Marki 10:21 - LAWA A BOO SONBORE

²¹ Yezu ga a ganaa ka kɔn-narɛɛ nɛ, á pɛ nɛ: «Sii goon nə n nyaabiɛ. Woo, n nə n gɔn màn tumaa sã, n na a wɔrɔ gii doobaan manɛ. Bɛ zɛnaa, n tɔn da kɔ masɛ kio lɛ. N tá re gɔn màn gigiã yii Lawa a piɛ.»

LAWA A BOO SONBORE 2011

²¹ Yezu ga a ganaa ka kɔn-narɛɛ nɛ, á pɛ nɛ: «Sii goon nə n nyaabiɛ. Woo, n nə n gɔn màn tumaa sã, n na a wɔrɔ gii doobaan manɛ. Bɛ zɛnaa, n tɔn da kɔ masɛ kio lɛ. N tá re gɔn màn gigiã yii Lawa a piɛ.»

Marki 10:21 Iomraidhean Croise

Siin Giala 34:19

Ǹ kurii boo mɛn da nɛginin lɛ nɛ, á n nanaa á bɛ zɛnaa, a giala, Zakɔba a nɛlɔ lɛ sii na á goã a ganaa parsiini. Sisɛmu din yii na á goã dɔraa nɛ, ǹ di a nɛnyaanan bii.

Suusun 23:23

Sonbore pii, n nyan sã wa. Ga sii-doɛ̃ li, doɛ̃ nɛ ka yiridɛnaabaa nɛ.

Matiə 16:24

Bɛ kio, Yezu pɛ a kialandɛnan manɛ: «Bɛ̀ min mɛn tá li a kɔ masɛ kio lɛ, yǎa bɛa dɛnaa nə n yiri boe a din ganaa, a nɔmaa sii a ganaa, a kɔ masɛ lɛ.

Matiə 19:21

Yezu tɔ́n pɛ nɛ: «Bɛ̀ n tá li a lɛ pã, woo, n nə n gɔn màn tumaa sã, n na a wɔrɔ gii doobaan manɛ, n tá re gɔn màn gigiã yii Lawa a piɛ. Bɛ zɛnaa n tɔn da kɔ masɛ kio lɛ.»

Marki 10:22

Sɛnɛ, giĩ lɛ bɛ́ á bɛa boo lɛ ma lɔn, a yɔrɔ kɔsɛ. A yɔrɔ kɔsiɛmaa nɛ á woo, a giala, gɔn màn gigiã tá a lon.

Marki 8:34

Yezu tɔ́n zaman lɛ laanka a kialandɛnan lɛn bíi, á pɛ ǹ nɛ: «Bɛ̀ min mɛn tá li a kɔ masɛ lɛ, yǎa ǹ dɛnaa nə n yiri boe a din ganaa, a nɔmaa si a ganaa a kɔ masɛ lɛ, haalɛ ta a n giɛ̃ dere ǹ gɔn ganaa.

Luku 10:42

Sii goon toto n ke laadoo sii lɛa. Mariya na á màn sonbore yii gɔgɔɔ̃. Bɛ dɔ a re n sii la doo duduu wa.

Luku 12:33

«Ka n gɔn mànan sã, ka a wɔrɔ kɔ doobaan la. Gɔn màn kaa ǹ bǎã mɛn bɛ́ a ziziɛ̃ wa, a n Lawa li, ka ga bɛ li. Gɔn màn ba papaɛ̃ walan wa, wurumu a doe a li wa, nimii dɔ a kuĩ wa.

Luku 16:9

Yezu pɛ ǹ nɛ: «Ka ga giaáran li ka dinin manɛ ka kanaa a naforo kɛ nɛ. Màn mɛn bɛ́ toɛ, bɛ̀ bɛa naforo kɛ lɛ nya, Lawa lɛ kɔ ka ganaa ka giã a biikoo nyabaã bǎã kɛ nɛ.

Luku 18:22

Yezu bɛ́ á bɛ ma, á pɛ nɛ: «Sii goon tá tɔn nə n nyaabiɛ: N gɔn màn tumaa sã, n na a wɔrɔ gii doobaan manɛ. N tá re gɔn màn gigiã yii lon Lawa a piɛ. Bɛ zɛnaa n tɔn da kɔ masɛ kio lɛ.»

Luku 19:41

Yezu bɛ́ á diri kiwi lɛ la á yɛ, á wuu pɛ la.

Luku 9:23

Bɛ kio Yezu pɛ ǹ tumaa nɛ: «Bɛ̀ min mɛn tá li a kɔ masɛ lɛ, bɛa dɛnaa nə n yii bɔ a din-a, a nɔmaa si a ganaa baraabaraa a kɔ masɛ lɛ, haalɛ ta a n giɛ̃ dere ǹ gɔn ganaa.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Nya ǹ dín 2:45

Maǹ nə́ goã ǹ wurun siɛ̃ ka ǹ gɔn mànan nɛ, ǹ ná a giɔ̀mɔ gii kɔn, a n kɔnpii ka didie laadoo ne.

Korɛnti2 12:15

Man boe ma din ni, má n ma gɔn màn tumaa koe ka la, ka ma din tumumaa dɔ nɛ. Bɛ̀ má màn da ka narɛɛ li, ka á re nyaabiɛ ma narɛɛ ganaa?

Timote2 3:12

Min mɛnɛn tumaa bɛ́ li dinin, ǹ nyɛ́ɛ baa Lawa nɛ, ǹ kɔ Yezu *Krita lɛ, bɛn tumaa á re fuu yii.

Ebrəə 10:34

Sonbore, ká kaa wɔ gii yɛ kòso nɛn fuu ni. Ǹ nə́ ka gɔn mànan si ka la, ká lɛ kɔ bɛa mànan kɛn lɛn woo ganaa ka nyɛnyɛɛ nɛ, a giala, ká dɔ̃ mà naforo sonbore nyabaã wolen tá ka lon.

Zaaki 2:10

Sonbore ne, bɛ̀ min mɛn Lawa a dí-pɛn kɛn goon din sɔɔ̃ ziziɛ̃, a zɛ̀rɛ n ka ǹ tumaa nɛ, haalɛ ta a ná a gialakunun kɛn tumaa tamaa.

Sii-nyaan 2:14

«Ka bɛ tumaa nɛ, ma lɛ tá n li ka sii tɛn nɛ: Minin tá n li, ǹ gɔn nə́ tɔn paraa-n Balaamu a lɛlɛ a minin daraa ǹ yiri baraa kɛ ganaa. Balaamu na á goã kii Balaaki darɛɛ, mà a Izirayeli minin bebere, a ǹ kaa dì wúlu bɔ ǹ siĩ sɔ̃ ganaa, ǹ nə n dinin kɔ kɔrɔbaa la.

Sii-nyaan 2:20

«Sɛnɛ, ma lɛ bɛ́ n li ka sii mɛn nɛ, bɛ á ke: Lɔ kɔrɔ Zezabɛli a sii á kúu biɛ n nɛ, asɛ lɔ mɛn bɛ́ n din biɛ Lawa a boo gii-dali lɛa. A din nə maa dí-nyalin siɛ̃, mà ǹ nə n dinin kɔ kɔrɔbaa la, ǹ dì wúlu bɔ ǹ siĩn dɔn sɔ̃.

Sii-nyaan 2:4

Sɛnɛ, ma lɛ bɛ́ n li ka sii mɛn nɛ, bɛ á ke: "N ba ma narɛ doo ka lɛlɛ wɔ bɛ́ lɔn wa.