Marki 11:18 - LAWA A BOO SONBORE

¹⁸ Lawa a wúlu-bɔlen goledɛnan laanka landa sii-daraalin bɛ́ ǹ nə́ bɛ ma, ǹ nə́ ga Yezu dɛ ǹ gɔn li. Ǹ nə́ goã nyɛ́ɛbiɛ nɛ, a giala, a daraa lɛ zaman lɛ din tumaa kũ.

LAWA A BOO SONBORE 2011

¹⁸ Lawa a wúlu-bɔlen goledɛnan laanka landa sii-daraalin bɛ́ ǹ nə́ bɛ ma, ǹ nə́ ga Yezu dɛ ǹ gɔn li. Ǹ nə́ goã nyɛ́ɛbiɛ nɛ, a giala, a daraa lɛ zaman lɛ din tumaa kũ.

Marki 11:18 Iomraidhean Croise

Kiin1 21:20

Akaabu bɛ́ á Yilii yɛ, á pɛ nɛ: «Ee maa zɔ́ɔ, ń ma wɔlɔ yɛ kəni.» Yilii tɔ́n na a lɛ si: Má n wɔlɔ yɛ, a giala n nə́ n din kɔ dí baraa nya la, Dɛnaa Lawa yɔrɔ-a.

Kiin1 22:18

Izirayeli a kii lɛ tɔ́n pɛ Zozafati ni: «Ma pɛ n nɛ wa? Misee bie Lawa a boo gii-dali baa ǹ boo kɔɔ̃n diɛ masɛ wɔ paǹ li wa, yǎa a baraa.»

Kiin1 22:8

Izirayeli gána a kii lɛ pɛ Zozafati nɛ: Giĩ goon tá tɔn a tan, min nə́ boe la a n doa a ganaa a nɔ̀n da Dɛnaa Lawa la. Sɛnɛ bɛa giĩ lɛ sii ba masɛ ganaa wa, a giala, a ba Lawa a boo gii-dalibaa ǹ boo kɔɔ̃n pii masɛ wɔ paǹ li wa, yǎa a baraa dinsɔsɔɔ̃. Yimulaa a nɛgiĩ Misee ne. Zozafati nə́ n toa mà kii lɛ baran pɛ miɛ̃ wa.

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Matiə 21:15

Lawa a wúlu-bɔlen goledɛnan laanka landa sii-daraalin bɛ́ ǹ nə́ Yezu yɛ á kaãbaa ǹ siin zɛnaa, nɛnyaanan kɛn dɔn nə́ n lɛ dii Lawa a kion ka a tɔ nɛ mà "ǹsɛn kii Davida tɔrɔ, mà a da ka a bǐɛ̃ nɛ", ǹ foo busu Yezu li.

Matiə 7:28

Yezu bɛ́ á bɛa doreen kɛn lɛn kɔ á nya ǹ mɛn waáraa, zaman lɛ nə́ n kaãbaa a minin daraa ǹ gɔn ganaa parsiini.

Marki 1:22

Min mɛnɛn bɛ́ ǹ too koe a boo ganaa, bɛn nə́ n kaãbaa a minin daraa ǹ gɔn ganaa parsiini, a giala, a bie ǹ darɛɛ ka landa sii-daraalin bɛ́ minin darɛɛ lɔn wa, sɛnɛ, pàã tá asɛ a boo lɛ nɛ.

Marki 11:32

Bɛ̀ wɔ́ pɛ wáa minbuiinin man nə́ dia, haya...! Ǹ nə́ goã nyɛ́ɛ biɛ zaman lɛ nɛ, a giala, min tumaa n taasɛ mà ZAÃ n Lawa a boo gii-dali lɛa taãn-taãnɛ.

Marki 12:12

Zuifun goledɛnan nə́ ga Yezu kũ ǹ gɔn li, a giala, ǹ nə́ dɔ̃ mà a na á bɛa boo giməə lɛ da ǹsɛn ganaa. Sɛnɛ, ǹ bɛ́ ǹ nə́ goã nyɛ́ɛ biɛ zaman lɛ nɛ, ǹ nə́ toa walan ǹ nə́ woo.

Marki 3:6

Minin mɛnɛn bɛ́ kii Erɔdi a pàã li, *Fariziɛ̃n nə́ soo lɛsɔkɔn kion, ǹ nə́ n lɛ kaa kun bɛn nɛ gɔrɔ, ǹ nə́ ga Yezu dɛ a gã ǹ gɔn li.

Marki 6:20

Erɔdi goã nyɛ́ɛ biɛ ZAÃ nɛ, a giala, á dɔ̃ mà ZAÃ n Lawa a min sonbore lɛa. Á goã kɔɔ̃n a ganaa a n too kɔ ZAÃ a boo li, sɛnɛ, bɛ̀ a tá n too koe li, a yiri yii nə n lɔloɛkɔn.

Luku 19:47

Yezu na á goã minin darɛɛ baraabaraa Lawa a kion. Wúlu-bɔlen goledɛnan man nə́ goã giɛ li kun ka landa sii-daraalin ni ka min golen ne, mà ǹ dɛ a gã.

Luku 2:47

Min mɛnɛn yii goã n too koe nɛ lɛ lon, bɛn tumaa goã n kaãbiɛ a sii-doɛ̃ ganaa ka a boon lɛ si ǹ gɔn nɛ.

Luku 20:19

Landa sii-daraalin laanka wúlu-bɔlen goledɛnan nə́ dɔ̃, mà Yezu na á boo giməə kɛ lɛ da ǹsɛn ganaa. Bɛ lɛ tamaa yii, maǹ nə́ goã giɛ li ǹ kũ bɛa bǎã kɛ lɛ nɛ, sɛnɛ, maǹ nə́ nyɛ́ɛ baa zaman nɛ.

Luku 4:22

Min din tumaa na á goã Yezu laakalɛɛ. Bɛa Lawa a bǐɛ̃baa ǹ boo kɛ kaãbaa da min tumaa ganaa. Sɛnɛ, bɛa boo kɛ a bɔ asɛ lɛ-n kɛ lɛ na á ǹ tɔwaa. Maǹ nə́ goã pii kɔn nɛ mà Zozɛfu a nɛ kɛ lɛ bie wa?

Zaã a sɛ́wɔ 7:1

Bɛ kio, Yezu goã n bibiĩ Galilee gána nɛ. Bibiə̃ Zudee gána-n goã kɔɔ̃n a ganaa wa, a giala, Zuifun pàãdɛnan man nə́ goã giɛ li mà ǹ dɛ.

Zaã a sɛ́wɔ 7:19

Táa Muizu na á Lawa a dí-pɛn lɛn kɔ ka dinin lɛn la? Sɛnɛ, ka kɔ́n bɛ́ ka a ǹ tamɛɛ wa. Ka n giɛ li dinin ka masɛ dɛ?»

Zaã a sɛ́wɔ 7:46

Garadin lɛn nə́ tɔ́n pɛ mà min kɔ́n din bin boo da ka giĩ kɛ bɛ lɔn wa!

Nya ǹ dín 24:25

Sɛnɛ, Pooli bɛ́ á yoo á boo diɛ sii pepere zɛnaa wɔ gɔn la, ka din-kuĩ ni, ka biɛ̃ ǹ kiri kɛ nɛ, nyɛ́ɛ Feliksi kũ. Á tɔ́n pɛ Pooli ni: «N lɛ tã bɔrɔ. Bɛ̀ ma biikoo kɔsɔ yɛ, ma á re n bíi.»