Marki 13:9 - LAWA A BOO SONBORE

⁹ «Sɛnɛ, kasɛn nə yiri bɔ ka dinin li. A giala, minin tá re ka kuĩ ǹ wo kiri wɔ ka ganaa Zuifun lɛsɔkɔn kionən gɔ́ɔ̃ nɛ, ǹ ka duduwəə. Ǹ tá re woe ka nɛ pàãdɛnan laanka kiin yɔrɔ-a masɛ tɔ taman yii, bɛ lɛ n die toɛ ka masɛ boo da ǹ yɔrɔ-a.

LAWA A BOO SONBORE 2011

⁹ Sɛnɛ, kasɛn nə yiri bɔ ka dinin li. A giala, minin tá re ka kuĩ ǹ wo kiri wɔ ka ganaa Zuifun lɛsɔkɔn kionən gɔ́ɔ̃ nɛ, ǹ ka duduwəə. Ǹ tá re woe ka nɛ pàãdɛnan laanka kiin yɔrɔ-a masɛ tɔ taman yii, bɛ lɛ n die toɛ ka masɛ boo da ǹ yɔrɔ-a.

Marki 13:9 Iomraidhean Croise

Matiə 5:22

Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Marki 1:44

Á tɔ́n pɛ nɛ: «N too kɔ doɛ̃. N nyan toa n kɛ laakalaa min kɔ́n yii-n wa. Sɛnɛ, wo n din nyaa Lawa a wúlu-bɔle ne. Bɛ kio, Lawa wúlu mɛn boo da Muizu ni, wo bɛ lɛ bɔ, n nyaa min din tumaa nɛ mà n busu nya.»

Marki 13:5

Yezu tɔ́n a giala kɔ á pɛ ǹ nɛ kɛnɛn: «Ka n dinin kũ, ka baran toa min kɔ́n ka yiri sã wa.

Marki 13:8

Tɔrɔ á re zia biɛ tɔrɔ kɔsɔ ganaa, gána á re zia biɛ gána kɔsɔ ganaa. Tán tá re bìn diɛ bǎã gigiã nɛ, bòo dɔ á re we. A giala kɔ ǹ gɔn nɛ ka bɛ nɛ, ka lɔ a nɔɔ̀rɔ kɔ ǹ gɔn bɛ́ lɔn.

Marki 6:11

Bɛ̀ bǎã mɛn a minin nə́ n piã, mà ka baran n yu ǹsɛn la wa. Bɛ̀ ǹ nə́ n piã, ǹ nə n too kɔ ka lon wa, ka n gòã gusuũ duduu, ka soo ka n bɔ walan: Bɛ n gɔn waa ǹ sii lɛa ǹ wɔ paǹ li.»

Luku 9:5

Bɛ̀ ka woo kiwi mɛn nɛ yǎa a minin nə n piã ka nɛ, ka n gòã gusuũ duduu bɛa kiwi lɛ-a, ka soo ka n bɔ a nɛ.»

Zaã a sɛ́wɔ 15:20

Ma boo mɛn pɛ ka nɛ, ka n yiri koa a nɛ: «Bɛ̀rɛ a gole á la a dɛnaagiĩ-n wa.» Bɛ̀ ǹ nə́ fuu nyaa masɛ nɛ, maǹ die fuu nyɛɛ ka dɔn man miɛ̃; bɛ̀ maǹ maa boo sii, bɛ̀ ǹ tá re ka dɔn wɔ sii miɛ̃.

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Nya ǹ dín 21:11

A bɛ́ á daa wɔ yaa, á Pooli a maabɛlɛ si, a ná a din gòãn laanka a gɔnɔn yii ni, á pɛ: «Á ke, Yiri Fu n pii kɛnɛn. Maabɛlɛ kɛ bɛ́ min mɛn wɔ lɛa, Zuifun man die bɛa dɛnaa yii kɛnɛn Zeruzalɛmu, ǹ wɔ tɔrɔ kɔsɔn gɔn.»

Nya ǹ dín 7:54

Boon kɛn nə́ tɛ da kiri-wɔlen lɛn foo-a, yǎa ǹ nə́ n lɛ sɔsɔ̃ Itian li.

Nya ǹ dín 9:16

A bɛ́ re fuu mɛn yii masɛ tɔ kɛ a lɛa, masɛ dinmaa á re bɛn nyɛɛ nɛ.»

Filipi minin 1:29

A giala, Krita wɔ paǹ li, Lawa na á bǐɛ̃ zɛnaa ka nɛ mà ka dí nya nɛ goleemali gɔ́ɔ̃ nɛ. Bɛ din sɔɔ̃ bie wa, a n mà ka fuu dɔ yɛ a lɛa.

Tesaloniki2 1:5

Kaa sii simaa lɛ n nyɛɛ, mà Lawa a kiri á pepere. Ka á boe la ka waa la ka bɛ-n kəni, mà ka á re we *Lawa a kiibaa kɛ nɛ, ka bɛ́ nɔmaa lɛ we ǹ mɛn lɛ a lɛa.

Zaã2 1:8

Ka n yiri kɔ ka dinin li, màn mɛn bɛ́ toɛ kaa tɛ̀fuu giɔ̀mɔ baran papaã wa, sɛnɛ, ka kaa saraa lɛ piɛ̃maa yɛ.

Sii-nyaan 1:9

Masɛ Zaã, man ka dɔɔ̃n lɛa, man kun ka nɛ kaa fuun gɔ́ɔ̃ nɛ, ma nə́ n yii diɛ *Lawa a kiibaa kɛ a daa la, ma nə foo kuĩ, a giala man doa kɔn Yezu ni kun ka nɛ. Man gùli lɛa Patmɔsi gána nɛ, mu nə ǹ mɛn lɛ da bii, a giala mà man Lawa a boo diɛ, ka taãn pɛ kɛ nɛ Yezu nyaa ma nɛ.

Sii-nyaan 2:10

Boɛɛnɛ, Sɛtaan lɛ á re n diɛ ka gɔ́ɔ̃ li. A n die kaa min tɛnɛn kuĩ a ǹ zũ kòso-n. Ka á re fuu yii lɛawaa fù gɔ́ɔ̃ nɛ. Bɛa fuu kɛ lɛ nyan nyɛ́ɛ da n ganaa wa. Goã bɔlɔgoondɛnaa lɛa haalɛ ta a n doe n gɛ̀ ganaa. Ma á re nyin nyabaã koe n la, ka a gɔ̀lɔ̀baa ǹ kii bafolo lɛa.

Sii-nyaan 2:13

Ma á doɛ̃, n bɛ́ giã-n bǎã mɛn nɛ, Sɛtaan dɔ a kii dankan nə doa-n walan. Sɛnɛ, n tá doa-n kɔn ka masɛ tɔ nɛ, n golee masɛ li daa wa, haalɛ ǹ bɛ́ ǹ nə́ maa siére bɔlɔgoondɛnaa Antipaasi dɛ á gã biikoo mɛn li ka li, Sɛtaan a giã ǹ bǎã kɛ lɛ nɛ.