Marki 9:25 - LAWA A BOO SONBORE

²⁵ Yezu bɛ́ á yɛ zaman nə́ tɔn nə n nanaɛ die ǹ li, á paraa nɔ̀ɔnɔn lɛn li, á pɛ ǹ nɛ: «Kasɛn mɛnɛn bɛ́ min kurii boo diɛ laanka boo ma ganaa, man pii ka nɛ, máa ka woo ka n bɔ nɛ kɛ lɛ nɛ, ka nyan toa ka da a ganaa doo duduu wa!»

LAWA A BOO SONBORE 2011

²⁵ Yezu bɛ́ á yɛ zaman nə́ tɔn nə n nanaɛ die ǹ li, á paraa nɔ̀ɔnɔn lɛn li, á pɛ ǹ nɛ: «Kasɛn mɛnɛn bɛ́ min kurii boo diɛ laanka boo ma ganaa, man pii ka nɛ, máa ka woo ka n bɔ nɛ kɛ lɛ nɛ, ka nyan toa ka da a ganaa doo duduu wa!»

Marki 9:25 Iomraidhean Croise

Zakarii 3:2

Dɛnaa Lawa pɛ zɛ̀rɛ da ma la wole lɛ nɛ: «Dɛnaa Lawa nə n lɛ tã, zɛ̀rɛ da ma la wole! Sonbore, á n lɛ tã, asɛ mɛn Zeruzalɛmu bɔ á koa! Yesuwa bie ka gɔn lɛkoro bɛ́ lɔn ǹ nə́ bɔ tɛ-n wa?»

Matiə 12:22

Bɛa biikoo li, minin nə́ daa giĩ goon kɔ Yezu la, a giala nɔ̀ɔnɔn man a ganaa, a yii tã, a boe boo diɛ dɔ la wa. Yezu ná a busu nya, yǎa a boo la á boo da, a yii dɔ wɔlɔ yɛ.

Matiə 17:18

Yezu yoo nɔ̀ɔnɔn lɛn gialaa, ǹ nə́ n bɔ nɛ lɛ ganaa, a busu nya a din bǎã-n gɔrɔ.

Marki 9:15

Yezu a daa zaman lɛ tɔwaa parsiini; ǹ bɛ́ ǹ nə́ Yezu yɛ lɔn gɔrɔ, ǹ nə́ baa si ǹ nə́ woo fòo da nɛ.

Marki 9:24

Bɛa bǎã-n gɔrɔ, nɛ lɛ di nə́ n lɛ dɛ, á pɛ nɛ: «Má golee li, n dɔ ma lɛ, n màn da maa golee Lawa li boɛɛn kɛ li.»

Marki 9:26

Nɔ̀ɔnɔn lɛn nə́ n lɛdɛ ǹ nə́ bìn da nɛ lɛ ganaa parsiini, ǹ nə́ tɔ́n woo. Nɛginin lɛ goã tán ka a na á gã. Bɛ lɛ nɛ, min mɛnɛn dinin nə goã walan, bɛn mà á gã.

Luku 11:14

Yezu lɛ tere-a goon lɛ bũ. Nɔ̀ɔnɔn man nə́ goã bɛa giĩ lɛ ganaa. Nɔ̀ɔnɔn lɛn bɛ́ ǹ nə́ n bɔ a ganaa lɔn gɔrɔ, á yoo á boo da. Á kaãbaa da zaman lɛ ganaa.

Luku 4:35

Yezu paraa ǹ li á pɛ: «Ka n lɛ tã, ka n bɔ giĩ kɛ ganaa.» Nɔ̀ɔnɔn lɛn nə́ giĩ lɛ zũ tán min tumaa yɔrɔ-a, bɛ kio, ǹ nə́ n bɔ a ganaa, ǹ baraa zɛnaa-n wa.

Luku 4:41

Nɔ̀ɔnɔn dɔn nə́ goã n boe gigiã ganaa, bɛ̀ ǹ nə́ n lɛ dii Yezu ganaa: «Ma n Lawa a Nɛ lɛa!» Sɛnɛ, Yezu goã sɛ̀ pii ǹ-a, a goã toɛ ǹ boo kɔsɔ da wa, a giala nɔ̀ɔnɔn lɛn nə́ goã Yezu lɛ doɛ̃ Minin Nyin-sili lɛ lɛa.

Luku 8:29

Sonbore, Yezu na á goã pii nɔ̀ɔn babaraan lɛn manɛ, mà ǹ nə n bɔ giĩ kɛ ganaa. A giala gunyin gigiã nɔ̀ɔnɔn lɛn man nə́ goã giĩ lɛ kuĩ. Bɛ lɛ taman yii, minin man nə́ goã doɛ bɛ̀ ǹ kanan kaa a gòãn-a, ǹ fɔlɔ biɛn yii a gɔnɔn ganaa. Sɛnɛ, a na a gòã yii ǹ mànan lɛn niɛ̃. Nɔ̀ɔnɔn lɛn man nə́ goã nyanɛɛ bɛ̀ ǹ wo-n diə bǎãn nɛ, min bɛ́ a ba bǎãn mɛnɛn nɛ wa.

Luku 9:42

Nɛ lɛ din dɔ a li taãn wa, yǎa nɔ̀ɔnɔn lɛn nə́ kũ ǹ nə́ zũ tán, ǹ nə́ bìn da a ganaa. Sɛnɛ, Yezu paraa nɔ̀ɔn baraan lɛn li, á ǹ loo, á nɛ lɛ kɔ ǹ di la.

Nya ǹ dín 16:18

Á bɛa sii kɛ lɛ zɛnaa lɛawaa damata gɔ́ɔ̃ nɛ. Pooli bɛ́ á nɔmaa, á n bɔyaa á pɛ nɔ̀ɔnɔn lɛn manɛ: «Man pii ka nɛ ka Yezu *Krita tɔ nɛ, ka n bɔ lɔ kɛ ganaa.» A din bǎã-n gɔrɔ, nɔ̀ɔnɔn lɛn nə́ n bɔ a ganaa.

Zude 1:9

Lon a dia dí-a wolen goledɛnaa Miseli din bɛ zɛnaa wa. A laanka *Sɛtaan bɛ́ zia diɛ ǹ mɛn waáraa, ǹ nə́ kɔn liere koe Muizu gere ganaa, Miseli lɛ kɔ, á dɔlɔ da Sɛtaan mìi ni, a sɔ kɔ Muizu ganaa kɛ a lɛa wa. A na á pɛ kooro mà «Dɛnaa Lawa die a dɔlɔ bɔ n ganaa!»