Nehemii 5:9 - LAWA A BOO SONBORE

⁹ Má tɔ́n pɛ: «Ka bɛ́ sii mɛn zɛnɛɛ, a siĩn wa. Ka doamaa nɛ ka tɔ wɔ, bɛ̀ ka tá nyɛ́ɛ biɛ wɔa Lawa lɛ yii ni, màn mɛn bɛ́ toɛ, tɔrɔn mɛnɛn bɛ́ wɔa zɔ́ɔn lɛa, sìi baran wɔ kũ bɛn bii wa.

LAWA A BOO SONBORE 2011

⁹ Má tɔ́n pɛ: «Ka bɛ́ sii mɛn zɛnɛɛ, a siĩn wa. Ka doamaa nɛ ka tɔ wɔ, bɛ̀ ka tá nyɛ́ɛ biɛ wɔa Lawa lɛ yii ni, màn mɛn bɛ́ toɛ, tɔrɔn mɛnɛn bɛ́ wɔa zɔ́ɔn lɛa, sìi baran wɔ kũ bɛn bii wa.

Nehemii 5:9 Iomraidhean Croise

Siin Giala 20:11

Abrahamu ná a lɛ si á pɛ: – Masɛ n taasɛ, máa nyɛ́ɛ baa Lawa-n ba bǎã kɛ lɛ-n wa. Bɛ lɛ a lɛa, máa ǹ tá re ma dii, ǹ maa lɔ lɛ si ma la, a siĩnbaa taman yii.

Siin Giala 42:18

A lɛawaa sɔɔbaa ǹ wɔ pinaa, Zozɛfu tɔ́n pɛ ǹ nɛ: «Ka bɛ́ re sii mɛn zɛnɛɛ ka tɔn la, bɛ ǹ ka kɛ nɛ. Ma á nyɛ́ɛ biɛ Lawa nɛ.

Samayeli2 12:14

Sɛnɛ, sii kɛ lɛ gɔ́ɔ̃ nɛ, ń Dɛnaa Lawa puusə kɔ parsiini, ń kɔ a zɔ́ɔn la. Bɛ lɛ taman yii, nɛgiĩ mɛn yɛ n wɔ lɛa ke, bɛ á re giɛ̃ sɛn.

Nehemii 4:4

A laanka bɛ yii ni, Zudaa tɔrɔn man nə́ goã loe loe ǹ nə́ pii mà: Dí-nyalin lɛn pàã na a gialaa nyɛɛ, kɛbɔlɔ dɔ́ la yii ni! Wɔ ba re boe la wɔ kungɔn lɛ dɔ wa!

Nehemii 5:10

Ma dɔ laanka ma dɔɔ̃nɔn nɛ, ka maa dí-nyalin ni, wɔ dɔn bɛ́ wɔ́ wɔrɔ laanka belee giɔ̀mɔ da ǹ ganaa, ka daa wɔ sabara baa wɔ bɛa zɛnaa lɛ da.

Nehemii 5:15

Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

Loen 90:11

Die nə n foo-yoo a lɛ goa ǹ bǎã doɛ̃? N foo a busu min li bɛ́ nyɛ́ɛ mɛn diɛ, die n bɛa lɛ goa ǹ bǎã doɛ̃?

Suusun 16:29

Min kakaarɛ nə ǹ miãn siɛ̃ á ǹ diɛ zii baraa la.

Suusun 17:26

Dɔlɔ bɔ min pepere ganaa a siĩn duduu wa. Min yii guguru-a kɔnbɔ ka dɛ-n wa.

Suusun 18:5

Sonbore kɔ min baraa la a siĩn wa. Mɛnaa min pepere la kiri wɔ ǹ bǎã nɛ, bɛ dɔ n sii bɔnɛɛ lɛa.

Suusun 19:2

Taasiɛ wɛɛ a siĩn wa. Wo fufuu a la yii-n ni die ka siɛ̃ nɛ.

Suusun 24:23

Sii-dɔ̃lin nə boo mɛn da doo, bɛ á ke: Bɛ̀ ń tá kiri we, a siĩni n bɔnbii-a wɔ minin bii wa.

Ezekieli 36:20

Maa minin lɛn bɛ́ ǹ nə́ woo gánan mɛnɛn nɛ, ǹ nə́ ma tɔ sonbore kɛ ziziɛ̃ walan. A giala, maǹ nə́ goã kɛ pii ǹ wɔ paǹ li: «Dɛnaa Lawa a minin man ka kɛn nɛ, sɛnɛ, ǹ nə́ ke ǹ nə́ soo ǹ nə́ n bɔ a gána nɛ!»

Lawa a wúlu-bɔlen 25:36

Ka baran là si bɛa dɛnaa lɛ la wa, ka baran n là bɔ la wa, màn mɛn bɛ́ toɛ, a dɔ la ka li. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa nɛ.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 2:24

Sonbore, a kiɛ̃maa tá Lawa a boo-n kɛnɛn: «Ka dinin kɛn lɛn lɛa nɛ, tɔrɔ kɔsɔn tá Lawa tɔ ziziɛ̃.»

Timote1 5:14

Bɛ lɛ-n ma á giɛ li, máa lɔ giɔɔrɔ tenən nə wusoo ǹ wɔ giĩ li, ǹ nɛnyaanan yɛ, ǹ ga ǹ dinin kion walan, màn mɛn bɛ́ toɛ, wɔa zɔ́ɔn baran wɔ tɔ ziziɛ̃ wa.

Tiitii 2:5

Ń giɛ dɔn ǹ tá boe la ǹ goã mìiwedɛnan lɛa, ǹ nə́ *yoreen ne, ǹ lɔ baa, ǹ dí-nyali sonboren baa kion, ǹ sii n siĩni, ǹ nə ǹ zuũn lɛ si. Màn mɛn bɛ́ toɛ, min kɔ́n baran boo-ziziɛ̃ da Lawa a boo wɔ paǹ li wa.

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.

Samayeli1 2:24

Mà asɛ nɛnyaanan lɛn ganaa, mà ǹ bɛ lɛ da. A giala, mà asɛ bɛ́ boo mɛn miɛ pɔpɔpɔ nɛ, Dɛnaa Lawa a zaman lɛ-n, mà bɛ́ a siĩn wa.