Marki 10:52 - LAWA A BOO SONBORE

⁵² Yezu tɔ́n pɛ nɛ: «Woo, n din a goleemali na á n kirisibaa.» Bɛa bǎã-n gɔrɔ a yii boo la á wɔlɔ yɛ, á kɔ zii lɛ kun ka Yezu ni.

LAWA A BOO SONBORE 2011

⁵² Yezu tɔ́n pɛ nɛ: «Woo, n din a goleemali na á n kirisibaa.» Bɛa bǎã-n gɔrɔ a yii boo la á wɔlɔ yɛ, á kɔ zii lɛ kun ka Yezu ni.

Marki 10:52 Iomraidhean Croise

Loen 146:8

Dɛnaa Lawa n yii tere-an yii buĩ. A din nə talaa wolen kuĩ ǹ koɛ lon. A n min peperen narɛ.

Loen 33:9

A giala, asɛ bɛ́ á boo da, a sii na á n zɛnaa, a màn mɛn pɛ, a sii na á yɛ.

Izayii 35:5

Ka bɛ-n kəni, yii tere-an yii á re wɔlɔ yii foaã nɛ, too tere-an too á re boo miɛ.

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Matiə 12:22

Bɛa biikoo li, minin nə́ daa giĩ goon kɔ Yezu la, a giala nɔ̀ɔnɔn man a ganaa, a yii tã, a boe boo diɛ dɔ la wa. Yezu ná a busu nya, yǎa a boo la á boo da, a yii dɔ wɔlɔ yɛ.

Matiə 15:28

Yezu tɔ́n pɛ nɛ: «E, lɔ lɛɛ, n golee Lawa li á gole! N bɛ́ giɛ màn mɛn li, bɛ á die n zɛnɛɛ n nɛ.» A din biikoo li gɔrɔ, a nɛlɔ lɛ a busu nya.

Matiə 21:14

Yii tere-an kɔnɔn laanka bɔlɔka tɔrɔ kɔsɔn nə́ n zɔ̃ ǹ nə́ dɔ Yezu li Lawa a kion, Yezu nə́ ǹ busu nya.

Matiə 8:3

Yezu nə́ n gɔn saa á da a ganaa, á pɛ: «Ma tá li, masɛ máa busu lɛ nə n bɔ n ganaa.» A din bǎã-n gɔrɔ, busu lɛ nə́ n bɔ a ganaa, á kakabaa yɛ.

Matiə 9:22

Yezu nə́ n yii bɔyaa á yɛ, á tɔ́n pɛ nɛ: «Maa nɛlɔ lɛ, n foo taã! N din a goleemali na á n kirisibaa.» A din bǎã-n gɔrɔ lɔ lɛ kakabaa yɛ.

Marki 1:31

Á n zɔ̃ á dɔ a li, á kũ a gɔn-a, á saa á da a giala la. A gɔ̀nɔn-wɛ̃ lɛ nya, á yoo á màn-bii zɛnaa á kɔ ǹ la.

Marki 5:34

Yezu tɔ́n pɛ nɛ: «Lɔ lɛɛ, n din a goleemali na á n kirisibaa. Wo ka bǐɛ̃ nɛ, n goã ka là nyantoro ne.»

Marki 8:25

Yezu wusoo á n gɔn da giĩ lɛ yiin ganaa doo. Bɛ kio, giĩ lɛ ga doo, á tɔ́n dɔ̃ mà asɛ yiin nə́ n bũ, ǹ nə́ màn tumaa yii sɔnbɔraanɛ.

Luku 7:50

Yezu wusoo á pɛ lɔ lɛ nɛ: «N din a goleemali na á n kirisibaa. Wo ka nyɛnyɛɛ nɛ.»

Luku 9:48

á pɛ ǹ nɛ: «Bɛ̀ min mɛn lɛ kɔ, á nɛnyaan kɛ miã kũ doɛ̃ masɛ tɔ taman yii, bɛa dɛnaa na á lɛ kɔ masɛ din ganaa. Bɛ̀ min dɔ lɛ kɔ masɛ-a, bɛa dɛnaa na á lɛ kɔ masɛ a dia wole ganaa. A giala min mɛn bɛ́ n din kiɛɛrɛ koe ka bii, bɛa dɛnaa lɛ n gole ka tumaa nɛ.»

Zaã a sɛ́wɔ 9:32

Wɔsɛn nə tɔn ma bɔrɔ, mà min na á yɛ yii tere-a lɛa min ná a yii bũ wa.

Zaã a sɛ́wɔ 9:39

Yezu tɔ́n pɛ kəni: «Man má daa kanaa kɛ lɛ gɔ́ɔ̃ nɛ kiri wɔ a lɛa, màn mɛn bɛ́ toɛ, min mɛnɛn bɛ́ yii tere-an lɛa, bɛn yii wɔlɔ yɛ, min mɛnɛn bɛ́ yii wɔlɔ yɛlen lɛa, bɛn yii tã.»

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»