Marki 1:24 - LAWA A BOO SONBORE

²⁴ «Nazarɛtin Yezu, n bɛ́ min mɛn lɛa, wɔsɛn tá doɛ̃, Lawa din a dia dí-a wole sonbore nə n ne. N wàa mɛn sii n wɔsɛn sii ni? Ma nə́ n daa wɔsɛn laadoo ziziɛ̃ gɔrɔ kən le?»

LAWA A BOO SONBORE 2011

²⁴ «Nazarɛtin Yezu, n bɛ́ min mɛn lɛa, wɔsɛn tá doɛ̃, Lawa din a dia dí-a wole sonbore nə n ne. N wàa mɛn sii n wɔsɛn sii ni? Ma nə́ n daa wɔsɛn laadoo ziziɛ̃ gɔrɔ kən le?»

Marki 1:24 Iomraidhean Croise

Loen 16:10

A giala, n ba re ma toɛ gɛ̀ gɔn wa, n ba re n din a min sonbore kɛ toɛ yala-n wa.

Bɔ bɛ̀rɛbaa nɛ 14:12

Táa wɔ pɛ n nɛ gána lɛ-n walan, wáa n toa wɔ dí nya Ezipti minin lɛn manɛ! Wɔa dí nya Ezipti minin lɛn ma-n tá soɛ wɔ ganaa gã don bii kɛ nɛ.»

Matiə 2:23

á tɔ́n woo giã kiwi goon ne walan, a tɔ n Nazarɛti. Lawa a boo gii-dalin bɛ́ ǹ nə́ pɛ mà ǹ tá re bíi "Nazarɛti min", a na á n zɛnaa miɛ̃ á bɛn boo lɛ lɛ pã.

Matiə 8:29

Ǹ nə́ yoo ǹ nə́ n lɛ dɛ: «Lawa a Nɛgiĩ ganaa, n wàa mɛn sii n wɔsɛn sii ni? Ma nə́ n daa dɔlɔ bɔ wɔsɛn ganaa kànaa bɛ̀ a biikoo ná a tɔn dɔ wa?»

Marki 1:23

Á daa yaa giĩ goon ne lɛsɔkɔn kion, nɔ̀ɔnɔn manɛ a ganaa, ǹ nə́ n lɛ dɛ ǹ nə́ pɛ:

Marki 1:25

Yezu yoo ǹ gialaa, á pɛ ǹ nɛ: «Ka n lɛ tã, ka n bɔ giĩ kɛ ganaa.»

Marki 10:47

A bɛ́ á ma mà Nazarɛtin Yezu n kiɛ̃, á yoo á n lɛ dɛ: «Yezu, kii Davida tɔrɔ, makara bɔ masɛ ganaa!»

Marki 14:67

A bɛ́ á Piɛrɛ yɛ n gɔ̀nɔn wɛ̃ tɛ ganaa, á ga a ganaa ka gongon, á pɛ nɛ: «Nsɛ kɛ dɔ́ goã kun ka Nazarɛtin giĩ Yezu kɛ lɛ nɛ.»

Marki 16:6

Sɛnɛ, á tɔ́n pɛ ǹ nɛ: «Ka baran nyɛ́ɛ baa wa, ma á doɛ̃ máa minin nə Nazarɛtin Yezu mɛn dere gɔn ganaa, máa ka n giɛ bɛ lɛ li. A yii wusoo á kaa, a ba kànaa wa. A n da bǎã mɛn nɛ, á ke, ka ga a ganaa.

Marki 5:7

á n lɛ dɛ kɔsɛkɔsɛ á pɛ: «N wàa dí n masɛ ganaa, Yezu, Lawa gole a Nɛ? Ma nə n gòã kuĩ ka Lawa tɔ nɛ, n nyan fuu nyaa ma-n wa.»

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Luku 24:19

A dɔ́ nɔ̀n da ǹ la mà wàa mɛn na á n zɛnaa? Ǹ nə́ wusoo ǹ ná a lɛ si: «N bɛ ma wa? Màn mɛn bɛ́ á n zɛnaa Nazarɛtin Yezu-n lɛn! Táa a na á goã Lawa a boo gii-dali pàãdɛnaa lɛa. A na á bɛ nyaa a zɛnaa ǹ siin li ka a da ǹ boon ne Lawa yɔrɔ-a, gána lɛ a minin dɔn tumaa yɔrɔ-a.

Luku 4:34

«Nazarɛtin Yezu. N bɛ́ min mɛn lɛa, wɔsɛn tá doɛ̃, Lawa din a dia dí-a wole sonbore nə n ne! N wàa mɛn sii n wɔsɛn sii ni? Ma nə́ n daa wɔsɛn laadoo ziziɛ̃ gɔrɔ kən le?»

Luku 8:28

A bɛ́ á Yezu yɛ, á kaa tán-a a giulun. Á n lɛ dɛ ka kɔsɛkɔsɛ, á tɔ́n pɛ ka lɛn gole ne kɛnɛn: «Yezu, Lawa Gole a Nɛ, n wàa mɛn sii n masɛ a sii ni? Masɛ nə n nyankoe n baran dɔlɔ bɔ masɛ ganaa wa.»

Luku 8:37

Bɛ lɛ a lɛa nɛ, nyɛ́ɛ bɛa gána lɛ a minin kũ parsiini. Ǹ ná a nyankɔ Yezu lon, mà a woo a n bɔ ǹsɛn bǎã nɛ. Yezu wɔ mu kuru ǹ goo ne á woo.

Zaã a sɛ́wɔ 6:69

Wɔsɛn nə́ golee li, wɔ́ dɔ̃ dɔn, wáa Lawa din a dia dí-a wole sonbore nə n ne.»

Nya ǹ dín 2:27

máa n ba re ma toɛ geren li wa, ma bɛ́ n din a dí-nyali bɔlɔgoondɛnaa lɛa, n ba re toɛ ma gere bɔɔ̃ wa.

Nya ǹ dín 24:5

«Wɔsɛn man wɔ́ yɛ wáa giĩ kɛ lɛ n zaman lɔlɔkɔn wole lɛa. Zuifun tá bǎã woo bǎã nɛ, a n boe ǹ li a tá ǹ sɔsɔmɛ. Nazarɛtin giĩ kɛ a zii dii kɛ lɛ a kɔmalɛ wole nyɛɛnaandɛnaa goon ne.

Nya ǹ dín 3:14

Ka n piã ka Lawa din "wɔ" kɛ lɛ nɛ, min pepere kɛ lɛ, ká a nyankɔ mà ǹ gɛ̀-dɛle da ǹ bɔ kòso-n.

Nya ǹ dín 4:27

Sonbore, maǹ nə́ n lɛ kaa kun taãn-taãnɛ, Zeruzalɛmu kiwi kɛ lɛ nɛ, kii Erɔdi laanka kii gole Pɔnsi Pilati ni, kun ka tɔrɔ kɔsɔn laanka Izirayeli minin ni, ǹ nə́ n gòãn doa Yezu-a, Lawa din a dí-nyali sonbore ke, á bɔ a dí a lɛa.

Zaaki 2:19

Táa n waa la mà Lawa n goon toto? Bɛ á siĩni! N dɔ bɛ́ n waa la lɔn, nɔ̀ɔnɔn dɔn man nə́ waa la miɛ̃, ǹ gɔ̀nɔn yii n bìn diɛ nyɛ́ɛ gɔn.

Zaã1 2:20

Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke: