Marki 5:34 - LAWA A BOO SONBORE

³⁴ Yezu tɔ́n pɛ nɛ: «Lɔ lɛɛ, n din a goleemali na á n kirisibaa. Wo ka bǐɛ̃ nɛ, n goã ka là nyantoro ne.»

LAWA A BOO SONBORE 2011

³⁴ Yezu tɔ́n pɛ nɛ: «Lɔ lɛɛ, n din a goleemali na á n kirisibaa. Wo ka bǐɛ̃ nɛ, n goã ka là nyantoro ne.»

Marki 5:34 Iomraidhean Croise

Kiin2 5:19

Yiliizee Naaman lɛ si á pɛ: «Dɔ n bǐɛ̃ nɛ.» Naaman bɛ́ á woo, a wɔlɔ lui Yiliizee ganaa,

Boo-laakalaali 9:7

Bɛ lɛ n kaa, màn bii ka nyɛnyɛɛ nɛ. N duvɛ̃ mi ka foo kɔɔ̃nbaa nɛ, a giala Lawa lɛ kɔ n nya ǹ dín ganaa gɔrɔ.

Lawa a wúlu-bɔlen 14:48

Sɛnɛ, bɛ̀ wúlu-bɔle lɛ ga kion lɛ ganaa, bɛ̀ màn mɛ sulii bǎã lɛ li kion lɛ a wusoo a tɔrɛɛ kio wa, wúlu-bɔle lɛ pɛ mà kion lɛ á yoreene. A giala, sulii bǎã lɛ nya á n bɔ a ganaa.

Matiə 9:2

Minin nə́ daa a li ka giĩ paǹ tumaa gere-a goon ne piì la. Yezu bɛ́ á bɛa minin lɛn goleemali yɛ lɔn, a na á pɛ giĩ paǹ tumaa gere-a lɛ nɛ: «Maa nɛ, n foo taã! N sii baraan nə́ n toa n nɛ!»

Matiə 9:22

Yezu nə́ n yii bɔyaa á yɛ, á tɔ́n pɛ nɛ: «Maa nɛlɔ lɛ, n foo taã! N din a goleemali na á n kirisibaa.» A din bǎã-n gɔrɔ lɔ lɛ kakabaa yɛ.

Marki 10:52

Yezu tɔ́n pɛ nɛ: «Woo, n din a goleemali na á n kirisibaa.» Bɛa bǎã-n gɔrɔ a yii boo la á wɔlɔ yɛ, á kɔ zii lɛ kun ka Yezu ni.

Marki 3:10

Yezu busulə gigiã kaka kɔ lɛlɛ, bɛ lɛ na á toa min mɛnɛn dinin tumaa bɛ́ ǹ nə́ goã nɔmaa-n busu gɔn, bɛn nə́ goã n nanaɛ woe Yezu li, màn mɛn bɛ́ toɛ, ǹ boo la ǹ nə n gɔn da a ganaa.

Marki 5:29

A din bǎã-n gɔrɔ mà lɛ golee, á dɔ̃ a din gɔ̀nɔn ganaa mà asɛ a busu nya.

Marki 5:33

Lɔ lɛ gɔ̀nɔn na á goã bìn diɛ nyɛ́ɛ gɔn, a giala sii mɛn bɛ́ á n zɛnaa nɛ a din dɔ̃. Bɛ lɛ nɛ, á woo n duwəə tán Yezu giulun, á sonbore din tumaa pɛ nɛ.

Luku 17:19

Yezu pɛ bɛa goon kɛ lɛ nɛ mà a yoo lon, a woo. Mà a din a goleemali na a ná a kirisibaa.

Luku 18:42

Yezu tɔ́n pɛ nɛ: «Masɛ máa n yii wɔlɔ yɛ! N din a goleemali na á n kirisibaa.»

Luku 7:50

Yezu wusoo á pɛ lɔ lɛ nɛ: «N din a goleemali na á n kirisibaa. Wo ka nyɛnyɛɛ nɛ.»

Luku 8:48

Yezu pɛ nɛ: «Maa nɛ, n din a goleemali na á n kirisibaa. Wo ka nyɛnyɛɛ nɛ.»

Nya ǹ dín 14:9

Ǹ kɔ́n pinaa Pooli n boo diɛ, a nə n too koe li. Pooli nə́ n yiin doa la parsiini, a bɛ́ á yɛ mà golee Lawa li tá a lon a boo la a kaka kɔ,

Nya ǹ dín 15:33

Ǹ nə́ lɛawaa kɔ́n zɛnaa ǹ li, bɛ kio, dɔɔ̃nɔn lɛn nə́ ǹ da zii, ǹ ná a nyankɔ mà Lawa zii fore ǹ ne. Ǹ dɔn nə́ wusoo ǹ nə́ woo ǹ dia wolen li. [

Nya ǹ dín 16:36

Kòso-lɛduə̃li lɛ bɛa boo kɛ lɛ pɛ Pooli ni: «Rɔmu kiri sii yɔrɔ-bɔlen lɛn mà wɔ ka kaa. Bɛ̀ bɛ nɛ, ka soo ka wo ka bǐɛ̃ nɛ.»

Zaaki 2:16

bɛ̀ kaa min goon pɛ ǹ nɛ: «Ka wo ka bǐɛ̃ nɛ, ka wɔ ǹ mɔnaa yɛ ka nyan kurəə ne, ka màn bii ka kã.» Ǹ laadoo bɛ́ màn mɛn ganaa, bɛ̀ ka bɛ kɔ ǹ la wa, boo kɛ n wàa bǐɛ̃ koe?

Samayeli1 1:17

Elii ná a lɛ si: «Wo ka là nyantoro ne, n màn mɛn nyankɔ Izirayeli a Lawa lon, a die a bɛ kɔ n la.»

Samayeli1 20:42

Zonaatan pɛ Davida nɛ: «Wo ka là nyantoro ne. Wɔsɛn dinin min paa lɛ-kɔ mɛn wɔ kɔn la ka Dɛnaa Lawa tɔ nɛ, Dɛnaa Lawa die a goã siére lɛa miɛ̃ duduu masɛ laanka n din biin ni, n nɛnyaanan laanka maa nɛnyaanan biin ni!»