Marki 7:13 - LAWA A BOO SONBORE

¹³ Bɛa zɛnaa miɛ̃ kɛ lɛ, ka n Lawa a boo lɛ biɛ boo kooro lɛa, ka á ka dinin landa siin pɛsã koe ne, ka dinin nə kɔn daraa ǹ mɛnɛn lɛn ganaa. Ka á bɛa siin kɛn lɛn miã gigiã zɛnɛɛ.

LAWA A BOO SONBORE 2011

¹³ Bɛa zɛnaa miɛ̃ kɛ lɛ, ka n Lawa a boo lɛ biɛ boo kooro lɛa, ka á ka dinin landa siin pɛsã koe ne, ka dinin nə kɔn daraa ǹ mɛnɛn lɛn ganaa. Ka á bɛa siin kɛn lɛn miã gigiã zɛnɛɛ.

Marki 7:13 Iomraidhean Croise

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Ezekieli 18:14

Nɛ á boe la a na a díi yɛ sii baraa tɔrɔ tumaa zɛnɛɛ, sɛnɛ, a ná a koe a díi lɛ a zɛnaa ǹ sii lɛ wa.

Ozee 8:12

Ta man má maa dí-pɛn kɛn kiɛ̃ gunyin duu goon má kɔ ǹ la, a n die sii tii biɛ ǹ gɔn.

Matiə 15:6

bɛa dɛnaa kɛ laadoo ba a ganaa doo, a ǹ di guguru kɔ ka màn nɛ wa. Ka ǹ Lawa a boo sàabiɛ kɛnɛn lɛn ka dinin landan lɛa!

Marki 7:12

ka n pii mà bɛa dɛnaa doamaa bie a màn kɔn kɔ ǹ di hinlaa ǹ dan la doo wa.

Marki 7:14

Yezu wusoo á lɛ dia zaman lɛ la á pɛ ǹ nɛ: «Ka dinin tumaa nə n too kɔ, ka masɛ a boo kɛ ma.

Marki 7:3

Sonbore ne, ka dɔ̃ mà a kɔnpɛ ka ǹ digolon landa siin ni, Fariziɛ̃n laanka Zuifu gialakunun tumaa, ǹ kɔ́n ba màn bii, bɛ̀ a ná a n gɔn pii á kɔnpɛ ka bɛa landa lɛ-n wa.

Marki 7:5

Fariziɛ̃n laanka landa sii-daraalin nə́ tɔ́n nɔ̀n da Yezu la: «Wàa na á baa wɔsɛn digolon nə landa siin mɛnɛn koa, nsɛ a kialandɛnan ba bɛn tamaɛ wa, ǹ nə́ màn bii ka ǹ gɔn gɔgɔrɛ nɛ?»

Marki 7:9

Yezu tɔ́n pɛ ǹ nɛ doo: – Ka á boe piã la dɛ, ka n piã ka Lawa a dí-pɛ nɛ, ka n ka dinin landa siin lɛn zɛnɛɛ!

Galaasi minin 1:14

Má goã woe nyɛɛnɛ Zuifun zii kɛ nɛ, má la ma din miã lɛn tumaa nɛ ma tɔrɔ minin bii. A giala, din kɔ sii ganaa goã ma nɛ wɔ digolon landa siin kɛn lɛa parsiini.

Galaasi minin 5:21

Maǹ yii bɔ miãn gɔn màn li wolen lɛa, ǹ nə́ n dinin koe yɔ mi á la yii-n la, ǹ nə́ basaã-kɔlen lɛa, ka bɛ miã sii kɔsɔn dɔn nɛ. Man wusii ka yiri diɛ a-n kanna doo, ka ma bɛ́ má pɛ ka-n lɔn lɛlɛ, máa bɛ miã min kɛ kɔ́n ba *Lawa a kiibaa ǹ bǎã yii kíɛ̃ lɛa wa.

Tiitii 1:14

Màn mɛn bɛ́ toɛ, ǹ nə n na, ǹ nə n bɔ kɔn ka Zuifun boo zizin ni, min mɛnɛn bɛ́ ǹ nə́ n dɔ̀ɔ̃ kɔ sonbore ne, ǹ bɛn dɔn dí-pɛn toa walan.