Marki 12:2 - LAWA A BOO SONBORE

² A da nɛ a ma waáraa bɛ́ á dɔ, á dí-nyali goon dia mà a wo wuru dí-nyalin lɛn li, mà ǹ na asɛ a da nɛ gii kɔ la a da nɛ.

LAWA A BOO SONBORE 2011

² A da nɛ a ma waáraa bɛ́ á dɔ, á dí-nyali goon dia mà a wo wuru dí-nyalin lɛn li, mà ǹ na asɛ a da nɛ gii kɔ la a da nɛ.

Marki 12:2 Iomraidhean Croise

Kiin2 17:13

Dɛnaa Lawa goã á n gɔn waa Izirayeli gána laanka Zudaa gána nɛ. A na á goã a ná a boo gii-dalin tumaa laanka sii-nyaalin tumaa kaa bɛa gɔn waa ǹ boo lɛ a diɛ ganaa kɛnɛn: «Ka wusoo kaa tɔ wɔ ǹ gɔn babaraan kɛn kio, ka masɛ a gɔn waa ǹ boon laanka maa landa boon kɛn tamaa a kɔnpɛ ka dí-pɛn sɛ́wɔ kɛa boo tumaa nɛ. Man má bɛa dí-pɛn boon lɛn kiɛ̃, má ǹ kɔ ka digolon la. Maa dí-nyalin kɛn maa boo gii diɛ, man má kɔ bɛn la, máa ǹ pɛ ka dɔn manɛ.»

KZS2 36:15

Dɛnaa Lawa, ǹ digolon Lawa á nɛn bɛ̀ a na a dia dí-a wolen dia ǹ la biikoo tɛn li. Taãn nɛ, Lawa a kion lɛ laanka a zaman lɛ makara n boe Dɛnaa Lawa ganaa.

Ɛsidrasi 9:11

A giala, n dí-nyalin kɛn, n boo gii diɛ, bɛn nə n gɔn waa ǹ boon mɛnɛn pɛ wɔ nɛ, wɔ́ n piã ka bɛn nɛ. N nə n goã pii wɔ-n kɛnɛn: «Gána ke, ka n die we a nɛ, ka n die biɛ kaa wɔ lɛa, a minin sii baraan man ná a gɔgɔrɛ kɔ, ǹ nə́ sii bɔbɔnɛɛn zɛnaa ǹ gɔgɔrɛbaa lɛ gɔ́ɔ̃ nɛ, ǹ ná a gɔ́ɔ̃ yii pã nɛ.

Loen 1:3

A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 44:4

A da yaa, biikoo tumaa li, má maa dí-nyalin, Lawa a boo gii-dalin dia ka la. Ǹ nə́ pɛ ka nɛ kɔn kio mà ka sabara baa, mà kaa sii bɔbɔnɛɛn kɛn tìĩ a boe-n ma nɛ, mà ka nyan bɛ zɛnaa wa.

Misee 7:1

E, masɛ wɔ n ka bɔ̀n nɛ! A giala, man kɔnboe ka da nɛ-nali ni. Man woe giɛ rezɛ̃ da nɛ laanka gɔ́rɔ da nɛ lɛ binaa li. Kɔɔ̃n ma-a taãn-taãnɛ, sɛnɛ, ma màn kɔn yɛ wa.

Zakarii 7:7

Lɛlɛ, Lawa a boo gii-dalin nə́ goã ǹ nə́ gɔn waa boon kɛn miãn da ka Dɛnaa Lawa tɔ nɛ. Bɛa biikoo li, Zeruzalɛmu laanka a lɛkoro-a kiwi tumaa goã yii-nyɛɛ la. Minin nə́ goã giã nɛ Negɛvu gána nɛ ka *Sefelaa gána kɛ nɛ.

Matiə 21:34

Da nɛ ma waáraa bɛ́ á dɔ, a ná a dí-nyalin dia da wuru dí-nyalin lɛn li, maǹ na asɛ wɔ gii kɔ ǹ la ǹ da nɛ.

Marki 12:1

Bɛ kio, Yezu boo giməə da ǹ nɛ, á pɛ: – Giĩ goon na á wuru bɔ, á da nɛ-kɔle zumu a nɛ, a tɔ mà rezɛ̃, á kungɔn dɔ a ná a lɛnpɛnɛ nɛ, a ná a nɛ mu bɔɔ̃ ǹ yala fɔ̃, a ná a lɛduə̃lin kion dɔ. Bɛ kio, á dí-nyalin goa á ǹ kaa nɛ, á tɔ́n woo zii ni.

Marki 12:3

A bɛ́ á woo, ǹ nə́ kũ ǹ nə́ duduwəə, ǹ nə́ loo ǹ nə́ dia ka a gɔn kooro ne.

Luku 12:48

Ǹ mɛn dɔ bɛ́, a goã a dɛnaagiĩ foo sii doɛ̃ wa, yǎa a sii zɛnaa á n dɔlɔ bɔ ma ganaa boe, bɛa dɔlɔ a gole koe wa. Ǹ bɛ́ ǹ nə́ màn gigiã kɔ min mɛn la, maǹ die màn gigiã nɔ̀n diɛ bɛa dɛnaa la. Ǹ bɛ́ ǹ nə́ màn gigiã koa min mɛn li, maǹ die màn gigiã liɛ bɛa dɛnaa la.

Luku 20:10

Da nɛ niɛ̃ biikoo bɛ́ á dɔ, a ná a bɛ̀rɛgiĩ goon dia wuru dí-nyalin lɛn li, mà ǹ na asɛ a da nɛ gii kɔ la a da nɛ. Sɛnɛ, wuru dí-nyalin lɛn nə́ bɛ̀rɛgiĩ lɛ kũ ǹ nə́ dɛ, ǹ nə́ da á woo ka a gɔn kooro ne.

Ebrəə 1:1

Lɛlɛ, Lawa na á boo da wɔ digolon ne, gunyin damata ka yɔrɔ gigiã nɛ, ka a din a boo gii-dalin barka nɛ.