Nehemii 4:7 - LAWA A BOO SONBORE

⁷ Bɛ lɛ nɛ, má tɔ́n zaman lɛ doa kungɔn lɛ kio fulu-a tanlɛ yii li. Má ǹ doa bii-a ka ǹ gɔyan nɛ, ǹ sɛmiɛ̃n nɛ, ka ǹ san nɛ.

LAWA A BOO SONBORE 2011

⁷ Bɛ lɛ nɛ, má tɔ́n zaman lɛ doa kungɔn lɛ kio fulu-a tanlɛ yii li. Má ǹ doa bii-a ka ǹ gɔyan nɛ, ǹ sɛmiɛ̃n nɛ, ka ǹ san nɛ.

Nehemii 4:7 Iomraidhean Croise

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Kiin2 24:2

Dɛnaa Lawa tɔ́n Kalde minin dia Zoakiimu gialaa, basaã-kɔlen lɛa, ka Siirii minin wɔn nɛ, ka Moabu minin laanka Amɔn tɔrɔn wɔn nɛ, mà ǹ wo Zudaa gána gialaa. A na á ǹ dia woe Zudaa gána lɛ gialaa, màn mɛn bɛ́ toɛ, ǹ na a bɔ̀n baa a kɔnpɛ ka boo kɛ nɛ, Dɛnaa Lawa goã a ná a dí-nyalin, a boo gii-dalin kɛn kaa a pɛ ganaa.

KZS2 20:1

Bɛ kio, Moabu minin laanka Amɔn tɔrɔn ka Mehuniti minin nə́ daa zia baa Zozafati ganaa.

Ɛsidrasi 5:8

Wɔ n giɛ li, wáa n dɔ̃, wáa wɔ́ woo Lawa gole a kion Zudaa gána nɛ. Zuifun lɛn tá a gialaa kion lɛ doe ka kɔlɔ dadaran nɛ, ǹ nə́ gɔnɔn kaa a kungɔnɔn nɛ. Ǹ wen tá waa nɛ dí lɛ li, dí lɛ dɔ á tɔ we ǹ gɔn.

Nehemii 2:10

Giĩ goon goã a tɔ n Sanbalaa boe Horonayimu kiwi. Bɛ laanka dí-nyali Tobiya kɛ nɛ, Amɔn tɔrɔ lɛa, bɛn bɛ́ ǹ ná a boo ma, ǹ foo ziziɛ̃, a giala, mà min na á daa ga Izirayeli minin bǐɛ̃-kɔ li.

Nehemii 2:19

Sanbalaa ke boe Horonayimu kiwi, bɛ nɛ, ka dí-nyali Tobiya kɛ nɛ, Amɔn tɔrɔ lɛa, ka Larabu gána min Gesɛmu kɛ nɛ, bɛn bɛ́ ǹ nə́ boo lɛ ma, ǹ nə́ yaa wɔ wɔ ganaa, ǹ nə́ gasɛ̃ wɔ wɔ ganaa. Ǹ nə́ n toa: «Ǹ mɛn baa ǹ wɔ n ka kɛ-n kəni? Ka nə n gòãn dii kii lɛ ganaa?»

Nehemii 4:1

Sɛnɛ Sanbalaa nɛ, Tobiya nɛ, Larabu gána minin ni, Amɔn tɔrɔn nɛ, ka Asidɔdi minin ni, bɛn bɛ́ ǹ nə́ ma mà Zeruzalɛmu a kungɔn lɛ a dí á tɔ we, a fɔfoɛ̃ bǎãn lɛn nə́ tã giala koe, ǹ foo yoo taãn-taãnɛ.

Nehemii 4:6

Sɛnɛ Zuifun mɛnɛn nə goã giã-n wɔa zɔ́ɔn lɛn bii, bɛn nə́ gunyin fù yɛ die gòon yiɛ wɔ-a: «Zɔ́ɔn lɛn tá re boe paǹ yii li ǹ da ka tɔwaa.»

Nehemii 4:8

Ma bɛ́ má a yii a koa ǹ bǎã yɛ, má yoo má kɛ pɛ goledɛnan manɛ ka sii yɔrɔ-bɔlen laanka zaman lɛ gialakun ni: «Ka baran nyɛ́ɛ baa ǹ nɛ wa! Ka yiri baran toa a bɔ ka Dɛnaa Lawa-n wa, asɛ mɛn bɛ́ gole, a sii n nyɛ́ɛ diɛ. Ka zia da ka dɔɔ̃nɔn lɛa, kaa nɛgiĩn laanka kaa nɛlɔn lɛa, kaa lɔn laanka kaa kionən lɛa!»

Nehemii 6:16

Wɔa zɔ́ɔn tumaa bɛ́ ǹ ná a boo ma, tɔrɔn mɛnɛn tumaa goã wɔ lɛnpɛnɛ, nyɛ́ɛ nə́ ǹ kũ. Ǹ dinin yii li, ǹ lɛ na á kuməə duduu. Ǹ nə́ dɔ̃ mà dí lɛ na á goã á n nya á kɔnpɛ ka wɔa Lawa foo sii ni.

Zeremii 25:20

kɔnlɛ ka tɔrɔn kɛn tumaa nɛ giã-n Ezipti gána nɛ. Usu gána a kii ni, Filisiti minin kiin ni: Asikalɔn wɔ nɛ, Gaazaa wɔ nɛ, Ekrɔn wɔ nɛ, ka Asidɔdi min lɛkun mɛn goã.

Zeremii 41:10

Bɛ kio, min mɛn tumaa goã Mispaa, á ǹ tumaa baa kòso nɛn lɛa kɔnlɛ ka kii a nɛlɔn nɛ. Bǎã-lɛduə̃lin goledɛnaa Nebuzaradan minin mɛnɛn tumaa koa Ayikaamu a nɛgiĩ Gedalia li, á bɛn tumaa si. Netania a nɛgiĩ Isimayeli tɔn kiɛ̃ ka kòso nɛn lɛn nɛ á woo ǹ ne Amɔn tɔrɔn li.

Amɔɔsi 1:13

Dɛnaa Lawa na á pɛ kɛnɛn: Amɔn tɔrɔn kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, Galaati lɔn mɛnɛn bɛ́ nɔ̀ nɛ, ǹ nə́ bɛn nɔ̀ wɔsɔ, màn mɛn bɛ́ toɛ, ǹsɛn gána gole kɔ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 1:8

Min mɛn lɛ á ke pàã la Asidɔdi kiwi, ma á re bɛ dii ma bɔ walan kiibaa lɛ bɛ́ min mɛn gɔn Asikalɔn, ma á re bɛ dii ma bɔ walan. Ma á re sii nyɛɛ Ekrɔn minin kɛn yii ni, Filisiti minin mɛnɛn bɛ́ re goɛ̃, ma á re bɛn dɔn dii lenlen. Dɛnaa Lawa na á pɛ miɛ̃.

Amɔɔsi 3:9

Kion sonboren kɛn Asidɔdi kiwi, kion sonboren kɛn Ezipti gána nɛ, ka dii bɛn kala la, ka kɛ pɛ ǹ ma: Ka n lɛ sɔkɔn Samarii kiwi a kelen kɛn la, ka ga sii lɔlɔkɔn zaã kɛ-a ǹ nə́ zɛnɛɛ kiwi kɛ nɛ, ka ga kakaarɛbaa ǹ sii damata kɛ-a ǹ nə́ zɛnɛɛ a nɛ!

Nya ǹ dín 5:33

Kiri-wɔlen lɛn bɛ́ ǹ nə́ bɛa boon kɛn ma, ǹ foo yoo. Maǹ nə́ goã giɛ li ǹ dia dí-a wolen lɛn dɛ ǹ gã.

Sii-nyaan 12:17

Bɛ lɛ ganaa, tɔɔ babaraa piɛ̃ wole lɛ foo yoo lɔ lɛ li parsiini, á kiɛ̃ á woo a nɛnyaan gialakunun gialaa, ǹsɛn mɛnɛn bɛ́ Lawa a dí-pɛn lɛ sii, ǹ nə́ n foo doɛ Yezu a boo ganaa.

Samayeli1 11:2

Sɛnɛ Amɔn tɔrɔ Naasi lɛ nə́ ǹ lɛ si á pɛ: «Wɔ laan bɛ̀ wɔ n lɛ-kɔ lɛ we ka ka nɛ, yǎa ma ka tumaa gusin a yii puri, masɛ bɛa sìi kɛ lɛ da Izirayeli kuturu ganaa.»