Nehemii 13:2 - LAWA A BOO SONBORE

² A giala, Amɔn tɔrɔn lɛn laanka Moabu tɔrɔn lɛn nə goã ǹ nə́ daa n da Izirayeli minin lɛn lɛ, ka màn-bii laanka mu-n wa. Ka bɛ dɔ nɛ, Moabu gána goã á Balaamu lɛ pii á da Izirayeli minin lɛn ganaa, á lɛn baraa bíi ǹ li. Sɛnɛ, wɔa Lawa bɛa lɛn baraa kɛ lɛ bɔyaa, á baa sii bǐɛ̃ lɛa.

LAWA A BOO SONBORE 2011

² A giala, Amɔn tɔrɔn lɛn laanka Moabu tɔrɔn lɛn nə goã ǹ nə́ daa n da Izirayeli minin lɛn lɛ, ka màn-bii laanka mu-n wa. Ka bɛ dɔ nɛ, Moabu gána goã á Balaamu lɛ pii á da Izirayeli minin lɛn ganaa, á lɛn baraa bíi ǹ li. Sɛnɛ, wɔa Lawa bɛa lɛn baraa kɛ lɛ bɔyaa, á baa sii bǐɛ̃ lɛa.

Nehemii 13:2 Iomraidhean Croise

Loen 109:28

Ǹsɛn man lɛn baraa bíi ma li sɛnɛ, nsɛ n barka diɛ ma-a. Maǹ nə́ yoo ǹ nə́ n gòãn dii ma ganaa, sɛnɛ, sìi nə́ ǹ kũ, n dí-nyali sɛ nə́ n nyɛnyɛɛ.

Misee 6:5

Moabun kii Balaaki bɛ́ á goã mà a n die sii mɛn zɛnɛɛ ka nɛ, Pewɔɔrɔ a nɛgiĩ Balaamu na a lɛ si ka boo mɛn nɛ, kaa toa Sitimu a da Gilgaali ke, maa minin, ka toa ka n taasɛ ka bɛn nɛ. Ka á re doɛ̃ kəni, mà Dɛnaa Lawa sii sonboren zɛnaa ka nɛ.»

Minin nimi 23:18

Balaamu tɔ́n bɔ boon kɛn nɛ kɛnɛn á ǹ pɛ: Balaaki, yoo n nə n too kɔ! N too kɔ ma lon, Sipɔɔrɔ a nɛgiĩ!

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Timəə dí-pɛn 23:3

Lɔ laanka giĩ a tá-kun mɛn bɛ́ a n zɛnaa a yɔrɔ li wa, bɛa nɛ doamaa bie a giã kun ka Dɛnaa Lawa a zaman nɛ wa. Haalɛ a nɔ̀ɔ fulupaa a fùbaa ǹ wɔn dinin doamaa bie ǹ giã kun ka Dɛnaa Lawa a zaman nɛ wa.

Timəə dí-pɛn 23:4

Amɔn tɔrɔn laanka Moabu tɔrɔn doamaa bie ǹ giã kun ka Dɛnaa Lawa a zaman nɛ ka duduu wa. Haalɛ ǹ nɔ̀ɔ fulupaa a fùbaa ǹ wɔ doamaa bie a giã kun ka Dɛnaa Lawa a zaman nɛ wa.

Timəə dí-pɛn 23:5

A giala, ka bɛ́ ká soo Ezipti ká n zii la, ǹ da n da ka lɛ ka màn-bii laanka mu-n wa. Moabu tɔrɔn lɛn man nə́ Bewɔɔrɔ a nɛgiĩ Balaamu bii Pewɔɔrɔ kiwi, Mezopotamii gána-n dinin, mà a da lɛn baraa bii ka li.

Piɛrɛ2 2:15

Ǹ nə́ zii sonbore toa walan, ǹ nə́ ǹ dinin papaã ǹ wɔ saa. Maǹ nə́ Bozɔɔrɔ a nɛ Balaamu a sii-zɛnaa ǹ gɔn saa, bɛ mɛn bɛ́ á lɛ kɔ sii baraa-zɛnaa ganaa wɔrɔ a lɛa.