Nehemii 2:8 - LAWA A BOO SONBORE

⁸ N sɛ́wɔ lɛ a goon dɔ kɔ ma kɔ kii a daã-lɛduə̃li, Asaafu kɛ la, màn mɛn bɛ́ toɛ a gɔn kɔ ma la, kiwi tamaa ǹ kungɔn ke kunu Lawa a kion lɛ ganaa, ma bɛa kiɛnlɛn zɛnaa nɛ, ka kiwi lɛ a kungɔnɔn nɛ ka ma din bɛ́ re woe giɛ̃ kion mɛn dɔ nɛ.» Kii lɛ bɛa sɛ́wɔn lɛn kɔ ma la, a giala maa Lawa lɛ gɔn goã kun manɛ.

LAWA A BOO SONBORE 2011

⁸ N sɛ́wɔ lɛ a goon dɔ kɔ ma kɔ kii a daã-lɛduə̃li, Asaafu kɛ la, màn mɛn bɛ́ toɛ a gɔn kɔ ma la, kiwi tamaa ǹ kungɔn ke kunu Lawa a kion lɛ ganaa, ma bɛa kiɛnlɛn zɛnaa nɛ, ka kiwi lɛ a kungɔnɔn nɛ ka ma din bɛ́ re woe giɛ̃ kion mɛn dɔ nɛ.» Kii lɛ bɛa sɛ́wɔn lɛn kɔ ma la, a giala maa Lawa lɛ gɔn goã kun manɛ.

Nehemii 2:8 Iomraidhean Croise

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Ɛsidrasi 5:5

Sɛnɛ Lawa goã giɛ Zuifun min golen lɛn walan. Pɛrsi gána minin lɛn nə ǹ kurəə dí lɛ a nyɛɛ ganaa wa, yǎa sii lɛ a boo woo dɔ Dariusu li, a binyəə dɔ wusoo á n bɔyaa á daa.

Ɛsidrasi 6:22

Ǹ nə́ *yɔ bùbaã buuru zɔ́n zɛnaa lɛawaa sɔbaa gɔ́ɔ̃ nɛ, ka nyɛnyɛɛ nɛ. Lawa na á ǹ kã ka nyɛnyɛɛ nɛ, a giala, á Asiirii gána a kii foo bɔyaa, màn mɛn bɛ́ toɛ, kii lɛ nə n yɔrɔ bǐɛ̃ da ǹ la, ka Lawa a kion lɛ a dí ni, Izirayeli a Lawa a kion dí lɛ.

Ɛsidrasi 6:8

Ka bɛ́ re sii mɛn zɛnɛɛ bɛa Zuifun min golen lɛn manɛ, Lawa a kion lɛ a dɔ gɔ́ɔ̃ nɛ, bɛ wɔ paǹ li, maa boo á ke: min mɛnɛn bɛ́ Efrati tà a lɛ̀nyɛɛn gɔn la, bɛn bɛ́ nyin giɔ̀mɔ mɛn sarɛɛ, á n doe kii ganaa, bɛa kii gɔn màn kɛ lɛ nɛ, ǹ tá re boe ǹ bɛa minin kɛn lɛn guĩ saa nɛ doɛ̃ sɔnbɔraanɛ, ǹ nə́ ǹ ba a bɔ lɛ diɛ wa.

Ɛsidrasi 7:6

Ɛsidrasi lɛ ná n toa *Baabilonii, á daa. A na á goã sɛ́wɔ-kiɛ̃li lɛa, sɛ́wɔ-kiɛ̃li mɛn nə́ ke Muizu a landa sɛ́wɔ kɛ doɛ̃ a tɔ-a. Landa mɛn lɛ á ke, Izirayeli a Lawa, Dɛnaa Lawa goã á kɔ. Ɛsidrasi goã á nɔ̀n da màn mɛn tumaa li, kii lɛ ná a yii kɔ la, a giala Dɛnaa, Lawa goã kɔn li nɛ.

Ɛsidrasi 7:9

Sonbore, Ɛsidrasi lɛ na á soo Baabilonii, mui bibinaa a giala kɔ pinaa. A Lawa sonbore lɛ bɛ́ kun ni, a na á dɔ Zeruzalɛmu, lɛ̀ a mui soorobaa ǹ wɔ a giala kɔ pinaa.

Nehemii 7:2

Má pɛ máa ǹ ma dɔɔ̃ngiĩ Hananii da Zeruzalɛmu kiwi mìi la, ka bǎã-lɛduə̃lin goledɛnaa Hanania kɛ nɛ, a giala, Hanania lɛ goã bɔlɔgoondɛnaa lɛa, á n nyɛ́ɛ biɛ Lawa nɛ, á la min gigiã nɛ.

Suusun 21:1

Kii foo n mu zii lɛa Dɛnaa Lawa gɔn. Bǎã mɛn bɛ́ kɔɔ̃n a ganaa, a na a yɔrɔ diɛ walan.

Boo-laakalaali 2:5

Má dù gɔrɔn laanka da wurun bɔ ma din wɔn lɛa, má da nɛ-kɔle tɔrɔ tumaa zumu ǹ ni.

Boo-laakalaali 2:6

Má dɛnɛn fɔ̃ ma din wɔn lɛa, ń giɛ bɛn mu tá n kiɛ da ten daã kɛ ganaa.

Izayii 66:14

Ka á re bɛ yii, ka foo á re kɔɔ̃n koe, ka wen nə wusoo ǹ yiikoonaabaa yɛ ka buu bɛ́ lɔn la kio. Min mɛnɛn bɛ́ dí nyɛɛ Dɛnaa Lawa nɛ, á re n pàã nyɛɛ bɛn manɛ. Sɛnɛ, a zɔ́ɔn kɛn tá re a foo yoo kɛa gugurubaa yii.

Nya ǹ dín 26:22

Sɛnɛ, Lawa a dɔmalɛ barka nɛ, ma yii goã koo á daa dɔ pelo ganaa, man siére biɛ pàãdɛnaa dadaran laanka a bɔnboɛɛnɛn yɔrɔ-a. Lawa a boo gii-dalin nə goã ǹ nə́ màn mɛn pɛ lɛlɛ-lɛlɛ, mà á re n zɛnɛɛ, ma bie kɔsɔ pii á kiɛ̃ bɛ lɛ la wa.

Nya ǹ dín 7:10

A bɛ́ á nɔmaan mɛnɛn yɛ, Lawa bɔ bɛn dinin tumaa nɛ. Lawa sii-doɛ̃ gole kɔ la Ezipti a kii gole kɛ yɔrɔ-a, bɛa kii lɛ tɔ na á goã *Faarahɔn. Bɛ Zozɛfu bɔ á koa Ezipti gána mìi la, a ná a din dɔ a kion a naforon sii yɔrɔ bɔ toa a gɔn.

Korɛnti2 8:16

Ma á barka diɛ Lawa nɛ, asɛ mɛn bɛ́ á din kɔ sii ganaa da Tiiti yiri ni ka a lɛa, ka masɛ bɛ́ lɔn!