Marki 10:2 - LAWA A BOO SONBORE

² *Fariziɛ̃n kɔnɔn nə́ n zɔ̃ ǹ nə́ dɔ a li, ǹ nə́ nɔ̀n da la mà ǹsɛn landa lɛ á lɛ koe min na a lɔ loo ya? Maǹ nə́ bɛ pɛ ǹ tá n diɛ a gɔ́ɔ̃ li.

LAWA A BOO SONBORE 2011

² *Fariziɛ̃n kɔnɔn nə́ n zɔ̃ ǹ nə́ dɔ a li, ǹ nə́ nɔ̀n da la mà ǹsɛn landa lɛ á lɛ koe min na a lɔ loo ya? Maǹ nə́ bɛ pɛ ǹ tá n diɛ a gɔ́ɔ̃ li.

Marki 10:2 Iomraidhean Croise

Malakii 2:16

Dɛnaa Lawa, Izirayeli a Lawa pɛ: «Ma soɛ̃ n ka gòã li ǹ lɔ loo ne, ka min mɛn bɛ́ kakaarɛbaa zɛnɛɛ. Dɛnaa Lawa Pàãyiidɛnaa na á pɛ miɛ̃. Ka yiri bɔ ka dinin li, ka nyan wusoo kaa lɛ kɔn boon kio wa.»

Matiə 15:12

Yezu a kialandɛnan nə́ n zɔ̃ ǹ nə́ dɔ a li, ǹ nə́ pɛ nɛ: «N boo da ǹ gɔn kɛ lɛ kɛnɛn, n tá doɛ̃ mà á Fariziɛ̃n lɛn foo busu?»

Matiə 16:1

*Fariziɛ̃n laanka *Sadusɛɛ̃n nə́ n zɔ̃ ǹ nə́ dɔ Yezu li. Ǹ bɛ́ giɛ ma ǹ nə n da a gɔ́ɔ̃ li, ǹ nə́ nɔ̀n da la, mà a nyaa ǹsɛn manɛ ka kaãbaa ǹ sii ni, mà a pàã lɛ n boe Lawa li.

Matiə 19:3

*Fariziɛ̃n kɔnɔn nə́ n zɔ̃ ǹ nə́ dɔ a li, ǹ nə́ nɔ̀n da la ǹ tá n diɛ a gɔ́ɔ̃ li: «Wɔa landa lɛ á lɛ koe giĩ na a lɔ loo haalɛ ta a mìi n ka sii mɛn nɛ?»

Matiə 22:35

Ǹ goon ne, a n landa sii-daraalin goledɛnaa lɛa, bɛ́ nɔ̀n goon da Yezu la, á n da a gɔ́ɔ̃ li ni:

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 9:34

Sɛnɛ, Fariziɛ̃n man nə́ goã pii: «Nɔ̀ɔn babaraan goledɛnaa n bɛa nɔ̀ɔnɔn lɛn loo ǹ pàã koe la!»

Marki 10:1

Yezu soo á n bɔ walan, á woo Zudee gána nɛ. Bɛ kio, á woo Zurdɛ̃ tà kio. Zaman gigiã daa n lɛ sɔkɔn a li walan dɔ nɛ, á goã ǹ darɛɛ doo ka a bɛ́ zɛnɛɛ lɛlɛ lɔn.

Marki 10:3

Yezu tɔ́n nɔ̀n da ǹ dɔn la kɛnɛn: «Muizu na á landa mɛn kɔ kasɛn la lɔ-loo wɔ gɔn la bɔrɔ?»

Marki 8:11

*Fariziɛ̃n kɔnɔn nə́ daa ǹ ná a giala kɔ ǹ nə́ liere kɔ kɔn ka Yezu ni. Ǹ bɛ́ giɛ li mà ǹ nə n da a gɔ́ɔ̃ li, ǹ nə́ tɔ́n pɛ nɛ: «Bɛ̀ n pàã lɛ n boe Lawa li sonbore, kaãbaa ǹ sii zɛnaa n nyaa wɔsɛn manɛ.»

Marki 8:15

Yezu tɔ́n nə n gɔn waa ǹ nɛ kɛnɛn: «Haya, ka n parabaa Fariziɛ̃n yɔ bù ni, ka n parabaa kii Erɔdi a yɔ bù ni.»

Luku 11:39

Dɛnaa Yezu pɛ nɛ: «Á ke, kasɛn Fariziɛ̃n lɛn man kɛnɛn: Ka n paan laanka kunun dɔ̀ɔ̃ pii, mà ǹ *yoreen kɔ. Sɛnɛ, ka dinin gɔ́ɔ̃ kɛ piɛ̃maa nɛ ka mɛnaa minin la ǹ taasiɛn nɛ ka baraabaa nɛ.

Luku 16:14

*Fariziɛ̃n mɛnɛn bɛ́ wɔrɔ n kɔɔ̃nɛ ǹ ganaa, bɛn dɔn nə́ goã n too koe bɛa boo kɛ lɛ tumaa ganaa, bɛ̀ ǹ nə́ yaa we a ganaa.

Luku 5:30

Fariziɛ̃n lɛn, sanparɛ a landa sii-daraalin kɛn nə́ goã boo zuzuũ diɛ, bɛ̀ ǹ nə́ pii Yezu a kialandɛnan manɛ: «Wàa na á baa ka á màn bii, ka n màn mii kun ka wusuru-silin ni, ka sii baraa-zɛnaalin gialakunun kɛn nɛ?»

Luku 6:7

Landa sii-daraalin laanka Fariziɛ̃n nə́ goã giɛ Yezu gɔn li sɔnbɔraanɛ, bɛ̀ á die giĩ lɛ a busu nyɛɛ susu ǹ pii pinaa, màn mɛn bɛ́ toɛ, ǹ na a zɛ̀rɛbaa ǹ gɔn yɛ.

Luku 7:30

Sɛnɛ, Lawa bɛ́ á nyin si ǹ sii mɛn yɔrɔ bɔ á dia ǹ la, *Fariziɛ̃n laanka landa sii-daraalin nə́ n piã ka bɛ nɛ. Ǹ lɛ kɔ ǹ nə́ batɛmu lɛ si ZAÃ li wa.

Zaã a sɛ́wɔ 11:47

Lawa a wúlu-bɔlen goledɛnan laanka Fariziɛ̃n nə́ woo kɔn yɛ, ǹ nə́ pɛ mà ǹsɛn man die wàa zɛnɛɛ? Mà giĩ lɛ á ke kaãbaa ǹ sii gigiã zɛnɛɛ!

Zaã a sɛ́wɔ 11:57

Wúlu-bɔlen goledɛnan laanka Fariziɛ̃n man nə́ pɛ ǹ nə́ laa, mà bɛ̀ min mɛn nə́ Yezu bǎã dɔ̃, mà ǹ dɛnaa da a giala pɛ ǹsɛn manɛ, màn mɛn bɛ́ toɛ, ǹsɛn nə wo kũ.

Zaã a sɛ́wɔ 7:32

Minin bɛ́ ǹ nə́ goã boo zuzuũ mɛn diɛ Yezu wɔ gɔn la zaman lɛ bii, bɛ kaa *Fariziɛ̃n too ne. Bɛ lɛ nɛ, wúlu-bɔlen goledɛnan laanka Fariziɛ̃n nə́ garadin dia mà ǹ wo kũ.

Zaã a sɛ́wɔ 7:48

Mà ǹsɛn min yii guguru-an bii, hinlaa Fariziɛ̃n bii, mà haalɛ min goon din yɛ á golee li?

Zaã a sɛ́wɔ 8:6

Maǹ nə́ bɛ pɛ miɛ̃ ǹ tá n diɛ a gɔ́ɔ̃ li, màn mɛn bɛ́ toɛ, ǹ na a zɛ̀rɛbaa ǹ sii yɛ. Sɛnɛ, Yezu nə́ n zuməə, á bɔ á mɛ la á sɛ́wɔ kikiɛ̃ tán-a ka a gòon ne.

Korɛnti1 10:9

Wɔ nyan toa wɔ n da Dɛnaa gɔ́ɔ̃ li, ka ǹ dɔn min tɛnɛn bɛ́ ǹ nə́ zɛnaa lɔn wa. Bɛ lɛ nɛ, miɛ̃ nə́ ǹ tumaa yaga ǹ nə́ gã.