Marki 9:1 - LAWA A BOO SONBORE

¹ Yezu tɔ́n pɛ ǹ nɛ doo: «Masɛ n pii ka nɛ sonbore, min tɛn tá ka bii kànaa dinin, ǹ tá re goɛ̃ ǹ yii n koo yǎa *Lawa a kiibaa kɛ die ka pàã nɛ, a die ǹ yiɛ.»

LAWA A BOO SONBORE 2011

¹ Yezu tɔ́n pɛ ǹ nɛ doo: «Masɛ n pii ka nɛ sonbore, min tɛn tá ka bii kànaa dinin, ǹ tá re goɛ̃ ǹ yii n koo yǎa *Lawa a kiibaa kɛ die ka pàã nɛ, a die ǹ yiɛ.»

Marki 9:1 Iomraidhean Croise

Matiə 16:28

Masɛ n pii ka nɛ, sonbore, kasɛn mɛnɛn bɛ́ kànaa, ka tɛnɛn yii á die Min a Nɛgiĩ yii die kii lɛa ka tɔn gã.»

Matiə 24:30

Bɛa biikoo li, Min a Nɛgiĩ a daa a sii a kɔnbɔ á die soe lon. Kanaa a tɔrɔn tumaa á re n lala diɛ. N tá re Min a Nɛgiĩ yii labaran la, ka pàã gole laanka gugurubaa gole ne.

Matiə 25:31

Bɛ̀ Min a Nɛgiĩ daa ka a kiibaa nɛ, kun ka lon a dia dí-a wolen tumaa nɛ ǹ mɛn pinaa, á die giɛ̃ a kii dankan gole la.

Marki 13:26

Bɛa biikoo li, ka á re Min a Nɛgiĩ yii die labaran bii, ka pàã gole ne, ka gugurubaa nɛ.

Marki 13:30

Masɛ n pii ka nɛ, sonbore ne: Pelo minin kɛn lɛn ba re giɛ̃ ǹ nya, bɛ̀ bɛa sii kɛ tumaa ná a n zɛnaa wa.

Luku 2:26

a na á goã á nyaa nɛ mà Dɛnaa Lawa bɛ́ á nyin-sili mɛn boo da, mà a die giɛ̃ bɛ̀ a yii ná a bɛ yɛ wa.

Luku 22:18

A giala masɛ n pii ka nɛ: Ma a re *rezɛ̃ da nɛ mu mii doo wa, yǎa Lawa a kiibaa kɛ doe.»

Luku 22:30

Ka á re màn bii ka màn mi kun ka masɛ nɛ, maa kiibaa ǹ bǎã kɛ nɛ, ka á re giɛ̃ kii dankanan la, ka goã Izirayeli tɔrɔ fulupaa kɛ mìi la kun ka masɛ nɛ.»

Luku 9:27

Man pii ka nɛ sonbore, kasɛn mɛnɛn bɛ́ kànaa, ka tɛnɛn yii á die Lawa a kiibaa kɛ lɛ yii ka tɔn gã.»

Zaã a sɛ́wɔ 21:23

Minin man nə́ n bibiə̃ ka bɛa boo lɛ nɛ dɔɔ̃nɔn lɛn bii mà bɛa kialandɛnaa lɛ a die giɛ̃ wa. A da yaa Yezu bie á pɛ nɛ, mà a re giɛ̃ wa. A màn mɛn pɛ bɛ á ke: Bɛ̀ ma tá li a goã a yii n koo yǎa ma wusii die, n wàa mɛn sii na a nɛ?

Ebrəə 2:9

Sɛnɛ, wɔ yii n kɛ ganaa Yezu lɛ wɔ paǹ li: «Biikoo boɛɛn gɔ́ɔ̃ nɛ, Lawa ná a kiɛɛrɛ kɔ, á la lon a dia dí-a wolen manɛ,» màn mɛn bɛ́ toɛ, Lawa a bǐɛ̃baa barka nɛ, a gã minbuiin nɛ tumaa a lɛa. Sɛnɛ kanna, wɔ yii na a ganaa doo, wáa Lawa «gugurubaa laanka zín kɔ la» a gɛ̀-wɔ lɛ a lɛa.