Marki 4:17 - LAWA A BOO SONBORE

¹⁷ Sɛnɛ, ǹ ba toɛ a gòon bɔ ǹ nɛ wa, a ba goɛ̃ ǹ nɛ a belebɔ wa. Bɛ lɛ nɛ, bɛ̀ foo-ziziɛ̃ daa, hinlaa bɛ̀ minin man fuu nyɛɛ ǹ nɛ Lawa a boo lɛ taman yii, ǹ mìi n ziziɛ̃ gɔrɔ.

LAWA A BOO SONBORE 2011

¹⁷ Sɛnɛ, ǹ ba toɛ a gòon bɔ ǹ nɛ wa, a ba goɛ̃ ǹ nɛ a belebɔ wa. Bɛ lɛ nɛ, bɛ̀ foo-ziziɛ̃ daa, hinlaa bɛ̀ minin man fuu nyɛɛ ǹ nɛ Lawa a boo lɛ taman yii, ǹ mìi n ziziɛ̃ gɔrɔ.

Marki 4:17 Iomraidhean Croise

Zɔbu 19:28

Ka n pii: «Wɔ n die fuu mɛn tɔrɔ nyɛɛ nɛ. Wɔ n die n gɔn kuĩ wàa ganaa wɔ tɔn a zɛ̀rɛ baa?»

Matiə 11:6

Masɛ a sii bɛ́ a re min mɛn gù dii wa, bɛa dɛnaa foo á re kɔɔ̃n koe.»

Matiə 12:31

Bɛ lɛ na á toa, ma á pii ka nɛ: Minin sii baraan laanka ka ǹ Lawa tɔ ziziɛ̃ ǹ boon dinin tumaa á re n toɛ ka nɛ. Sɛnɛ, bɛ̀ min mɛn Lawa a Yiri Fu tɔ ziziɛ̃, bɛa dɛnaa a sii baraa a re ǹ toɛ-n wa.

Matiə 13:21

Sɛnɛ, ǹ ba toɛ a gòon bɔ ǹ nɛ wa, a ba goɛ̃ ǹ foo ne a belebɔ wa. Bɛ lɛ nɛ, bɛ̀ foo ziziɛ̃ daa, hinlaa bɛ̀ minin man fuu nyɛɛ ǹ nɛ Lawa a boo lɛ taman yii, maǹ nə n piɛ̃ ka Lawa-n gɔrɔ.

Marki 4:16

Min tɛn nə goon ka gɛtaã bǎã nɛ, bɛ̀ ǹ nə́ Lawa a boo lɛ ma lɔn gɔrɔ, maǹ sii ka nyɛnyɛɛ nɛ.

Marki 4:18

Màn tɔrɔ mɛnaa nyan bǎã mɛn nɛ, min tɛn dɔ n miɛ̃. Ǹ tá Lawa a boo lɛ miɛ,

Luku 12:10

«Bɛ̀ min boo baraa da masɛ Min a Nɛgiĩ ganaa, bɛa dɛnaa a sii baraa á die n toɛ nɛ. Bɛ̀ min boo baraa da Lawa a Yiri Fu ganaa, bɛa dɛnaa a sii baraa a re n toɛ-n wa.

Zaã a sɛ́wɔ 8:31

Zuifun mɛnɛn nə golee Yezu li, á tɔ́n pɛ bɛn lɛn manɛ: «Bɛ̀ ka lɛ kɔ ka masɛ a boo si, ka ǹ maa kialandɛnan lɛa taãn-taãnɛ.

Galaasi minin 6:12

Min mɛnɛn bɛ́, minbuiinbaa a din nyaa sii nə́ ǹ ganaa, bɛn lɛn man ke mà yǎa ka n kuri. Sɛnɛ, a zɛnaa miɛ̃ giala n ka kɛ dinsɔɔ̃ nɛ: Zuifun baran bɔ ǹsɛn yii ni, Krita a dere ǹ gɔn kɛ a lɛa wa.

Timote2 1:15

N tá doɛ̃ mà Azii gána minin tumaa ma tii. Fizeli laanka Ermozɛnɛ á kun ka maa tiilin lɛn nɛ.

Timote2 4:10

A giala, Demaasi nə́ n saa sisia a kanaa kɛ li, á woo á ma daa. A na á woo Tesaloniki kiwi. Kresan woo Galaasi gána nɛ, Tiiti woo Dalmaasi gána nɛ.

Timote2 4:16

Ma bɛ́ n bɔlɔ pii kiri wɔ ǹ bǎã-n bibinaanɛ, min kɔ́n bɔ ma lɛ-a wa, ǹ tumaa ma toa. Lawa baran ǹ kũ bɛ li wa.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Zaã1 2:19

Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.

Sii-nyaan 2:10

Boɛɛnɛ, Sɛtaan lɛ á re n diɛ ka gɔ́ɔ̃ li. A n die kaa min tɛnɛn kuĩ a ǹ zũ kòso-n. Ka á re fuu yii lɛawaa fù gɔ́ɔ̃ nɛ. Bɛa fuu kɛ lɛ nyan nyɛ́ɛ da n ganaa wa. Goã bɔlɔgoondɛnaa lɛa haalɛ ta a n doe n gɛ̀ ganaa. Ma á re nyin nyabaã koe n la, ka a gɔ̀lɔ̀baa ǹ kii bafolo lɛa.

Sii-nyaan 2:13

Ma á doɛ̃, n bɛ́ giã-n bǎã mɛn nɛ, Sɛtaan dɔ a kii dankan nə doa-n walan. Sɛnɛ, n tá doa-n kɔn ka masɛ tɔ nɛ, n golee masɛ li daa wa, haalɛ ǹ bɛ́ ǹ nə́ maa siére bɔlɔgoondɛnaa Antipaasi dɛ á gã biikoo mɛn li ka li, Sɛtaan a giã ǹ bǎã kɛ lɛ nɛ.