Nehemii 1:11 - LAWA A BOO SONBORE

¹¹ E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

LAWA A BOO SONBORE 2011

¹¹ E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

Nehemii 1:11 Iomraidhean Croise

Siin Giala 24:42

Ma bɛ́ má daa má dɔ tù kɛ lɛ-a pelo, má Lawa nyankɔ: «Maa dɛnaagiĩ Abrahamu a Dɛnaa Lawa, ma bɛ́ zii tɔ mɛn we, bǐɛ̃ kɔ ma ganaa, n ma gòã bǐɛ̃ na a nɛ.»

Siin Giala 32:11

Masɛ mɛn bɛ́ n bɛ̀rɛ lɛa, n bǐɛ̃ mɛn tumaa zɛnaa ma nɛ ka bɔlɔgoondɛnaabaa nɛ, ma doamaa bie-n duduu wa! A giala, ma bɛ́ Zurdɛ̃ tà kuri ǹ mɛn waáraa má n woe, bɛ̀ maa bàbàla goon toto kɛ dinsɔɔ̃ n ma gɔn. Sɛnɛ, sisia, ma á ke má n bɔyaa ka gɔn mànan nɛ kuru paa.

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Siin Giala 40:1

Bɛa siin lɛn kiɛ̃ kio, Eziptin kii lɛ a dí-nyali min paa ná a zɛ̀rɛ saa ǹ kɔn pinaa: A yɔ kɔmala wolen goledɛnaa laanka a buuru-dalin goledɛnaa nɛ.

Siin Giala 40:2

Kii *Faarahɔn lɛ foo yoo ǹ li parsiini.

Siin Giala 40:21

Á wusoo á yɔ kɔ kii la wolen goledɛnaa saa, á da a di lɛ la, bɛ goã a mi ǹ mànan paan we a gɔn.

Siin Giala 40:23

Sɛnɛ, yɔ kɔ kii la wolen goledɛnaa lɛ Zozɛfu boo da doo wa, a yiri bɔ nɛ.

Siin Giala 41:9

Bɛa biikoo li, Faarahɔn a yɔ kɔmala wolen goledɛnaa tɔ́n pɛ nɛ: «Ma doamaa nɛ ma ma din zɛ̀rɛ baa pelo.

Siin Giala 43:14

Lawa Pàãyiidɛnaa die a ka gìĩ da giĩ lɛ nyin ni, a toa Simiɔn laanka Bɛnzamɛn nə n bɔyaa kun ka nɛ. Man die foɛ̃ maa nɛnyaanan lɛn nɛ kɛnɛn, ka ma bin ni ma nɛ yɛ wa!»

KZS2 6:40

Kanna, Maa Lawa, n yii bũ, bǐɛ̃ kɔ n nə n too kɔ nyankɔn li bǎã kɛ nɛ sɔnbɔraanɛ.

Ɛsidrasi 1:1

Lɛlɛ lɛlɛ, Dɛnaa Lawa goã á boo da a boo gii-dali Zeremii ni. Pɛrsi gána a kii Siirusu a kiibaa lɛ̀ bibinaa li, Dɛnaa Lawa na á wɔ Pɛrsi gána a kii Siirusu lɛ yiri ni, mà a lɛ dia a gána lɛ tumaa nɛ, a sɛ́wɔ dɔ din kiɛ̃ a pɛ

Ɛsidrasi 7:6

Ɛsidrasi lɛ ná n toa *Baabilonii, á daa. A na á goã sɛ́wɔ-kiɛ̃li lɛa, sɛ́wɔ-kiɛ̃li mɛn nə́ ke Muizu a landa sɛ́wɔ kɛ doɛ̃ a tɔ-a. Landa mɛn lɛ á ke, Izirayeli a Lawa, Dɛnaa Lawa goã á kɔ. Ɛsidrasi goã á nɔ̀n da màn mɛn tumaa li, kii lɛ ná a yii kɔ la, a giala Dɛnaa, Lawa goã kɔn li nɛ.

Nehemii 1:6

N yii bũ, ǹ nə n too kɔ maa nyankɔ ganaa. Biikoo kɛ gɔ́ɔ̃ nɛ, penleen laanka tèlò ne, ma nə n nyankoe, n dí-nyalin, Izirayeli minin lɛn lɛa: wɔ sii baraan mɛnɛn zɛnaa, ma nə n nyankoe, n bɛn toa wɔ nɛ. Wɔ́ sii baraa zɛnaa, ma laanka ma dikion minin ni.

Nehemii 2:1

Kii Artagizɛrɛsɛɛsi a kiibaa lɛ̀ fuəbaa ǹ wɔ li, *Niizã mui ni, ma din a duvɛ̃ sii yɔrɔ bɔ bɛ́ nɛ, yǎa ma tɔn duvɛ̃ lɛ saa, má kɔ la. Ma foo bin bɛ́ a bie á tɔ́n goã ziziɛ̃ nɛ kii lɛ yɔrɔ-a wa,

Nehemii 2:8

N sɛ́wɔ lɛ a goon dɔ kɔ ma kɔ kii a daã-lɛduə̃li, Asaafu kɛ la, màn mɛn bɛ́ toɛ a gɔn kɔ ma la, kiwi tamaa ǹ kungɔn ke kunu Lawa a kion lɛ ganaa, ma bɛa kiɛnlɛn zɛnaa nɛ, ka kiwi lɛ a kungɔnɔn nɛ ka ma din bɛ́ re woe giɛ̃ kion mɛn dɔ nɛ.» Kii lɛ bɛa sɛ́wɔn lɛn kɔ ma la, a giala maa Lawa lɛ gɔn goã kun manɛ.

Loen 106:46

Min mɛnɛn nə goã pàã nyɛɛ ǹ nɛ, ka kòso-nɛn manɛ, á toa bɛn nə́ wusoo ǹ nə́ ǹ makara dɔ̃.

Loen 130:2

Dɛnaa, toa n ma lɛ ma, n too kɔ doɛ̃, n maa goã-kũ ma.

Loen 61:5

Á kɔɔ̃n ma ganaa, ma goã n kion yǎa duduu, ma duru ǹ bǎã yɛ n nyàa kan giulun.

Loen 86:6

Dɛnaa Lawa, n too kɔ maa nyankɔ li. N too kɔ maa gòã-kũ diɛ kɛ li.

Suusun 1:29

Bɛ n die n zɛnɛɛ a giala ka n piã ka doɛ̃ nɛ, ka n piã ka nyɛ́ɛbaa Dɛnaa Lawa yii n ni.

Suusun 21:1

Kii foo n mu zii lɛa Dɛnaa Lawa gɔn. Bǎã mɛn bɛ́ kɔɔ̃n a ganaa, a na a yɔrɔ diɛ walan.

Zeremii 42:12

Ma á re toɛ ka makara kũ, á re makara boe ka ganaa, a toa ka wusoo ka da kaa gána nɛ.»

Malakii 3:16

Sɛnɛ, min mɛnɛn bɛ́ Dɛnaa Lawa lɛ sii, bɛn nə́ boo da kɔn ǹ dinin bii ni. Dɛnaa Lawa nə́ n too kɔ ǹ lon, á ǹ boo diɛ ma. Min mɛnɛn bɛ́ a pàã doɛ̃ ǹ ná a lɛ sii, ǹ nə́ bɛn tɔ kiɛ̃ sɛ́wɔ nɛ ǹ nə́ koa a yɔrɔ-a.

Ebrəə 13:18

Ka Lawa nyankɔ wɔ a lɛa, a giala, wɔ á waa-n la, wáa wɔ foo ba wɔ zɛ̀rɛ biɛ wa, wɔ ǹ giɛ li, wɔ tɔ sonbore wɔ biikoo tumaa li.