Marki 10:34 - LAWA A BOO SONBORE

³⁴ Ǹ tá re yaa we a ganaa, ǹ sɛ̀ kaa a ganaa, ǹ duwəə ka sɛ̌n nɛ, ǹ dɛ a gã. Lɛawaa sɔɔ bɛ kio, a yii á die kiɛ.»

LAWA A BOO SONBORE 2011

³⁴ Ǹ tá re yaa we a ganaa, ǹ sɛ̀ kaa a ganaa, ǹ duwəə ka sɛ̌n nɛ, ǹ dɛ a gã. Lɛawaa sɔɔ bɛ kio, a yii á die kiɛ.»

Marki 10:34 Iomraidhean Croise

Zɔbu 30:10

Ma tìĩ bɔ ǹ nyin ni, ǹ ba n mɔrɛ ma-a doo wa. Maǹ sɛ̀ duwii tán ma yɔrɔ-a, nyɛ́ɛ din ba ǹ-a wa.

Loen 16:10

A giala, n ba re ma toɛ gɛ̀ gɔn wa, n ba re n din a min sonbore kɛ toɛ yala-n wa.

Loen 22:13

Maa zɔ́ɔn nə́ ma da bii ka dii gɔ̀lɔ̀n manɛ. Ǹ nə́ ma lɛnpɛnɛ, ka Basan daã a dii gɔ̀lɔ̀ baraan kɛn manɛ.

Izayii 50:6

Min mɛnɛn bɛ́ ǹ nə́ goã ma duwii, má n dɔ̀ɔ̃ dia ǹ la. Má n lɛtoro dia ma lɛtoro ka woɛ̃ wolen la. Min mɛnɛn bɛ́ ǹ nə́ goã sɔ kiɛ ma la, ǹ nə́ sɛ̀ kiɛ ma ganaa, man yɔrɔ duru bɛn la wa.

Izayii 53:3

Ǹ nə́ n la bɔ a ganaa, ǹ nə́ da ǹ gɔn dɔ̀ɔ̃ nɛ. Nɔmaa wole ne, a lɛ mui ka fuu ni. A n ka min mɛn bɛ́ min kɔn ba li mà a ga a ganaa wa. Ǹ nə́ n la bɔ a ganaa, a màn kɔn lɛa wɔ yii li wa.

Ozee 6:2

Kànaa ka lɛawaa paa, á re yiikoonaabaa koe wɔ la. A sɔɔbaa ǹ wɔ li, á re wɔ goɛ a wɔ kaa lon. Wɔ yii á die goɛ̃ koo a din yɔrɔ-a.

Matiə 16:21

A saa bɛa biikoo lɛ ganaa, Yezu ná a giala kɔ á nyaa a kialandɛnan manɛ ka a fubaa nɛ, á pɛ: «Masɛ doamaa nɛ ma wo Zeruzalɛmu, ma nɔmaa Zuifun sii yɔrɔ-bɔlen gɔn parsiini: ǹ goledɛnan nɛ, ǹ Lawa a wúlu-bɔlen goledɛnan nɛ ka ǹ landa sii-daraalin ni. Ǹ tá re ma dii, maa gɛ̀ lɛawaa sɔɔ, ma yii á die kiɛ.»

Matiə 26:67

Bɛ kio, ǹ nə́ sɛ̀ kakaa a yɔrɔ-a, ǹ nə́ dɛdɛ ka gɔn-muniin ni. Min tɛn nə́ ǹ gɔn tɔtɔ a para-n,

Matiə 27:63

ǹ nə́ pɛ: «Goledɛnaa, wɔsɛn yiri tá a nɛ minin yiri-sãli kɛ lɛ pɛ, bɛ̀ a yii bɛ́ tɔn koo mà asɛ a gɛ̀ lɛawaa sɔɔ, mà asɛ yii á die kiɛ.

Marki 14:63

Lawa a wúlu-bɔlen kiã foo yoo, á nɔmaa a ná a din a mɔnaan kũ á ǹ toɛ̃, á pɛ: «Wɔsɛn laadoo ba siére kɔsɔ din ganaa doo wa!

Marki 14:65

Ǹ kɔnɔn ná a giala kɔ ǹ nə́ sɛ̀ kaa Yezu ganaa, ǹ nə́ màn yii a yii ganaa, bɛ̀ ǹ nə n gɔn munu ǹ dɛ, ǹ nɔ̀n da la: «Min mɛn bɛ́ á n dɛ, bɛa dɛnaa pɛ wɔsɛn man kən le!» Bɛ kio, garadin nə́ Yezu kũ ǹ nə́ n gɔn tɔtɔ a para-n.

Marki 9:31

A giala, a na á goã a kialandɛnan lɛn darɛɛ, á n pii ǹ ni kɛnɛn: «Min a Nɛgiĩ á re n we min baraan gɔn, ǹ tá re dii a gã. A gɛ̀ lɛawaa sɔɔ, a yii á re kiɛ.»

Luku 23:11

Erɔdi laanka a sɔraasin ná a kiɛɛrɛ kɔ, ǹ nə́ yaa wɔ a ganaa. Erɔdi mɔnaa sonbore kɔ́n wɔ a ganaa, á wusoo á dia Pilati la.

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Zaã a sɛ́wɔ 2:10

á pɛ nɛ: «Min din tumaa n goɛ̃ bɛ̀ a duvɛ̃ kɔɔ̃n kɔ minin la bɔrɔ, bɛ̀ ń yaa ǹ nə́ mi ǹ nə́ kã, ǹ mɛn bɛ́ a kɔɔ̃n taãn wa, á tɔ́n bɛ kɔ ǹ la. Sɛnɛ, nsɛ nə n duvɛ̃ kɔɔ̃n lɛ koa yǎa kɛnɛn yirəə!»

Korɛnti1 15:4

Ǹ nə́ bĩ, a lɛawaa sɔɔbaa ǹ wɔ pinaa, a yii kaa, ka Lawa a sɛ́wɔ bɛ́ á pɛ lɔn.