Marki 5:43 - LAWA A BOO SONBORE

⁴³ Sɛnɛ, Yezu nə́ n gɔn waa ǹ nɛ taãn-taãnɛ mà ǹ nyan toa ǹ na a boo da min kɔ́n yii-n wa. Bɛ kio á tɔ́n pɛ ǹ nɛ: mà ǹ màn-bii kɔ la a bii.

LAWA A BOO SONBORE 2011

⁴³ Sɛnɛ, Yezu nə́ n gɔn waa ǹ nɛ taãn-taãnɛ mà ǹ nyan toa ǹ na a boo da min kɔ́n yii-n wa. Bɛ kio á tɔ́n pɛ ǹ nɛ: mà ǹ màn-bii kɔ la a bii.

Marki 5:43 Iomraidhean Croise

Matiə 17:9

Ǹ bɛ́ gisĩ ǹ boe kele lɛ la ǹ mɛn waáraa, Yezu nə́ n gɔn waa ǹ nɛ: «Sii mɛn nə́ n nyaa ka-n ke, ka nyan toa ka a boo da min kɔ́n yii-n wa, yǎa Min a Nɛgiĩ yii kiɛ a n boe geren bii.»

Matiə 8:4

Bɛ kio, Yezu tɔ́n pɛ nɛ: «N too kɔ doɛ̃, n nyan toa n kɛ laakalaa min kɔ́n yii-n wa. Wo n din nya wúlu-bɔle ne, bɛ ga n ganaa bɔrɔ, bɛ kio, Lawa wúlu mɛn boo da Muizu ni, n bɛ lɛ bɔ n nyaa min din tumaa nɛ mà n busu nya.»

Matiə 9:30

Ǹ yiin nə́ n bũ. Yezu nə́ n gɔn waa ǹ nɛ, á pɛ ǹ nɛ: «Haya! Ka nyan toa min kɔ́n bɔ a siére-a wa.»

Marki 1:43

Bɛ kio, Yezu pɛ-n ka a parsiini mà a woo.

Marki 3:12

Sɛnɛ, Yezu nə́ n gɔn waa ǹ nɛ taãn-taãnɛ: «Ka nyan toa minin nə maa Lawa a Nɛbaa dɔ̃ wa.»

Marki 5:42

Nɛnɛn lɛ yoo gɔrɔ, a ná a giala kɔ a tɔ wɔ. (Lɛ̀ fulupaa nɛ nɛ). Ǹ bɛ́ ǹ nə́ bɛ yɛ lɔn gɔrɔ, á kaãbaa gole da ǹ ganaa parsiini.

Marki 7:36

Yezu nə́ n gɔn waa min din tumaa nɛ, mà ǹ nyan toa ǹ na a boo da min yii-n wa. Sɛnɛ, a bɛ́ ǹ gɔn wɛɛ ǹ nɛ lɔn, ǹ dɔn man màn diɛ a pɛ li miɛ̃.

Marki 9:9

Ǹ bɛ́ gisĩ ǹ boe kele lɛ la ǹ mɛn waáraa, Yezu nə́ n gɔn waa ǹ nɛ á pɛ: «Ka sii mɛn yɛ ka ka yii ni, ka nyan toa ka a laakalaa min kɔ́n yii-n wa, yǎa Min a Nɛgiĩ yii kiɛ a n boe geren bii.»

Luku 24:30

A bɛ́ á giã tán màn-bii la kunun ǹ ni, á buuru saa, á Lawa nyankɔ, á barka da a ganaa, á yiyiɛ kɔn á kɔ ǹ la.

Luku 5:14

Yezu pɛ nɛ doo: «N baran kɛ pɛ min kɔ́n nɛ wa. Sɛnɛ, wo Lawa a kion a wúlu-bɔle li, bɛ ga n ganaa. Bɛ kio, Muizu wúlu mɛn boo da, wo bɛ bɔ, n nyaa min tumaa nɛ mà n busu nya.»

Luku 8:56

Nɛ lɛ a yɛ wolen nə́ n kaãbaa parsiini, sɛnɛ, Yezu laa ǹ ganaa, mà sii mɛn bɛ́ á n zɛnaa, mà ǹ baran bɛ boo da min ni wa.

Zaã a sɛ́wɔ 5:41

«Masɛ bie giɛ li minbuiinin nə tɔ golebaa kɔ ma la wa.

Nya ǹ dín 10:41

A bie á n din nyaa zaman tumaa-n wa, Lawa bɛ́ á siéren mɛnɛn bɔ haalɛ lɛlɛ á ǹ koa, a na á n din nyaa bɛn lɛn manɛ. Bɛa siéren lɛn man ka wɔsɛn dia dí-a wolen kɛn nɛ, wɔsɛn mɛnɛn bɛ́ wɔ́ màn bii kun ni, a yii kaa a bɔ geren li lɛ kio.