Marki 12:7 - LAWA A BOO SONBORE

⁷ Sɛnɛ wuru dí-nyalin lɛn bɛ́ ǹ nə́ yɛ die, ǹ nə́ pɛ kɔn nɛ kɛnɛn: «Haya, a kíɛ̃-saali lɛ á ke. Ka daa wɔ dɛ, wuru lɛ goã wɔa wɔ lɛa.»

LAWA A BOO SONBORE 2011

⁷ Sɛnɛ wuru dí-nyalin lɛn bɛ́ ǹ nə́ yɛ die, ǹ nə́ pɛ kɔn nɛ kɛnɛn: «Haya, a kíɛ̃-saali lɛ á ke. Ka daa wɔ dɛ, wuru lɛ goã wɔa wɔ lɛa.»

Marki 12:7 Iomraidhean Croise

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Siin Giala 37:20

Ka daa wɔ dɔ a ganaa wɔ dɛ, wɔ a gere saa, wɔ zũ nyankɔrɔ kɛ goon ne. Bɛ̀ wɔ dɔ piɛ, wɔ á re pii, wáa don màn babaraa na á kũ. Bɛ̀ a narɛɛn lɛn man die n biɛ lɔn kəni, wɔ á re yii.»

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Matiə 2:16

Erɔdi bɛ́ á dɔ̃ mà doɛ̃ wolen lɛn ná asɛ bebele, a foo yoo parsiini. Á tɔ́n pɛ minin manɛ, mà ǹ wo Bɛtlehɛmu laanka a lɛkoro-an kiwin ni. Mà nɛginin mɛn din tumaa bɛ́ á dɔ lɛ̀ paa, hinlaa ta a na nyaabaa lɛ̀ paa ganaa, mà ǹ bɛ tumaa dɛ, a giala doɛ̃ wolen lɛn boo lɛ a diɛ lɛ̀ paa n ke Erɔdi ni.

Matiə 21:34

Da nɛ ma waáraa bɛ́ á dɔ, a ná a dí-nyalin dia da wuru dí-nyalin lɛn li, maǹ na asɛ wɔ gii kɔ ǹ la ǹ da nɛ.

Marki 12:12

Zuifun goledɛnan nə́ ga Yezu kũ ǹ gɔn li, a giala, ǹ nə́ dɔ̃ mà a na á bɛa boo giməə lɛ da ǹsɛn ganaa. Sɛnɛ, ǹ bɛ́ ǹ nə́ goã nyɛ́ɛ biɛ zaman lɛ nɛ, ǹ nə́ toa walan ǹ nə́ woo.

Marki 12:6

Wurudɛnaa lɛ a nɛgiĩ dinsɔɔ̃ na á goã sisia, a min lɛa goon toto, a n bɛ lɛ narɛ parsiini. Nyɔɔbaa á bɛ lɛ dia ǹ li. A na á goã taasɛ mà bɛ bɛ́ asɛ a nɛ lɛa mà ǹ tá re nyɛ́ɛ biɛ bɛ-n sɛn.

Marki 12:8

Ǹ ná a nɛgiĩ lɛ kũ ǹ nə́ dɛ, ǹ ná a gere saa ǹ nə́ woo daa wuru lɛ kio.

Nya ǹ dín 2:23

sɛnɛ, ká n tã, ká toa Lawa doɛ̃ baãnaan nə́ dere gɔn ganaa ǹ nə́ dɛ. Sɛnɛ, Lawa din na á saa lɛlɛ á bɛ yɔrɔ bɔ á koa.

Nya ǹ dín 5:28

«Táa wɔsɛn nə́ pɛ wɔ́ laa ka ganaa, wáa ka baran minin daraa bɛa tɔ kɛ lɛ ganaa wa. Á ke, ka kaa daraa lɛ wɔ Zeruzalɛmu kiwi minin tumaa yiri ni. Ka ǹ li mà giĩ kɛ lɛ a gɛ̀ dɔlɔ wɔsɛn kũ?»

Nya ǹ dín 7:52

Lawa a boo gii-dali kɛ mɛn nɛ, mà ka digolon manə ǹ fuu nyaa-n wa? Minin mɛnɛn nə goã Min Pepere kɛ a daa boo diɛ, táa ka digolon lɛn nə́ bɛn dɛ ǹ nə́ gã. Sisia, ka dininmaan dɔn nə́ bɛa Min Pepere kɛ lɛ kɔ a zɔ́ɔn la ǹ ná a nyin bɔ.

Ebrəə 1:2

Sɛnɛ sisia, giala-nyɔmiɛ biikoo kɛ li, Lawa na á boo da wɔ nɛ, ka a din a Nɛgiĩ kɛ barka nɛ. Lawa na á kanaa da ka bɛa Nɛgiĩ kɛ lɛ pàã nɛ, a na á ná a din dɔ bɔ á koa, mà a màn din tumaa a dɛnaa baa.