Marki 15:43 - LAWA A BOO SONBORE

⁴³ Arimateen Zozɛfu daa, á woo Pilati li ka foo tãbaa nɛ, á Yezu gere nyankɔ la. Bɛa Zozɛfu lɛ na á goã kiri-kurulin lɛn *min gole goon lɛa, a dɔ na á goã n yii diɛ Lawa a kiibaa ǹ dí kɛ lɛ a nya pinaa la.

LAWA A BOO SONBORE 2011

⁴³ Arimateen Zozɛfu daa, á woo Pilati li ka foo tãbaa nɛ, á Yezu gere nyankɔ la. Bɛa Zozɛfu lɛ na á goã kiri-kurulin lɛn *min gole goon lɛa, a dɔ na á goã n yii diɛ Lawa a kiibaa ǹ dí kɛ lɛ a nya pinaa la.

Marki 15:43 Iomraidhean Croise

Matiə 19:30

Pelo a nyɛɛnaandɛnaa gigiã á re kiodɛnan biɛ, pelo a kiodɛnaa gigiã dɔ á re nyɛɛnaandɛnan biɛ.

Matiə 20:16

Yezu tɔ́n pɛ: «A n miɛ̃, kiodɛnan tá re nyɛɛnaandɛnan biɛ, min mɛnɛn bɛ́ nyɛɛnaandɛnan lɛa, bɛn tá re kiodɛnan biɛ.»

Matiə 27:57

Wasa bɛ́ á mɛ, Arimateen giĩ pàãma goon nə́ daa, á tɔ n Zozɛfu, a dɔ na á goã koe Yezu lɛ.

Marki 14:54

Piɛrɛ ná a din bii lui Yezu ganaa á kɔ lɛ yǎa Lawa a wúlu-bɔlen kiã a sumu-n ka kɔ̃. Á giã tán walan á n gɔ̀nɔn wɔ̃ tɛ ganaa kun ka garadin ni.

Marki 15:44

Yezu a gã fufuu kɛnɛn ke, bɛ́ Pilati tɔwaa. Á lɛ dia sɔraasin goledɛnaa lɛ la, á nɔ̀n da la, mà Yezu lɛ a gã waáraa belebɔ ya?

Luku 2:25

Á daa yaa giĩ goon tá Zeruzalɛmu kiwi, a tɔ n Simiɔn. Bɛa giĩ lɛ na á goã min pepere lɛa, a n nyɛ́ɛ biɛ Lawa yii ni, bɛ̀ á n yii diɛ Izirayeli minin nyin-sili lɛ la. Lawa a Yiri Fu na á goã la,

Luku 2:38

A dɔ bɛ́ á soo gɔrɔ á kɔnpɛ ka nɛnyaan lɛ a kɔ Lawa la nɛ, á yoo á n Lawa tɔ boe. Bɛ kio, á nɛ lɛ boo da Zeruzalɛmu kiwi minin manɛ, ǹsɛn mɛnɛn bɛ́ ǹ yii diɛ mà Lawa á die ǹsɛn gána nyin sii.

Luku 23:50

Zuifun kiri-wɔlen lɛn bii, giĩ goon na á goã boe Arimatee kiwi, a tɔ n Zozɛfu. A na á goã min sonbore lɛa, a n pepere dɔn. A na á goã n yii diɛ *Lawa a kiibaa ǹ dí kɛ a daa la. Ǹ miãn nə sii mɛn zɛnaa, a lɛ kɔ bɛ ganaa wa.

Zaã a sɛ́wɔ 19:38

Bɛa siin lɛn zɛnaa kio, Zozɛfu mɛn bɛ́ boe Arimatee kiwi, bɛ́ woo Yezu gere nyankɔ Pilati lon. (Zozɛfu na á goã Yezu a kialandɛnaa goon lɛa, sɛnɛ, a na á goã n duri, a giala, a na á goã nyɛ́ɛ biɛ Zuifun lɛn manɛ). Pilati lɛ kɔ, Zozɛfu tɔ́n daa Yezu gere bɔ á woo ne.

Nya ǹ dín 13:50

Sɛnɛ, lɔ yii guguru-an mɛnɛn bɛ́ nyɛ́ɛ biɛ Lawa nɛ, Zuifun nə́ bɛn sɔsɔmɔ, ka kiwi a min yii guguru-an nɛ, ǹ nə́ ǹ kaa a ganaa mà ǹ yoo Pooli laanka Barnabaasi gialaa. Ǹ nə́ ǹ loo ǹ nə́ ǹ bɔ ǹ gána nɛ.

Nya ǹ dín 17:12

Ǹ gigiã golee Yezu li, ka Grɛki lɔ tɔdɛnaa gigiã nɛ, ka giĩ gigiã dɔ nɛ.

Filipi minin 1:14

Wɔ dɔɔ̃nɔn mɛnɛn nə goã ma yii kòso-n, ǹ gigiã foo tãbaa yɛ Dɛnaa pàã ganaa, bɛ́ toa ǹ yii wɔ n nə́ n gù we yii Lawa a boo laakalaa li, nyɛ́ɛ ná a ba ǹ ganaa wa.