Nehemii 6:1 - LAWA A BOO SONBORE

¹ Sanbalaa laanka Tobiya nɛ, ka Larabu gána min Gesɛmu kɛ nɛ, ka wɔa zɔ́ɔ gialakunun kɛn nɛ, bɛn bɛ́ miɛ ǹ mɛn waáraa, mà má wusoo má kungɔn lɛ dɔ, fɔfoɛ̃ bǎã ná a ba a-a doo wa, bɛa biikoo lɛ li, bɛ̀ ma tɔn kiɛnlɛ-a ǹ goon kɛn wɔ bɔrɔ wa.

LAWA A BOO SONBORE 2011

¹ Sanbalaa laanka Tobiya nɛ, ka Larabu gána min Gesɛmu kɛ nɛ, ka wɔa zɔ́ɔ gialakunun kɛn nɛ, bɛn bɛ́ miɛ ǹ mɛn waáraa, mà má wusoo má kungɔn lɛ dɔ, fɔfoɛ̃ bǎã ná a ba a-a doo wa, bɛa biikoo lɛ li, bɛ̀ ma tɔn kiɛnlɛ-a ǹ goon kɛn wɔ bɔrɔ wa.

Nehemii 6:1 Iomraidhean Croise

Nehemii 13:4

Lɛlɛ, Lawa a kion a kionən kɛn sii na á goã Lawa a wúlu-bɔle Eliasibu gɔn. Eliasibu lɛ na á goã Tobiya ǹ dɔɔ̃n tã bonbon lɛa.

Nehemii 2:10

Giĩ goon goã a tɔ n Sanbalaa boe Horonayimu kiwi. Bɛ laanka dí-nyali Tobiya kɛ nɛ, Amɔn tɔrɔ lɛa, bɛn bɛ́ ǹ ná a boo ma, ǹ foo ziziɛ̃, a giala, mà min na á daa ga Izirayeli minin bǐɛ̃-kɔ li.

Nehemii 2:19

Sanbalaa ke boe Horonayimu kiwi, bɛ nɛ, ka dí-nyali Tobiya kɛ nɛ, Amɔn tɔrɔ lɛa, ka Larabu gána min Gesɛmu kɛ nɛ, bɛn bɛ́ ǹ nə́ boo lɛ ma, ǹ nə́ yaa wɔ wɔ ganaa, ǹ nə́ gasɛ̃ wɔ wɔ ganaa. Ǹ nə́ n toa: «Ǹ mɛn baa ǹ wɔ n ka kɛ-n kəni? Ka nə n gòãn dii kii lɛ ganaa?»

Nehemii 3:1

Lawa a wúlu-bɔlen kiã Eliasibu tɔ́n yoo kun ka ǹ miã wúlu-bɔlen ne, kiɛnlɛ ke ǹ nə́ bíi "Sèren kiɛnlɛ" ǹ nə́ bɛ dɔ. Bɛ kio, ǹ nə́ kɔ Lawa la, ǹ ná a goon dɔn wɔ lɛ. A saa tán Meya a sanabolo kɛ li, ǹ nə́ kungɔn lɛ kɔ Lawa la yǎa á daa dɔ Hananeyeli a sanabolo kɛ li.

Nehemii 3:3

Kiɛnlɛ ke ǹ nə́ bíi "zɔ̀nɔn kiɛnlɛ", Senaa tɔrɔn man nə́ bɛ dɔ. Ǹ nə́ zũ, ǹ ná a goon wɔ lɛ, ka a tã a sɔɔ ǹ mànan nɛ.

Nehemii 3:6

Paseyasi a nɛgiĩ Zozadaa nɛ, ka Bezodiaa nɛgiĩ Mesulaamu ni, bɛn man nə́ Kiɛnlɛ Zizi kɛ zɛnaa. Ǹ dinin man nə́ zũ, ǹ ná a goon wɔ lɛ, ka a tã a sɔɔ ǹ mànan nɛ.

Nehemii 4:1

Sɛnɛ Sanbalaa nɛ, Tobiya nɛ, Larabu gána minin ni, Amɔn tɔrɔn nɛ, ka Asidɔdi minin ni, bɛn bɛ́ ǹ nə́ ma mà Zeruzalɛmu a kungɔn lɛ a dí á tɔ we, a fɔfoɛ̃ bǎãn lɛn nə́ tã giala koe, ǹ foo yoo taãn-taãnɛ.

Nehemii 7:1

Kungɔn lɛ bɛ́ á n dɔ, má kiɛnlɛ-a ǹ goon wɔ, ǹ nə́ kiɛnlɛ-lɛduə̃lin laanka loe-lɔlin kaa ǹ dí lɛ la, ka *Levii tɔrɔn nɛ.