Marki 4:39 - LAWA A BOO SONBORE

³⁹ Yezu yii kaa, á yoo, á paraa piɛ̃ lɛ li, á pɛ: «Sisia!» Piɛ̃ lɛ nə́ n lɛ kũ bɛ lɛ-a. Á pɛ tà mu lɛ dɔ nɛ: «Golee!» Tà mu lɛ dɔ́ golee, wɔlɔ nyɛɛ ka kiĩn.

LAWA A BOO SONBORE 2011

³⁹ Yezu yii kaa, á yoo, á paraa piɛ̃ lɛ li, á pɛ: «Sisia!» Piɛ̃ lɛ nə́ n lɛ kũ bɛ lɛ-a. Á pɛ tà mu lɛ dɔ nɛ: «Golee!» Tà mu lɛ dɔ́ golee, wɔlɔ nyɛɛ ka kiĩn.

Marki 4:39 Iomraidhean Croise

Zɔbu 38:11

Má pɛ nɛ: «Da yǎa kànaa, n nyan kiɛ̃ kànaa la wa. N mu lɛ pàã n golee kànaa!»

Loen 107:29

Á piɛ̃ gole lɛ kũ á golee-n ka kiĩni, mu koreen lɛn nə́ waa.

Loen 148:8

La a tɛ-pɛ laanka la gii ni, *mu nyuù-wɔle laanka burumu ni, ka piɛ̃ gole kɛ nɛ a lɛ sii, ka loe lɔ ka a tɔ bɔ.

Loen 29:10

Dɛnaa Lawa n kii lɛa mu gole kɛ lalan, a n die goɛ̃ kiibaa la yǎa duduu.

Loen 65:7

N din nə kelen doɛ ǹ bǎãn nɛ ka n pàã nɛ. Ka bɛa pàã lɛ nɛ,

Loen 89:9

Dɛnaa Lawa, Lawa Pàãyiidɛnaa, die n kaka ka n bɛ́ lɔn, Dɛnaa Lawa? N din nə pepere sii tumaa gɔ́ɔ̃ nɛ.

Bɔ bɛ̀rɛbaa nɛ 14:16

N dinmaa lɛ nə n bàlà saa lon, n nə n gɔn dia tà lɛ la. N tà lɛ bii kuru kɔn, màn mɛn bɛ́ toɛ, Izirayeli nɛnyaanan nə kiɛ̃, ǹ gòã ná a ba n siɛ̃ mu li wa.

Bɔ bɛ̀rɛbaa nɛ 14:22

Izirayeli nɛnyaanan lɛn nə́ wɔ tà gɔ́ɔ̃ gere lɛ nɛ, ǹ nə́ kiɛ̃. Mu lɛ n soe-n kɔn ǹ paǹan paanan li ka kungɔn bɛ́ lɔn.

Suusun 8:29

A bɛ́ lɛ dan koɛ yìsi mu la ǹ mɛn waáraa, a bɛ́ n gɔn wɛɛ yìsi mu ni mà a baran bɛ la bɔ wa, a bɛ́ tán goã daɛ ǹ mɛn waáraa, bɛ̀ ma tan.

Zeremii 5:22

Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

Busii pɛ 3:31

Sonbore, Dɛnaa Lawa a min daa a goɛ̃ duduu lɛa wa.

Nahumu 1:4

A n boo diɛ yìsi mu gole ne, a piɛ̃ ka daɛ̃. A n tàn mu piɛ̃, a bɔ ǹ nɛ. Basan a buu bǎã nyantoto ke ka Karmɛli kele kɛ nɛ, bɛn tumaa n damɛ ǹ taã ka bon, Liban a da buũ kɛ tumaa n bɛbɛnɛ.

Matiə 8:26

Yezu tɔ́n pɛ ǹ nɛ: «Wàa na á baa ka tá nyɛ́ɛ biɛ miɛ̃, kaa golee Lawa li a kiɛɛrɛ dɛ!» Bɛa bǎã-n gɔrɔ, Yezu yoo, á paraa piɛ̃ lɛ laanka tà mu lɛ li. Wɔlɔ nyɛɛ ka kiĩn.

Marki 4:38

Yezu nə́ n mìi da pìti la, á goã nyuù we goo lɛ-n kio. A kialandɛnan nə́ tɔ́n bũ, ǹ nə́ pɛ nɛ: «Mìinaa, wɔ ǹ die giɛ̃! Bɛ a sii lɛa n yii li wa?»

Marki 9:25

Yezu bɛ́ á yɛ zaman nə́ tɔn nə n nanaɛ die ǹ li, á paraa nɔ̀ɔnɔn lɛn li, á pɛ ǹ nɛ: «Kasɛn mɛnɛn bɛ́ min kurii boo diɛ laanka boo ma ganaa, man pii ka nɛ, máa ka woo ka n bɔ nɛ kɛ lɛ nɛ, ka nyan toa ka da a ganaa doo duduu wa!»

Luku 4:35

Yezu paraa ǹ li á pɛ: «Ka n lɛ tã, ka n bɔ giĩ kɛ ganaa.» Nɔ̀ɔnɔn lɛn nə́ giĩ lɛ zũ tán min tumaa yɔrɔ-a, bɛ kio, ǹ nə́ n bɔ a ganaa, ǹ baraa zɛnaa-n wa.

Luku 4:39

Yezu nə́ n zuməə á paraa lɔ lɛ mìi la, mà a gɔ̀nɔn wɛ̃ lɛ nya. A din bǎã nɛ gɔ̀nɔn wɛ̃ lɛ nya, yǎa á yoo gɔrɔ á màn-bii zɛnaa á kɔ ǹ la.

Luku 8:24

Yezu a kialandɛnan lɛn nə́ n zɔ̃ ǹ nə́ dɔ a li, ǹ nə́ bũ. Ǹ nə́ tɔ́n pɛ nɛ: «Mìinaa, Mìinaa, wɔ ǹ die bɔ̀n biɛ!» Yezu yoo á paraa piɛ̃ lɛ li, ka tà mu yoo wole lɛ nɛ. Piɛ̃ lɛ-n woo, tà mu lɛ-n woo, ǹ tumaa golee, yǎa wɔlɔ golee ka kiĩni.