Nehemii 1:7 - LAWA A BOO SONBORE

⁷ A giala wɔ́ wɔ n lon baraa. Ǹ gɔn waa ǹ boon kɛn nɛ, ǹ landa boon kɛn nɛ, sii yɔrɔ bɔ ǹ boon kɛn nɛ, ń nə́ ǹ kɔ n dí-nyali Muizu la, wɔ bɛn tamaa wa.

LAWA A BOO SONBORE 2011

⁷ A giala wɔ́ wɔ n lon baraa. Ǹ gɔn waa ǹ boon kɛn nɛ, ǹ landa boon kɛn nɛ, sii yɔrɔ bɔ ǹ boon kɛn nɛ, ń nə́ ǹ kɔ n dí-nyali Muizu la, wɔ bɛn tamaa wa.

Nehemii 1:7 Iomraidhean Croise

Kiin1 2:3

Dɛnaa Lawa, n Lawa lɛ bɔlɔ si. Kɔ Dɛnaa Lawa a ziin lɛ, n na a landa boon tamaa, n na a gɔn waa ǹ boon si, ka a sii yɔrɔ bɔ ǹ boon laanka a da ǹ boon ne, ka a bɛ́ ke á n kiɛ̃ Muizu a dí-pɛn sɛ́wɔ kɛ-n lɔn, màn mɛn bɛ́ toɛ n sii yii bǐɛ̃ kɔ n gɔn, ka sii mɛnɛn tumaa bɛ́ n koa n yɔrɔ-a.

KZS2 25:4

Sɛnɛ, a ǹ nɛgiĩn dɛ wa. Màn mɛn bɛ́ kiɛ̃ nɛ dí-pɛn sɛ́wɔ kɛ nɛ, Muizu a sɛ́wɔ ke, á kɔ bɛ lɛ. Taãnɛ, bɛa sɛ́wɔ lɛ gɔ́ɔ̃ nɛ, Dɛnaa Lawa dí-pɛ kɛ kɔ: «Nɛnyaanan nə sii baraa mɛn zɛnaa, ǹ baran ǹ díin dɛ bɛa lɛa wa. Díin nə sii baraa mɛn zɛnaa, ǹ baran ǹ nɛnyaanan dɛ bɛa lɛa wa. Didie n giɛ̃ a din a sii baraan taman yii.»

KZS2 27:2

Sii mɛn bɛ́ siĩn Dɛnaa Lawa yii li, Zoatamu na á bɛ lɛ zɛnaa ka te ka a díi Oziasi wɔ bɛ́ lɔn. Asɛ wɔ Dɛnaa Lawa a kion kɛ-n wa. Sɛnɛ, zaman lɛ goã lɛ pii ǹ màn sii.

Ɛsidrasi 7:6

Ɛsidrasi lɛ ná n toa *Baabilonii, á daa. A na á goã sɛ́wɔ-kiɛ̃li lɛa, sɛ́wɔ-kiɛ̃li mɛn nə́ ke Muizu a landa sɛ́wɔ kɛ doɛ̃ a tɔ-a. Landa mɛn lɛ á ke, Izirayeli a Lawa, Dɛnaa Lawa goã á kɔ. Ɛsidrasi goã á nɔ̀n da màn mɛn tumaa li, kii lɛ ná a yii kɔ la, a giala Dɛnaa, Lawa goã kɔn li nɛ.

Loen 106:6

Wɔ dɔn nə́ sii baraa zɛnaa, ka wɔ digolon bɛ́ lɔn, wɔ́ kanaa wɔ́ zii toa, zɛ̀rɛ wɔ kũ.

Loen 89:31

Bɛ̀ a nɛnyaanan nə́ n wɔlɔ lui maa landa boon ganaa, ǹ nə́ ǹ ba koe maa sii yɔrɔ bɔ ǹ boon kɛn lɛ wa,

Loen 89:32

bɛ̀ ǹ nə́ maa gɔn waaman boon kɛn tii, ǹ nə́ ǹ ba maa dí-pɛn kɛn tamaɛ wa,

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Ozee 9:9

Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

Lawa a wúlu-bɔlen 27:34

Dɛnaa Lawa nə n gɔn waa Muizu ni ka boon mɛnɛn nɛ, Sinayii kele la, mà ǹ nə ǹ pɛ Izirayeli minin lɛn manɛ, ǹ dinin man ka bɛn nɛ.

Sofonii 3:7

Má pɛ ma din ni: Sisia, kiwi lɛ á die ma guguru koe, á re n too koe maa doroon li. Bɛ̀ á miɛ̃, ma a re maa dɔlɔn kɛn boe a ganaa doo wa, ma a re a bɔ̀n biɛ doo wa. Sɛnɛ, haayii! Kiwi lɛ a minin man nə́ n gòã yii fuu saa ǹ nə́ kaa sii baraa nɛ.

Timəə dí-pɛn 4:1

Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

Timəə dí-pɛn 4:5

Ma á ke má ka daraa landa boon laanka sii yɔrɔ bɔ ǹ boon lɛn ganaa, ka maa Lawa, Dɛnaa Lawa bɛ́ á n gɔn waa ma-n lɔn. Ma pɛ ka-n lɔn, ka bɛ́ re kiɛ gána mɛn lɛ nɛ, ka si ka baa kaa wɔ lɛa, ka zɛnaa walan miɛ̃.

Timəə dí-pɛn 5:1

Muizu Izirayeli minin lɛn tumaa biì á pɛ ǹ nɛ: – Izirayeli minin lɛn, ma bɛ́ landa boon laanka sii yɔrɔ bɔ ǹ boon mɛnɛn kiɛ ka too-n pelo ke, ka n too kɔ bɛn li. Ka n daraa ǹ ganaa, ka ǹ tamaa, ka kɔ ǹ lɛ.

Timəə dí-pɛn 6:1

Gɔn waa ǹ boon lɛn man ka kɛn nɛ kànaa, ka landa boon laanka sii yɔrɔ bɔ ǹ boon ne. Kaa Lawa, Dɛnaa Lawa na á pɛ, mà ma ka daraa ǹ ganaa, màn mɛn bɛ́ toɛ, ka kɔ ǹ lɛ gána lɛ nɛ, ka bɛ́ re kiɛ̃ ka kaa gána mɛn lɛ nɛ, ka si ka baa kaa wɔ lɛa.

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»