Nehemii 5:7 - LAWA A BOO SONBORE

⁷ Má giã má fɔ̃, máa yǎa ma taãn pii min yii guguru-an lɛn laanka nyɛɛnaandɛnan lɛn manɛ. Má tɔ́n pɛ ǹ nɛ kɛnɛn: «Guĩ n ke ka á diɛ kɔn mìi ni.» Bɛ kio, má lɛ dia ǹ la lɛsɔkɔn gole kɔn ganaa.

LAWA A BOO SONBORE 2011

⁷ Má giã má fɔ̃, máa yǎa ma taãn pii min yii guguru-an lɛn laanka nyɛɛnaandɛnan lɛn manɛ. Má tɔ́n pɛ ǹ nɛ kɛnɛn: «Guĩ n ke ka á diɛ kɔn mìi ni.» Bɛ kio, má lɛ dia ǹ la lɛsɔkɔn gole kɔn ganaa.

Nehemii 5:7 Iomraidhean Croise

Loen 109:11

A giɔ̀mɔ dama-a wole die a daa, a na a gɔn màn tumaa goa. A màn mɛn yɛ, tiin die ǹ bɛ kokoo.

Loen 15:1

Davida a loe n ke. Dɛnaa Lawa, die n kɔnboe a wɔ n kion kɛ nɛ? Die n giã ǹ bǎã yii n kele sonbore kɛ la?

Loen 15:5

A giɔ̀mɔ diɛ min ganaa a ga là li wa. A màn sii min la a zɛ̀rɛbaãnaa da sii-n wa. Min mɛn bɛ́ zɛnɛɛ miɛ̃, ǹ dɛnaa a sii kɔn ba talɛɛ wa.

Loen 27:8

Dɛnaa Lawa, n boo mɛn da, mà: «Ka ga ma li», man taasiɛ we bɛa boo lɛ ganaa. Dɛnaa Lawa, man giɛ n din li.

Loen 4:4

Ka dɔ̃ mà Dɛnaa Lawa na á ma bɔ, bɛ̀ ma tá a bíi we, a n ma lɛ sii.

Loen 94:16

Die n die boe ma lɛ-a, a yoo min babaraan kɛn gialaa? A maa zia gii si, a da baraa-zɛnaalin kɛn-a?

Bɔ bɛ̀rɛbaa nɛ 22:24

«Bɛ̀ ka giɔ̀mɔ da ka miã doobaa ganaa, ka baran zɛnaa nɛ ka giɔ̀mɔ-dali gialakunun wɔ bɛ́ lɔn wa. Ka baran pɛ mà a da saraa ka là-n wa.

Bɔ bɛ̀rɛbaa nɛ 22:25

Bɛ̀ min ná a dɔnkɛ gole kɔ n la, á màn si, mà asɛ á re n sarɛɛ a tɔn si, ka kɔ la bɛ̀ wasa baa miɛ̃.

Suusun 27:5

Tɔ pɛ ma yii-n tá soɛ giaáraa baa ka durii-n ni.

Suusun 28:4

Min mɛnɛn bɛ́ ǹ ba koe dí-pɛn lɛ wa, maǹ min baraan laakalɛ. Sɛnɛ, min mɛnɛn bɛ́ koe dí-pɛn lɛ, bɛn manə n gòãn dii ǹ ganaa.

Ezekieli 22:12

N kiwi kɛ nɛ Zeruzalɛmu, minin man lɛ koe ǹ lɛ pii ǹ màn si, ǹ gɛ̀ dɛ. Maǹ giɔ̀mɔ diɛ ǹ nə́ giɛ là babaraa li, maǹ mɛnɛɛ ǹ miãn la, ǹ nə́ giɛ màn li. Sɛnɛ, ǹ yiri n boe ka ma dinmaa kɛ nɛ! Ma din Dɛnaa Lawa a da ǹ boo ne.

Ezekieli 45:9

Dɛnaa Lawa n ke pii: Izirayeli a goledɛnan lɛn, kaa sii lɛ la yii ni. Ka n bɔ kakaarɛbaa laanka wurumubaa kɛ wɔlɔ li! Ka kɔ sonborebaa laanka peperebaa lɛ! Ka maa zaman lɛ a bɔ ma yii-n kɛ lɛ da! Ma din Dɛnaa Lawa a da ǹ boo ne.

Lawa a wúlu-bɔlen 19:15

Kiri-kuriin gɔ́ɔ̃ nɛ, ka nyan mɛnaa min la wa. Ka nyan pɛ ka kaa pàãwɛɛnaa lon a pàãwɛɛnaabaa taman yii wa, ka nyan nyɛ́ɛ baa pàãma dɔ yii ni a pàãmabaa taman yii wa. Sɛnɛ, ka ka miãn kiri wɔ ka peperebaa nɛ.

Lawa a wúlu-bɔlen 25:36

Ka baran là si bɛa dɛnaa lɛ la wa, ka baran n là bɔ la wa, màn mɛn bɛ́ toɛ, a dɔ la ka li. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa nɛ.

Matiə 18:17

Bɛ̀ á n piã a n too kɔ bɛn lon wa, n pɛ kaa Lawa a sɔmɔ minin manɛ. Bɛ̀ á n piã a n too kɔ Lawa a sɔmɔ minin dɔn dininmaan lon wa, ga a ganaa golee Lawa li baãnaa hinlaa wusuru-sili lɛa, n baran da sii li wa.

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.

Galaasi minin 2:11

Sɛnɛ, Piɛrɛ bɛ́ á daa Antiɔsi kiwi, wɔ́ mɛ kɔn panparaanɛ. A giala, mà a din na á sã ǹ sii zɛnaa.

Timote1 5:20

Ǹ mɛnɛn bɛ́ sii baraan zɛnɛɛ, yiɛ ǹ ganaa min tumaa yɔrɔ-a, màn mɛn bɛ́ toɛ nyɛ́ɛ gialakunun kũ.

Tiitii 2:15

N doamaa nɛ n minin daraa bɛa yɔrɔ kɛ lɛ la. N nə ǹ foo taã, n zɛ̀rɛdɛnan zɛ̀rɛ baa. Bɛ zɛnaa ka n parsii din tumaa nɛ. Min kɔ́n dɔ nyan sàn kɔ n nɛ wa.