Marki 11:13 - LAWA A BOO SONBORE

¹³ A bɛ́ tiãlɛa, á gɔ́rɔ da goon yɛ, luu ná a ganaa. Á woo ga a ganaa, mà kɔntan, mà asɛ á die nɛ yii la. A bɛ́ á woo á dɔ da lɛ li, á luu dinsɔɔ̃ yɛ a ganaa, a giala, a nɛ kɔ biikoo bie wa.

LAWA A BOO SONBORE 2011

¹³ A bɛ́ tiãlɛa, á gɔ́rɔ da goon yɛ, luu ná a ganaa. Á woo ga a ganaa, mà kɔntan, mà asɛ á die nɛ yii la. A bɛ́ á woo á dɔ da lɛ li, á luu dinsɔɔ̃ yɛ a ganaa, a giala, a nɛ kɔ biikoo bie wa.

Marki 11:13 Iomraidhean Croise

Izayii 5:2

Á wuru lɛ kɔsɔ. Kɔlɔn mɛnɛn bɛ́ a nɛ, á bɛn waa, á da tɔrɔ sonboren zumu a nɛ. Á sanabolo dɔ a nɛ, bǎã-lɛduəlin wɔ lɛa, á rezɛ̃ mu bɔ ǹ bǎã fɔ̃. A na á goã n yii diɛ rezɛ̃ nɛ sonbore la. Sɛnɛ, *rezɛ̃ da lɛ nɛ mɛn kɔ, nɛ pipiã nɛ.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Matiə 21:19

Á gɔ́rɔ da kɔ́n yɛ zii para-a, á kanaa á ga ǹ dan la, a màn kɔ́n yɛ wa, bɛ̀ á n bɔ a luu ni. Yezu tɔ́n pɛ gɔ́rɔ da lɛ nɛ: «Nsɛ kɛ a nɛ koe doo duduu wa.» A din bǎã-n gɔrɔ, gɔ́rɔ da lɛ laa.

Marki 11:12

Bɛa lɛawaa ǹ bɛ́ soe Betaanii, bòo Yezu kũ.

Marki 11:14

Yezu tɔ́n pɛ gɔ́rɔ da lɛ nɛ: «Lawa baran toa n nɛ wɔ min lɛ-n doo ka duduu wa!» A kialandɛnan lɛn ná a boo lɛ ma.

Luku 10:31

Á daa yaa Lawa a wúlu-bɔle goon nə́ kiɛ̃ ka bɛa zii lɛ nɛ, á giĩ lɛ yɛ, sɛnɛ, á zii lɛ bɔ á kiɛ̃.

Uruti 2:3

Á woo ɔrzi bún lɛ bɔ wuru kɔn nɛ, ɔrzi-kurulin lɛn basa la. A mìi kɔɔ̃n kɔ, á woo yaa bɛ̀ bǎã lɛ n Elimelɛkin tanlɛ min Boazi wɔ lɛa.

Samayeli1 6:9

Ka n yiri kɔ li, bɛ̀ á ná a gána zii saa, á n yɔrɔ dia Bɛti-Semɛsi kiwi li, ka dɔ̃ mà Dɛnaa Lawa din na á sii baraa gole kɛ zɛnaa wɔsɛn manɛ. Bɛ̀ a n baa miɛ̃ wa, wɔ á re doɛ̃ wáa a sii kɔn zɛnaa wɔ-n wa, sɛnɛ sii na á goa á wɔ yɛ tapaan nɛ.»