Nehemii 3:5 - LAWA A BOO SONBORE

⁵ Tekoa minin dɔn nə́ goã ǹ genli dí nyɛɛ. Sɛnɛ Tekoa minin lɛn min yii guguru-an nə lɛ kɔ ǹ nə́ dí nya ǹ mìilandɛnan lɛn man wa.

LAWA A BOO SONBORE 2011

⁵ Tekoa minin dɔn nə́ goã ǹ genli dí nyɛɛ. Sɛnɛ Tekoa minin lɛn min yii guguru-an nə lɛ kɔ ǹ nə́ dí nya ǹ mìilandɛnan lɛn man wa.

Nehemii 3:5 Iomraidhean Croise

Samayeli2 14:2

Á tɔ́n minin dia woe giɛ Tekoa kiwi a lɔ sii-dɔ̃li kɛ li. Lɔ lɛ bɛ́ á daa, á pɛ nɛ: «Bǐɛ̃ kɔ, n nə n din baa ká gɛ̀ na á gã n la, n gɛ̀ koa ǹ mɔnaan wɔ. N baran nyɔɔ giĩ kɔɔ̃n lɔ n din ganaa wa. N din baa ka lɔ mɛn nə́ ke min a gɛ̀ wuu pii haalɛ bibi.

KZS2 11:6

Bɛtlehɛmu ni, Etamu ni, Tekoa nɛ,

Nehemii 3:27

Ǹ kio wɔlɔ-a, Tekoa kiwi minin nə́ goã kungɔn lɛ a paǹ kɔsɔ zɛnɛɛ sanabolo gole solo kɛ yɔrɔ-a, a da yǎa Ofɛli kungɔn kɛ li.

Nehemii 3:4

Urii a nɛgiĩ Meromɔti ke Hakɔsi a nɔ̀ɔn lɛa, bɛ dɔ goã ǹ genli dí nyɛɛ, Berekia a nɛgiĩ Mezulaamu ke Mezezabɛli a nɔ̀ɔn lɛa, bɛ dɔ goã ǹ genli dí nyɛɛ, Baanaa a nɛgiĩ Saadɔki dɔ goã ǹ genli dí nyɛɛ.

Nehemii 3:6

Paseyasi a nɛgiĩ Zozadaa nɛ, ka Bezodiaa nɛgiĩ Mesulaamu ni, bɛn man nə́ Kiɛnlɛ Zizi kɛ zɛnaa. Ǹ dinin man nə́ zũ, ǹ ná a goon wɔ lɛ, ka a tã a sɔɔ ǹ mànan nɛ.

Zeremii 27:12

Masɛ Zeremii n má kɛa boo kɛ lɛ miã pɛ Zudaan kii Sedekiasi ni. Má pɛ nɛ: – Nsɛ, n laanka n zaman doamaa nɛ ka lɛ kɔ Baabiloniin kii a pàã kɛ ganaa ka zǔu bɛ́ lɔn. Ka dí nya nɛ, ka dí nya a zaman dɔ nɛ, ka yii á re goɛ̃ koo.

Zeremii 27:2

– Dɛnaa Lawa màn mɛn pɛ ma nɛ á ke: «Ki ma, n gɔnɔn sɛlɛ, n zǔun zɛnaa. Bɛ kio, n nə ǹ kaa n wìi li.

Zeremii 27:8

Kɔntan, gána hinlaa tɔrɔ kɔn tá yii a n piã ka Nebukadenezɔɔrɔ a pàã kɛ nɛ, ke ma da ǹ wìi li ka zǔu bɛ́ lɔn. Á bǐɛ̃ kɔ, man die yui bɛa gána kɛ gialaa ka zia nɛ, bòo ne ka piɛ̃ busu ni. Man die Baabiloniin kii biɛ bɛa gána lɛ a ziziɛ̃ wole lɛa. Dɛnaa Lawa a da ǹ boo ne.

Zeremii 6:1

Bɛnzamɛn tɔrɔn lɛn, ka soo ka n bɔ Zeruzalɛmu! Ka n duru bǎã kɔsɔ nɛ. Ka sère gɔ̀lɔ̀ bɛn pɛ Tekoa, ka sii giala pɛ ǹ màn doa tán Bɛti-kerɛmu. A giala, koe n die, koe taãn-taãn lɛa, boe gɔsɛ a lɛ̀gɔn la.

Amɔɔsi 1:1

Boon kɛn man Amɔɔsi a boon lɛa, tɔɔn-tooli lɛa Tekoa. Lawa siin mɛnɛn nyaa nɛ Izirayeli tɔrɔn wɔ paǹ li, bɛn lɛn man ka kɛn nɛ. Bɛa biikoo li, bɛ̀ Oziasi n Zudaa minin kii lɛa, kii Zoasi a nɛgiĩ Zeroboamu n Izirayeli minin kii lɛa. Bɛa siin lɛn zɛnaa kio ne lɛ̀ paa, tán tɔn bìn da.

Matiə 11:29

Ma a kakaarɛ wa, ma a min puusə koe wa. Ma bɛ́ guĩ mɛn koe ka la ka bɛ lɛ si, ka maa doroo ma, piɛ̃ á re kiɛ ka ganaa.

Nya ǹ dín 15:10

Bɛ lɛ tɔ ganaa, a ba siĩni wɔsɛn nə wɔ Lawa lon wa. Wɔsɛn dinin laanka wɔ digolon bɛ́ wɔ boo la wɔ́ guĩ mɛn gũ wa, wɔsɛn ba siĩni wɔ bɛ da tɔrɔ kɔsɔ Lawa-nyankɔlen kɛn mìi-n wa.

Korɛnti1 1:26

Ka n yiri koa li, ma dɔɔ̃nɔn lɛn, kasɛn mɛnɛn bɛ́ Lawa ka bíi á ka bɔ, ka n dinin dɔ̃. Kaa sii-dɔ̃lin ba tɛ minbuiinin yɔrɔ-a wa, kaa pàãdɛnaa dɔ a tɛ wa, kaa bɔ sumu bǐɛ̃n nɛ wole dɔ a tɛ wa.

Sii yɔrɔ-bɔlen 5:23

Dɛnaa Lawa a lon a dia dí-a wole a boo ne: Ka lɛn baraa bíi Merozi kiwi kɛ li, ka lɛn baraa bíi a kiwi minin kɛn li. A giala, ǹ da n dɔ Dɛnaa Lawa lɛ wa, ǹ da n dɔ Dɛnaa Lawa laanka a zia mìilandɛnan kɛn lɛ wa.