Marki 6:6 - LAWA A BOO SONBORE

⁶ Ǹ dinin golee Yezu li baã kɛ lɛ-n á kaãbaa da Yezu ganaa. Bɛ kio, Yezu goã n bibiĩ lɛ-a ǹ kiwin ni á n minin darɛɛ.

LAWA A BOO SONBORE 2011

⁶ Ǹ dinin golee Yezu li baã kɛ lɛ-n á kaãbaa da Yezu ganaa. Bɛ kio, Yezu goã n bibiĩ lɛ-a ǹ kiwin ni á n minin darɛɛ.

Marki 6:6 Iomraidhean Croise

Izayii 59:16

Á yɛ mà min kɔn banban, mà min kɔn ba gòã kũ diɛ wa, bɛ́ tɔwaa baa a ganaa. Bɛ lɛ nɛ, a din tá re sii zɛnɛɛ. A peperebaa lɛ na á pàã kɔ la.

Zeremii 2:11

Tɔrɔ kɔn bin ná a dìn lon kɔ? A da yaa, ǹ bie Lawa taãn lɛa wa. Sɛnɛ, maa zaman lɛ ná a gugurubaa lɛ lon kɔ ka màn kooron ne.

Matiə 4:23

Yezu na á goã n bibiĩ Galilee gána din tumaa nɛ, bɛ̀ a minin daraa Zuifun lɛsɔkɔn kionən ne. Á goã lon a kiibaa ǹ Boo Tii Kɔɔ̃n lɛ pii. A na á goã minin busu tɔrɔ din tumaa nyɛɛ bɛ̀ a bɔ ǹ ganaa.

Matiə 8:10

Yezu bɛ́ á bɛa boon lɛn ma lɔn, á n kaãbaa ǹ ganaa parsiini, á tɔ́n pɛ a kiodɛnan lɛn manɛ: «Masɛ n pii ka nɛ sonbore: ma bin kɛa golee Lawa li kɛ miã tɔrɔ yɛ min kɔ́n lon Izirayeli gána-n wa.

Matiə 9:35

Yezu goã n bibiĩ kiwi dadaran laanka kiwi bisinin ni; a na á goã minin darɛɛ ǹ lɛsɔkɔn kionən ne, bɛ̀ a lon a kiibaa ǹ Boo Tii Kɔɔ̃n pɛ, bɛ̀ a busu tɔrɔ din tumaa nya bɛ̀ a bɔ minin ganaa.

Marki 1:39

Bɛ lɛ taman yii, á n bibiə̃ Galilee gána din tumaa nɛ, á goã Lawa a boo pii Zuifun lɛsɔkɔn kionən ne, bɛ̀ a nɔ̀ɔnɔn loo a ǹ bɔ minin ganaa.

Marki 10:1

Yezu soo á n bɔ walan, á woo Zudee gána nɛ. Bɛ kio, á woo Zurdɛ̃ tà kio. Zaman gigiã daa n lɛ sɔkɔn a li walan dɔ nɛ, á goã ǹ darɛɛ doo ka a bɛ́ zɛnɛɛ lɛlɛ lɔn.

Luku 13:22

Yezu bɛ́ zii la woe Zeruzalɛmu kiwi, a na á goã boe kiwi dadaran laanka a bɔnboɛɛnɛn nɛ, a n minin darɛɛ.

Luku 4:31

Yezu woo Kafaranaamu kiwi Galilee gána nɛ, á goã minin darɛɛ Zuifun susu ǹ pii pinaa.

Luku 4:44

Bɛ lɛ taman yii, á goã Lawa a boo pii lɛsɔkɔn kionən ne Zudee gána nɛ.

Zaã a sɛ́wɔ 9:30

Yii tere-a zizi lɛ tɔ́n pɛ ǹ nɛ: «Sii kaka n ka kɛ-n dɛ! Ka ba a bɔ ǹ bǎã doɛ̃ wa, a da yaa á masɛ dɔ yii bũ!

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.