Marki 2:16 - LAWA A BOO SONBORE

¹⁶ *Fariziɛ̃n landa sii-daraalin nə́ Yezu yɛ màn bii kun ka sii baraa-zɛnaalin laanka wusuru-silin ni, ǹ nə́ tɔ́n pɛ a kialandɛnan lɛn manɛ: «Wàa na á baa ka á màn bii kun ka wusuru-silin ni ka sii baraa-zɛnaalin gialakunun kɛn nɛ?»

LAWA A BOO SONBORE 2011

¹⁶ *Fariziɛ̃n landa sii-daraalin nə́ Yezu yɛ màn bii kun ka sii baraa-zɛnaalin laanka wusuru-silin ni, ǹ nə́ tɔ́n pɛ a kialandɛnan lɛn manɛ: «Wàa na á baa ka á màn bii kun ka wusuru-silin ni ka sii baraa-zɛnaalin gialakunun kɛn nɛ?»

Marki 2:16 Iomraidhean Croise

Izayii 65:5

Maǹ pii minin manɛ: «Ka nyan nə n mɔrɔ ma ganaa wa, ka nyan nə n gɔn da ma ganaa wa. A giala, man Dɛnaa Lawa a bɔ a koa wole lɛa.» Ka bɛ sii mɛn tumaa zɛnɛɛ, a n ma foo yui, a n ma kuĩ baraabaraa ka tɛ bɛ́ lɔn.

Matiə 18:17

Bɛ̀ á n piã a n too kɔ bɛn lon wa, n pɛ kaa Lawa a sɔmɔ minin manɛ. Bɛ̀ á n piã a n too kɔ Lawa a sɔmɔ minin dɔn dininmaan lon wa, ga a ganaa golee Lawa li baãnaa hinlaa wusuru-sili lɛa, n baran da sii li wa.

Matiə 5:46

Bɛ̀ n tá n narɛɛ wolen dininsɔɔ̃nɔn narɛ, ma nə n yii diɛ wàa mɛn saraa la a bɔ Lawa li doo? Wusuru-silin mɛnɛn dinin bɛ́ ǹ tá baraabaa koe ǹ ganaa, bɛn dɔn man zɛnɛɛ miɛ̃ le!

Matiə 9:11

*Fariziɛ̃n bɛ́ ǹ nə́ bɛ yɛ, ǹ nə́ tɔ́n pɛ a kialandɛnan lɛn manɛ: «Wàa na á baa kaa Mìinaa lɛ tá màn bii kun ka wusuru-silin ni, ka sii baraa-zɛnaalin gialakunun kɛn nɛ?»

Marki 2:15

Bɛ kio, á màn bii kun ka a kialandɛnan lɛn nɛ Levii a kion. Wusuru-sili gigiã dɔ́ goã màn bii kunun ǹ ni, ka min kɔsɔn dɔn nɛ, ǹ tɔ baraa n minin lɛ-n, a giala, min mɛnɛn bɛ́ ǹ nə́ goã koe Yezu kio lɛ, ǹ gigiã n bɛ miã minin kɛn lɛn tɔrɔ lɛa.

Marki 2:7

«Wàa na á baa giĩ kɛ á boo diɛ kɛnɛn? A n sɔ koe Lawa ganaa! Die n boe la a minbuiinin sii baraan toa ǹ nɛ, bɛ̀ á n bɔ Lawa dinsɔɔ̃ nɛ?»

Luku 18:11

Fariziɛ̃ lɛ sɛ giã lon a gɔrɔn, á Lawa nyankoe kɛnɛn: «Lawa, masɛ á barka diɛ n nɛ, a giala masɛ a goon ka min gialakunun kɛn nɛ wa. Bɛn man wurumunun lɛa, ka min baraan nɛ, ka naarɛbaalin ni. Ma á barka diɛ Lawa-n doo, a giala ma ba ka wusuru-sili kɛ bɛ́ lɔn wa.

Luku 19:10

Sonbore, min mɛn bɛ́ papaã nɛ, Min a Nɛgiĩ na á daa ga bɛ lɛ li a tá a kirisibiɛ.»

Luku 19:7

Minin mɛnɛn tumaa bɛ yɛ, bɛn nə́ goã zùzùũ sii, ǹ nə́ pii mà giĩ kɛ na á woo n yu sii baraa-zɛnaali la.

Luku 5:30

Fariziɛ̃n lɛn, sanparɛ a landa sii-daraalin kɛn nə́ goã boo zuzuũ diɛ, bɛ̀ ǹ nə́ pii Yezu a kialandɛnan manɛ: «Wàa na á baa ka á màn bii, ka n màn mii kun ka wusuru-silin ni, ka sii baraa-zɛnaalin gialakunun kɛn nɛ?»

Nya ǹ dín 23:9

Sɛ-pɛ gole wɔ bǎã lɛ nɛ. Fariziɛ̃n lɛn mɛnɛn bɛ́ landa sii-daraalin dɔn lɛa, bɛn kɔnɔn nə́ yoo ǹ nə́ paraa, ǹ nə́ sonbore kɔ Pooli la: «Wɔsɛn yii ba zɛ̀rɛbaa ǹ sii kɔ́n-a giĩ kɛ ganaa wa. Kɔntan nɔ̀ɔn sonbore hinlaa lon a dia dí-a wole kɔ́n na á boo da nɛ.»

Korɛnti1 2:15

Lawa a Yiri Fu bɛ́ min mɛn lon, bɛa dɛnaa á boe la a sii tumaa bɔ kɔn lɛ. Sɛnɛ, min kɔ́n ba boe la a kiri wɔ asɛ ganaa doɛ̃ wa.

Ebrəə 12:3

Sonbore, ka n taasɛ a din lɛ nɛ, màn mɛn bɛ́ toɛ, ka foo baran ziziɛ̃ ka gù gã wa. Á min baraan piãman si a ganaa.