Nehemii 2:7 - LAWA A BOO SONBORE

⁷ Má wusoo má pɛ kii lɛ nɛ kɛnɛn: «Bɛ̀ á n dùũ baa, n die n sɛ́wɔn kɔ ma la ma wo ǹ kɔ Efrati tà a lɛ̀nyɛɛn gɔn la a pàãdɛnan ma la màn mɛn bɛ́ toɛ, ǹ toa ma kiɛ̃ ma woo, yǎa ma doe Zudaa.

LAWA A BOO SONBORE 2011

⁷ Má wusoo má pɛ kii lɛ nɛ kɛnɛn: «Bɛ̀ á n dùũ baa, n die n sɛ́wɔn kɔ ma la ma wo ǹ kɔ Efrati tà a lɛ̀nyɛɛn gɔn la a pàãdɛnan ma la màn mɛn bɛ́ toɛ, ǹ toa ma kiɛ̃ ma woo, yǎa ma doe Zudaa.

Nehemii 2:7 Iomraidhean Croise

Ɛsidrasi 6:6

Sisia, nsɛ Efrati tà a lɛ̀nyɛɛn gɔn la a pàãdɛnaa Tatenayii, nsɛ Setara-Bozinayii, kasɛn kɛn ǹ miãn lɛa, Afarasataaki kiwi, Efrati tà a lɛ̀nyɛɛn gɔn la, ka n bɔ sii lɛ wɔlɔ li.

Ɛsidrasi 7:21

Masɛ kii Artagizɛrɛsɛɛsi, man pii Efrati tà a lɛ̀nyɛɛn gɔn la a wɔrɔ-koalin tumaa nɛ, máa Lawa a wúlu-bɔle Ɛsidrasi mɛn lɛ á ke lon a Lawa a dí-pɛn dɔ̃li lɛa, máa bɛ bɛ́ re màn mɛn tumaa nyankoe ǹ la, máa ǹ na a lɛpiɛ̃ kɔ la.

Ɛsidrasi 8:22

A giala sìi na á goã ma ganaa, ma kii lɛ nyankɔ máa a sùidɛnaa zia-baalin kɔ, ǹ wɔ tamaa zii la wɔa zɔ́ɔn ganaa. A giala, wɔ n wɔ́ goã wɔ́ pɛ kii lɛ nɛ kɛnɛn: «Min mɛnɛn bɛ́ giɛ wɔa Lawa lɛ li, a n kun ka bɛn nɛ. Sɛnɛ, min mɛnɛn bɛ́ n piɛ̃ nɛ, a foo n yoo-n bɛn li taãn-taãnɛ.»

Ɛsidrasi 8:36

Bɛ kio, ǹ nə́ kii a gɔn-waan lɛn kɔ kii a kiodɛnan kɛn la gána lɛ a bǎãn mìi la, ǹ nə́ ǹ kɔ Efrati tà a lɛ̀nyɛɛn gɔn la a pàãdɛnan dɔn la. Bɛa minin kɛn lɛn nə́ n dɔ Lawa a zaman lɛ lɛ ka kion lɛ a dɔ nɛ.

Nehemii 2:9

Má tɔ́n kiɛ̃ kəni má woo Efrati tà a lɛ̀nyɛɛn gɔn la a pàãdɛnan lɛn li, má kii a sɛ́wɔn lɛn kɔ ǹ la. Kii lɛ goã á sɔraasi mìilandɛnan laanka sùidɛnan dia woe kun ka ma nɛ.

Nehemii 3:7

Melatia ke boe Gabawɔ̃ kiwi, bɛ nɛ, ka Zadɔn kɛ nɛ boe Meronɔti kiwi, ka Gabawɔ̃ kiwi minin laanka Mispaa kiwi minin ni, bɛn man nə́ goã dí nyɛɛ Zozadaa lɛ laanka Mesulaamu lɛn genli, Efrati tà a lɛ̀nyɛɛn gɔn la a pàãdɛnaa a giã ǹ bǎã kɛ genli.