Marki 12:17 - LAWA A BOO SONBORE

¹⁷ Yezu tɔ́n pɛ ǹ nɛ: «Màn mɛn bɛ́ Kii wɔ lɛa, ka bɛ kɔ Kii la. Màn mɛn dɔ bɛ́ Lawa wɔ lɛa, ka bɛ kɔ Lawa la.» Bɛa boo lɛ kaãbaa da ǹ ganaa parsiini.

LAWA A BOO SONBORE 2011

¹⁷ Yezu tɔ́n pɛ ǹ nɛ: «Màn mɛn bɛ́ Kii wɔ lɛa, ka bɛ kɔ Kii la. Màn mɛn dɔ bɛ́ Lawa wɔ lɛa, ka bɛ kɔ Lawa la.» Bɛa boo lɛ kaãbaa da ǹ ganaa parsiini.

Marki 12:17 Iomraidhean Croise

Suusun 23:26

Maa nɛ, n foo doa ma ganaa. Kɔ maa giã ǹ gɔn lɛ ka foo kɔɔ̃n nɛ.

Suusun 24:21

Maa nɛ, Dɛnaa Lawa laanka kii guguru kɔ. Min mɛnɛn bɛ́ zoɛ̃ mà ǹ sii tumaa bɔyaa, n nyan koa kunun ǹ ni wa.

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Matiə 22:21

Ǹ nə́ tɔ́n pɛ nɛ: «Kii Gole kɛ nɛ.» Yezu tɔ́n pɛ ǹ nɛ: «Màn mɛn bɛ́ kii wɔ lɛa, ka bɛ kɔ kii la. Màn mɛn dɔ bɛ́ Lawa wɔ lɛa, ka bɛ kɔ Lawa la.»

Matiə 22:22

Ǹ bɛa boo lɛ ma lɔn, á kaãbaa da ǹ ganaa parsiini. Ǹ nə́ kiɛ̃ ǹ nə́ Yezu toa walan, ǹ nə́ woo.

Matiə 22:33

Zaman lɛ bɛa boo lɛ ma lɔn, á kaãbaa da ǹ ganaa parsiini.

Matiə 22:46

Min kɔ́n na a lɛ si ka boo kɔ́n nɛ wa. A kũ bɛ lɛ ganaa lɔn, min kɔ́n yii wɔ doo á nɔ̀n da la wa.

Matiə 8:10

Yezu bɛ́ á bɛa boon lɛn ma lɔn, á n kaãbaa ǹ ganaa parsiini, á tɔ́n pɛ a kiodɛnan lɛn manɛ: «Masɛ n pii ka nɛ sonbore: ma bin kɛa golee Lawa li kɛ miã tɔrɔ yɛ min kɔ́n lon Izirayeli gána-n wa.

Marki 12:16

Ǹ bɛ́ ǹ nə́ daa nɛ, Yezu nɔ̀n da ǹ la: «Die mìi nyin laanka die tɔ n kiɛ̃-n la?» Ǹ ná a lɛ si mà Kii Gole wɔ nɛ.

Marki 12:30

N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ.»

Luku 20:25

Yezu tɔ́n pɛ ǹ nɛ: «A bɛ́ miɛ̃, màn mɛn bɛ́ kii wɔ lɛa, ka bɛ kɔ kii la, ǹ mɛn dɔ bɛ́ Lawa wɔ lɛa, ka bɛ kɔ Lawa la.»

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 13:7

Ka doamaa bɛ́-n ka màn mɛn kɔ goledɛnan la, ka bɛ kɔ ǹ la. Ka nyin giɔ̀mɔ saraa ǹ la, ka wusuru kɔ ǹ la, ka nyɛ́ɛ baa ǹ nɛ, ka ǹ guguru kɔ. Ka doamaa bɛ́ nɛ, ka màn mɛn kɔ ǹ la, ka bɛ kɔ ǹ la.

Rɔmu minin 6:13

Ka baran ka dinin kɔ sii baraa la doo, ka sii baraa zɛnaa ǹ mànan baa wa. Sɛnɛ, ka ka dinin kɔ Lawa la, ka min mɛnɛn bɛ́, ǹ yii kaa ǹ nə́ n bɔ geren bii. Ka ka gɔ̀nɔn paǹ din tumaa kɔ la, peperebaa sii zɛnaa ǹ mànan lɛa.

Piɛrɛ1 2:17

Ka min din tumaa guguru kɔ, ka ka dɔɔ̃n Lawa-nyankɔlen narɛ, ka nyɛ́ɛ baa Lawa nɛ, ka kii gole kɛ guguru kɔ.