Nehemii 4:2 - LAWA A BOO SONBORE

² Ǹ tumaa tɔ́n yoo ǹ nə́ ǹ wɔ kaa kun, mà man die zia biɛ Zeruzalɛmu ganaa ǹ bɔ̀n da a ganaa.

LAWA A BOO SONBORE 2011

² Ǹ tumaa tɔ́n yoo ǹ nə́ ǹ wɔ kaa kun, mà man die zia biɛ Zeruzalɛmu ganaa ǹ bɔ̀n da a ganaa.

Nehemii 4:2 Iomraidhean Croise

Ɛsidrasi 4:4

Bɛ kio, gána lɛ a minin lɛn nə́ Zudaa tɔrɔn lɛn gù dɛ, ǹ nə́ nyɛ́ɛ da ǹ ganaa, màn mɛn bɛ́ toɛ, ǹ golee ka Lawa a kion lɛ a dɔ nɛ.

Nehemii 12:27

Zeruzalɛmu a kungɔn lɛ a kɔ Lawa la sii taman yii, ǹ nə́ woo ga Levii tɔrɔn li, ǹ giã ǹ bǎãn tumaa nɛ, ǹ nə́ daa ǹ nɛ Zeruzalɛmu màn mɛn bɛ́ toɛ, ǹ nə n nyɛnyɛɛ ǹ kungɔn lɛ kɔ Lawa la, ǹ Lawa guguru kɔ ǹ loen lɔ, ǹ gɔn pere dɛ ǹ mànan kaa li, ka tùtun laanka kɔnkoɛɛ̃nɛn nɛ.

Nehemii 12:43

Bɛa pinaa kɛ lɛ nɛ, minin nə́ wúlu didi bɔ, ǹ nə́ goã foo kɔɔ̃nbaa gɔ́ɔ̃ nɛ, a giala Lawa na á foo kɔɔ̃nbaa gole kɔ ǹ la. Lɔn laanka nɛnyaanan dɔn nə́ goã n nyɛnyɛɛ, minin nə́ n toa sɔsɔɔ ǹ nə́ Zeruzalɛmu a foo kɔɔ̃nbaa lɛ a boo ma.

Nehemii 4:10

Sɛnɛ, a kũ bɛa pinaa kɛ lɛ ganaa lɔn, maa dí-nyalin lɛn talɛɛ goon na á goã dí lɛ nyɛɛ, a talɛɛ kɔsɔ kɛ na á goã bii-a ka sɛmiɛ̃n laanka góoron nə́ ǹ gɔn, ka san laanka ziabaa ǹ dɔnkɛn nɛ. Goledɛnan lɛn man nə́ goã golee ne Zudaa minin lɛn tumaa kio.

Nehemii 6:15

Kungɔn lɛ a doe na á nya lɛawaa posoorowenpaa gɔ́ɔ̃ nɛ, *Eluulu mui a lɛawaa fuəwensoorobaa ǹ wɔ pinaa.

Loen 83:4

Maǹ tán dù bose n din a zaman kɛ li, n din bɛ́ min mɛnɛn tamaɛ, maǹ kɔn yii bɛn gialaa.

Zeremii 26:18

Ezekiasi a kiibaa waáraa Zudaa gána mìi la, Lawa a boo gii-dali goon goã a tan Moresɛti min lɛa a tɔ n Misee. Á pɛ Zudaa zaman tumaa-n kɛnɛn: Dɛnaa Lawa Pàãyiidɛnaa n kɛ pii: «*Siɔn nə die n biɛ ka wuru gɔ́ɔ̃ kooro bɛ́ lɔn, hiĩ, Zeruzalɛmu n die kɛbɔlɔ biɛ. Lawa a kion a tenten ke, bɛ n die nyan tewon biɛ.»

Zeremii 33:24

«Minin bɛ́ boo mɛn diɛ n ma wa? Maǹ pii mà má n la bɔ Izirayeli laanka Zudaa ganaa, bɛa tɔrɔ màn paa kɛ lɛ ma ǹ yii gɔgɔɔ̃. Bɛa yɔrɔ lɛ la, maǹ maa zaman lɛ yii puusə koe. Maǹ taasɛ mà ǹ ba gána lɛa doo wa.»

Abakuku 3:2

Dɛnaa Lawa, má n boo ma. Ma gɔ̀nɔn nə bìn diɛ ǹ nyɛɛnɛ, n sii dadaran zɛnaa a lɛa, Dɛnaa Lawa. Wɔa yiikoonaabaa gɔ́ɔ̃ nɛ, bɛa siin kɛn kɔnboe nyaa wɔ nɛ! Wɔa yiikoonaabaa gɔ́ɔ̃ nɛ, toa ǹ nə n dɔ̃! Ta n foo na á yoo, n yiri kɔ n din a makara doɛ̃ kɛ nɛ.

Zakarii 12:8

Bɛa waáraa kəni, Dɛnaa Lawa á re Zeruzalɛmu minin tamɛɛ: Pàã n die goɛ̃ ǹ pàãwɛɛnaan lon ka Davida bɛ́ lɔn. Davida a sumu minin man die goɛ̃ ka Lawa bɛ́ lɔn, ka Dɛnaa Lawa a lon a dia dí-a wole bɛ́ lɔn.

Zakarii 4:10

Doa boɛɛn mɛn nə n wɔ sii giala kɔ waáraa, ka nyan zín bɔ bɛ-n wa. Zorobabeli bɛ́ re Lawa a kion lɛ a doe giala koe, ka doamaa-n ka n nyanyaa. «Bolon sɔbaa kɛ n goon ka Dɛnaa Lawa yiin ni. Maǹ giɛ tán tumaa walan.»

Korɛnti1 1:27

Sɛnɛ, min mɛnɛn bɛ́ gàãnaan lɛa kanaa minin yɔrɔ-a, Lawa na á bɛn lɛn bɔ, á sìi diɛ kanaa a sii-dɔ̃lin ganaa nɛ; min mɛnɛn bɛ́ pàãwɛɛnaan lɛa, Lawa na á bɛn lɛn bɔ, á sìi diɛ kanaa a pàãdɛnan ganaa nɛ.