Nehemii 1:3 - LAWA A BOO SONBORE

³ Ǹ nə́ tɔ́n ma lɛ si kɛnɛn: «Min mɛnɛn nə bɔ bɛ̀rɛbaa ǹ bǎã lɛ nɛ ǹ nə́ daa ǹ gána nɛ, ǹ tá koe gole laanka sìi bii. Zeruzalɛmu a kungɔn lɛ tá fɔfoɛ̃ nɛ, tɛ ná a kiɛnlɛn dɔn kũ.»

LAWA A BOO SONBORE 2011

³ Ǹ nə́ tɔ́n ma lɛ si kɛnɛn: «Min mɛnɛn nə bɔ bɛ̀rɛbaa ǹ bǎã lɛ nɛ ǹ nə́ daa ǹ gána nɛ, ǹ tá koe gole laanka sìi bii. Zeruzalɛmu a kungɔn lɛ tá fɔfoɛ̃ nɛ, tɛ ná a kiɛnlɛn dɔn kũ.»

Nehemii 1:3 Iomraidhean Croise

Kiin1 9:7

bɛa biikoo li kəni, man die, Izirayeli minin lɛn papaɛ̃ ma ǹ bɔ tán kɛ la, má kɔ ǹ la. Kion mɛn dɔ bɛ́ má ma din tɔ da la, ma nə n la boe bɛ dɔ ganaa. Izirayeli tá re suusu da ǹ màn biɛ, a yaa da ǹ màn baa tɔrɔn tumaa gɔn.

Kiin2 25:10

Kalden zia-baalin mɛnɛn tumaa goã minin-lɛduə̃lin mìilandɛnaa lɛ diɛ zii, bɛn nə́ kungɔn kɛ wuru, Zeruzalɛmu lɛnpɛnɛ.

KZS2 36:19

Baabilonii minin nə́ tɛ da Lawa a kion lɛ ganaa, ǹ nə́ Zeruzalɛmu a kungɔn wuru, ǹ nə́ tɛ kaa kii kionən lɛn tumaa ganaa kɔnlɛ kaa màn giɔ̀mɔ kakaa din tumaa nɛ.

Ɛsidrasi 2:1

*Baabilonii gána a kii Nebukadenezɔɔrɔ goã á Zudaa minin mɛnɛn goa, á woo ǹ ne bɛ̀rɛbaa ǹ bǎã nɛ Baabilonii gána nɛ, bɛn min mɛnɛn nə n bɔyaa bɛa bɛ̀rɛbaa ǹ bǎã lɛ nɛ, ǹ nə́ daa Zeruzalɛmu laanka Zudaa kiwi, ǹ didie giã a kiwi, ǹ dinin man ke.

Ɛsidrasi 5:8

Wɔ n giɛ li, wáa n dɔ̃, wáa wɔ́ woo Lawa gole a kion Zudaa gána nɛ. Zuifun lɛn tá a gialaa kion lɛ doe ka kɔlɔ dadaran nɛ, ǹ nə́ gɔnɔn kaa a kungɔnɔn nɛ. Ǹ wen tá waa nɛ dí lɛ li, dí lɛ dɔ á tɔ we ǹ gɔn.

Nehemii 11:3

Gána lɛ a nyɛɛnaandɛnan man nə́ giã Zeruzalɛmu. Sɛnɛ, Izirayeli a zaman gialakun lɛ nɛ, *Levii tɔrɔn nɛ, min mɛnɛn bɛ́ dí nyɛɛ minin giulun Lawa a kion, bɛn nɛ, Salomɔn a dí-nyalin kɛn tɔrɔn nɛ, bɛn nə́ goã giãnɛ ǹ dinin kiwin ni, didie ná a tán la.

Nehemii 2:13

Tèlò-n, má bɔ ka nyankɔrɔ lɛ kiɛnlɛ kɛ nɛ, má woo tolokan mu a pìã lɛ-a ka yisi kaa ǹ bǎã a kiɛnlɛ kɛ lɛ-a nɛ. Zeruzalɛmu kiwi a kungɔn mɛn lɛ fɔfɔ̃, tɛ ná a kiɛnlɛn kukũ, má goã giɛ bɛ ganaa doɛ̃ sɔnbɔraanɛ.

Nehemii 2:17

Má tɔn pɛ ǹ nɛ: «Koe mɛn bɛ́ wɔ mìi ni, ka yii ba bɛ ganaa wa? A giala ǹ nə́ Zeruzalɛmu yu. Tɛ ná a kiɛnlɛn kũ. Ka daa wɔ n tan, wɔ wusoo wɔ Zeruzalɛmu a kungɔn lɛ dɔ, wɔ n bɔ sìi bii!»

Nehemii 2:3

Sɛnɛ má n toa kii lɛ ganaa: «Kii, n yii die a goã koo miɛ̃ duduu? Ma yɔrɔ n siɛ lɔn a ná a goɛ̃ ziziɛ̃-n wa?» Ma wo ma digolon bĩ kiwi mɛn nɛ, ń nə́ bɛ yu, tɛ ná a kiɛnlɛn kũ.

Nehemii 7:6

*Baabilonii gána a kii Nebukadenezɔɔrɔ goã á Zudaa minin mɛnɛn goa, á woo ǹ ne bɛ̀rɛbaa ǹ bǎã nɛ Baabilonii gána nɛ, bɛn min mɛnɛn nə n bɔyaa bɛa bɛ̀rɛbaa ǹ bǎã lɛ nɛ, ǹ nə́ daa Zeruzalɛmu laanka Zudaa kiwi, ǹ didie giã a kiwi, ǹ dinin man ke.

Loen 79:4

Wɔ á ke, wɔ miãkɛnɛn nə́ sɔ kiɛ wɔ la. Min mɛnɛn bɛ́ wɔ lɛnpɛnɛ, bɛn man wɔ diɛ yaa lɛa, ǹ nə́ wɔ pɔpɔsɛ.

Suusun 25:28

Min mɛn bɛ́ a boe a din foo la wa, bɛ na á kɔnbɔ ka kiwi mɛn bɛ́ panparaanɛ kungɔn ná a ba a ganaa wa.

Izayii 43:28

Bɛ lɛ nɛ, má bǎã sonbore kɛa kiãn nɔɔ má ǹ kaa, má Zakɔba tɔrɔ lɛ wɔ a ziziɛ̃ wolen gɔn, má Izirayeli toa a sɔ kaa ma la wolen gɔn.

Izayii 5:5

Sisia, ma bɛ́ re màn mɛn zɛnɛɛ maa rezɛ̃ wuru lɛ nɛ, bɛ á ke: Gɔ̀rɔ mɛn bɛ́ a lɛnpɛnɛ, man die bɛ wurii ma bɔ a ganaa, tɔɔn nə sɔ̃. Kungɔn mɛn bɛa lɛnpɛnɛ, man die yala boe bɛ́ ganaa, kiɛ̃ wolen nə tɔtɔrɔ.

Zeremii 24:9

Ǹ tá re sii a kɔnboe biɛ kanaa a tɔrɔn tumaa li. Bɛ̀ ǹ nə́ ǹ yɛ, ǹ gɔ̀nɔn tá re bìn diɛ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ walan, bɛ̀ ǹ tá li ǹ sìi da min ganaa, ǹ min da yaa lɛa, ǹ sɔ kɔ min ganaa hinlaa ǹ lɛn baraa bíi li.

Zeremii 29:18

Man die ǹ kio lui ka zia nɛ, bòo ne ka piɛ̃ busu ni. Bɛ̀ gánan mɛnɛn nə́ ǹ yɛ, nyɛ́ɛ á re bɛn tumaa kuĩ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ bɛn li, bɛ̀ ǹ tá re lɛn baraa bíi, bɛ̀ ǹ tá sii bɔbɔnɛɛ boo diɛ, nyɛ́ɛ da ǹ sii ni ka sìi boo ni.

Zeremii 39:8

Baabilonii minin nə́ tɛ da kii a kion gana Zeruzalɛmu ka Zeruzalɛmu minin kionən ne. Kungɔn mɛn bɛ́ Zeruzalɛmu kiwi tamaɛ, ǹ nə́ bɛ wuru.

Zeremii 42:18

Zeremii pɛ doo: – Dɛnaa Lawa Pàãyiidɛnaa, Izirayeli a Lawa n kɛ pii: «Má maa foo-yoo baraa kaa Zeruzalɛmu minin la. A din yɔrɔ goon la, bɛ̀ ka woo Ezipti gána nɛ, man maa foo-yoo baraa kɛ kiɛ ka dɔn la. Ka bɛ nɛ, ǹ tá re ka biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni. Ka a re kaa gána kɛ yii doo duduu wa.»

Zeremii 5:10

Ka dii kungɔn la ka *rezɛ̃ da kɛ ziziɛ̃. Sɛnɛ, ka nyan ziziɛ̃ lenlen wa. Ka a gùrùn kukuru, ǹ bie masɛ wɔn lɛa wa.

Zeremii 52:14

Zia kurun mɛnɛn nə goã kun ka bǎã-lɛduə̃lin goledɛnaa lɛ nɛ, bɛn nə́ Zeruzalɛmu lɛnpɛnɛ ǹ kungɔn lɛ ziziɛ̃.

Busii pɛ 1:7

Kanna, sìi bɛ́ Zeruzalɛmu ganaa, woo ǹ bǎã ná a ba la wa, a yiri gisĩ a lɛlɛ ǹ màn giɔ̀mɔ kakan kɛn tumaa nɛ. A zɔ́ɔn gɔn bɛ́ á dɔ a zaman ganaa ǹ mɛn waáraa, min kɔn yɛ á daa a gu ganaa wa. A zɔ́ɔn man giɛ a ganaa ǹ nə́ yaa we, a giala, mà á ziziɛ̃.

Busii pɛ 2:9

Kiwi lɛa kiɛnlɛn nə́ kaa, ǹ nə́ wɔ tán tii li. Dɛnaa Lawa nə́ ǹ kii la ǹ bàlà yiyiɛ. A kii laanka a nyɛɛnaandɛnan man gùlin lɛa tɔrɔ kɔsɔn bii. Dí-pɛ banban doo wa, a boo gii-dalin ba Dɛnaa Lawa a sii-nyaa yii doo wa.

Busii pɛ 3:61

Dɛnaa Lawa, ń nə́ ǹ sɔ kɔ kɛ ma ka ǹ bɛ́ siin mɛnɛn we kɔn ma ganaa.

Busii pɛ 5:1

Sii mɛn wɔ yɛ, Dɛnaa Lawa yiri nyan bɔ-n wa. Ga, ǹ bɛ́ sìi mɛn diɛ wɔ ganaa, n bɛ dɔ̃.

Lawa a wúlu-bɔlen 26:31

Ma á die kaa kiwin kɛn yui lenlen. Kaa dìn guguru kɔ ǹ bǎãn kɛn, man die bɛn wurii, min ná a ba woe walan doo wa. Kaa wúlu mànan kɛn tɛmaa din gìĩ ba re kɔɔ̃n koe masɛ-n doo wa.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.