛ kiɛ̃ nɛ a nɛ.

LAWA A BOO SONBORE 2011

⁵ Maa Lawa da ma foo ne mà ma min yii guguru-an laanka goledɛnan sɔkɔn ka zaman lɛ nɛ, ma ǹ nimi. Min mɛnɛn nə goã ǹ nə́ daa bibinaa nɛ, má bɛn nimi ǹ sɛ́wɔ yɛ. Man má kɛ yɛ kiɛ̃ nɛ a nɛ.

Nehemii 7:5 Iomraidhean Croise

Ɛsidrasi 2:62

Bɛa minin kɛn lɛn tɔrɔ basa bɛ́ kiɛ̃ nɛ sɛ́wɔ mɛn nɛ, ǹ nə́ ga li sɛnɛ, ǹ yɛ wa. Ǹ nə́ tɔ́n ga ǹ ganaa min gɔgɔrɛn lɛa, ǹ nə́ ǹ gòɛ̃ bɔ ǹ nə́ bɔ Lawa a wúlu bɔ sii ni.

Ɛsidrasi 7:27

Barka tá Dɛnaa Lawa ganaa, wɔ digolon Lawa kɛ lɛ, á wɔ kii lɛ foo ne, mà a gugurubaa kɛ tɔrɔ da Dɛnaa Lawa a kion kɛ la Zeruzalɛmu.

Nehemii 5:19

«Ee maa Lawa, ma sii mɛn tumaa zɛnaa zaman kɛ nɛ, n yiri kɔ ma li, n bǐɛ̃ zɛnaa ma nɛ bɛ taman yii.»

Nehemii 6:14

Ee maa Lawa, n die n nə n yiri da Tobiya laanka Sanbalaa li, ka ǹ nya ǹ dín kɛn dɔn nɛ. N die n nə n yiri da Lawa a boo gii-dali Noadia kɛ li, ka Lawa a boo gii-dali gialakunun kɛn dɔn nɛ, ǹ nə́ goã giɛ li mà ǹ nyɛ́ɛ da ma ganaa.

Nehemii 7:4

Kiwi lɛ goã gole ka ganagana, sɛnɛ a minin nə goã mɔnaa-n wa. Ǹ goã ǹ nə́ wusoo ǹ nə́ kionən dɔ wa.

Nehemii 7:64

Bɛa minin kɛn lɛn tɔrɔ basa bɛ́ kiɛ̃ nɛ sɛ́wɔ mɛn nɛ, ǹ nə́ ga li, sɛnɛ ǹ yɛ wa. Ǹ nə́ tɔ́n ga ǹ ganaa min gɔgɔrɛn lɛa, ǹ nə́ ǹ gòɛ̃ bɔ ǹ nə́ bɔ Lawa a wúlu bɔ sii ni.

Suusun 2:6

Hiĩ, Dɛnaa Lawa din nə sii-doɛ̃ koe. Sii-doɛ̃ laanka yiri n boe a din li.

Suusun 3:6

N sii zɛnaan tumaa gɔ́ɔ̃ nɛ, toa n na a din dɔ̃, á re n nyɛɛnaan boe.

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti2 3:5

Sonbore ne, ma a boe la ma taasɛ, máa ma á boe la, ma bɛa dí kɛ miã nya ka ma din pàã-n wa. Ma pàã lɛ n boe Lawa li.

Korɛnti2 8:16

Ma á barka diɛ Lawa nɛ, asɛ mɛn bɛ́ á din kɔ sii ganaa da Tiiti yiri ni ka a lɛa, ka masɛ bɛ́ lɔn!

Kolɔɔsi minin 1:29

Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

Zaaki 1:16

Ka baran ka dinin bebele wa, ma dɔɔ̃n narɛɛ wolen lɛn.