Marki 12:1 - LAWA A BOO SONBORE

¹ Bɛ kio, Yezu boo giməə da ǹ nɛ, á pɛ: – Giĩ goon na á wuru bɔ, á da nɛ-kɔle zumu a nɛ, a tɔ mà rezɛ̃, á kungɔn dɔ a ná a lɛnpɛnɛ nɛ, a ná a nɛ mu bɔɔ̃ ǹ yala fɔ̃, a ná a lɛduə̃lin kion dɔ. Bɛ kio, á dí-nyalin goa á ǹ kaa nɛ, á tɔ́n woo zii ni.

LAWA A BOO SONBORE 2011

¹ Bɛ kio, Yezu boo giməə da ǹ nɛ, á pɛ: – Giĩ goon na á wuru bɔ, á da nɛ-kɔle zumu a nɛ, a tɔ mà rezɛ̃, á kungɔn dɔ a ná a lɛnpɛnɛ nɛ, a ná a nɛ mu bɔɔ̃ ǹ yala fɔ̃, a ná a lɛduə̃lin kion dɔ. Bɛ kio, á dí-nyalin goa á ǹ kaa nɛ, á tɔ́n woo zii ni.

Marki 12:1 Iomraidhean Croise

Izayii 7:23

Bɛa pinaa kəni, wuru mɛn bɛ́ *rezɛ̃ da duu goon (1 000) ná a nɛ, a n kɔnpii wɔrɔ we duu goon ne, ǹ tá re n la boe bɛ ganaa a nyan tewon baa.

Zeremii 2:21

Sɛnɛ, man má goã má n zumu, ka *rezɛ̃ da sonbore bɛ́ lɔn, ka da mɛn bɛ́, da tɔrɔ sonbore lɛa. A na á saa lɔn, n nə́ n bɔyaa, ń don gɔ́ɔ̃ da baa, n nɛ n bɔnɛɛ?

Matiə 13:3

Á boo gigiã da ǹ nɛ ka boo giməə ne, á pɛ ǹ nɛ: «Giĩ goon na á soo á woo màn tɔrɔ pɛsɛ̃.

Matiə 21:28

Yezu tɔ́n pɛ: – Ka n wàa taasɛ kɛ gɔ́ɔ̃ nɛ? Nɛgiĩ paa na á goã giĩ kɔ́n lon. Á pɛ a goledɛnaa nɛ ǹ kɔ́n pinaa: «Maa nɛ, wo dí nya maa wuru-n pelo.»

Matiə 21:33

Ka n too kɔ boo giməə kɔsɔ li. Giĩ goon na á wuru bɔ, á da nɛ-kɔle zumu a nɛ, a tɔ mà *rezɛ̃ da, á kungɔn dɔ, á ná a lɛnpɛnɛ nɛ, a ná a nɛ mu bɔɔ̃ ǹ yala fɔ̃, a ná a lɛduə̃lin kion dɔ. Bɛ kio, á dí-nyalin goa, á ǹ koa a li, á woo zii ni.

Matiə 21:34

Da nɛ ma waáraa bɛ́ á dɔ, a ná a dí-nyalin dia da wuru dí-nyalin lɛn li, maǹ na asɛ wɔ gii kɔ ǹ la ǹ da nɛ.

Matiə 25:14

*Lawa a kiibaa ǹ dí lɛ a kɔnbɔ ǹ sii kɔsɔ n ke: A n goon ka giĩ kɔ́n nɛ, a bɛ́ re woe zii ni, a ná a dí-nyalin bíi, á n gɔn màn koa ǹ li.

Marki 11:33

Ǹ nə́ tɔ́n pɛ Yezu ni mà ǹsɛn ba doɛ̃ wa. Yezu tɔ́n pɛ ǹ nɛ: «Bɛ̀ ka a doɛ̃ wa, min mɛn bɛ́ á siin kɛn lɛn zɛnaa ǹ lɛ kɔ ma la, ma dɔ a bɛa dɛnaa pii ka-n wa.»

Marki 13:34

«Min a Nɛgiĩ a daa pinaa n die n biɛ ka min bɛ́ woe zii-n lɔn. A laan bɛ̀ a soo, a na a kion koɛ a dí-nyalin li, a didie a nya ǹ dí kɔ la, a n gɔn waa a kiɛnlɛ-lɛduə̃li ni, mà a n yii dɔraa, bɛ̀ asɛ baa die.

Marki 3:23

Yezu tɔ́n lɛ dia ǹ la, á boo giməə da ǹ nɛ: «Sɛtaan nə boe la a n din loo lɔn?

Marki 4:2

A na á goã ǹ darɛɛ sii gigiã ganaa ka boo giməə ne. A bɛ́ ǹ darɛɛ, a na á goã pii ǹ ni:

Luku 15:13

Lɛawaa dan kɔ́n bɛ kio, nɛgiĩ boɛɛndɛnaa lɛ ná a kíɛ̃ lɛ yii sã, á woo ka a wɔrɔ-n gána sɔsɔɔ kɔ́n nɛ. A ná a wɔrɔ lɛ yii ziziɛ̃ walan sii kooron zɛnaa ganaa.

Luku 19:12

Á pɛ: – Kii nɛ goon ne, á woo gána sɔsɔɔ kɔ́n nɛ, á woo ga kiibaa li kii gole gole li, a nə n bɔyɛɛ.

Luku 22:9

Bɛa min paa lɛ tɔ́n nɔ̀n da la mà a n giɛ li ǹsɛn nə wo màn-bii lɛ zɛnaa maa?

Luku 8:10

Á n toa ǹ ganaa kɛnɛn: «Lawa bɛ́ a kiibaa ǹ dí mɛn nyɛɛ kanaa, bɛ n sii-durii lɛa á nyaa kasɛn manɛ. Sɛnɛ, a na á nyaa min gialakunun kɛn manɛ ka boo giməə ne, màn mɛn bɛ́ toɛ, ǹ ga, sɛnɛ, ǹ yii baran wɔlɔ yɛ wa, ǹ boo ma, sɛnɛ, ǹ baran a giala ma wa.»

Nya ǹ dín 7:38

A din ni, zaman lɛ bɛ́ soe-n kɔn don bii ǹ mɛn waáraa, á golee wɔsɛn digolon lɛn laanka lon a dia dí-a wole lɛ bii ni, lon a dia dí-a wole mɛn bɛ́ á goã n toɛ Sinayii kele lɛ la a n boo diɛ nɛ. A din Muizu lɛ nɛ, sii-zɛnaan mɛnɛn bɛ́ wɔsɛn kiɛ yiikoonaabaa taãn-taãn kɛ nɛ, á bɛn boon si á ǹ kɔ wɔ la.