Marki 1:11 - LAWA A BOO SONBORE

¹¹ Boo-diɛ lɛn bɔ lon á pɛ: «Ma n maa Nɛgiĩ lɛa, ma á n narɛ parsiini, masɛ din ni má n bɔ.»

LAWA A BOO SONBORE 2011

¹¹ Boo-diɛ lɛn bɔ lon á pɛ: «Ma n maa Nɛgiĩ lɛa, ma á n narɛ parsiini, masɛ din ni má n bɔ.»

Marki 1:11 Iomraidhean Croise

Loen 2:7

Dɛnaa Lawa golee boo mɛn la, man die bɛ lɛ pii. Dɛnaa Lawa pɛ ma-n kɛnɛn: Ma n maa nɛgiĩ lɛa, a kũ pelo ganaa, masɛ din ni n Díi lɛa.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Matiə 12:18

«Masɛ din Lawa a dí-nyali n ka kɛ nɛ, má bɔ. Man bɛ lɛ narɛ, a sii á kɔɔ̃n ma ganaa. Man die ma din a Yiri Fu koe la. Á die ma foo sii boo diɛ tɔrɔn tumaa nɛ.

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Marki 1:10

Bɛa bǎã-n gɔrɔ, Yezu a soomaa mu li, á lon yɛ n lɛ buĩ, á Yiri Fu yɛ gisĩ a din la ka zɛrɛkantoan bɛ́ lɔn.

Marki 9:7

Labara goon bɔ á n kuməə ǹ ganaa. Lawa a boo-diɛ lɛ bɔ bɛa labara lɛ gɔ́ɔ̃ nɛ á pɛ: «Masɛ a Nɛgiĩ narɛ wole n ka kɛ nɛ, ka n too kɔ a lon!»

Luku 3:22

Yiri Fu gisĩ la, yii ná a ganaa ka zɛrɛkantoan bɛ́ lɔn. Ka bɛ dɔ nɛ, boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Luku 9:35

Boo-diɛ bɔ bɛa labara lɛ-n kɛnɛn: «Kɛ n masɛ a Nɛgiĩ lɛa, ma bɛ́ má min mɛn yii gɔgɔɔ̃. Ka n too kɔ a lon.»

Zaã a sɛ́wɔ 1:34

Ma din yii na á Yiri Fu lɛ yɛ gisĩ la, bɛ lɛ n toɛ ma tá a siére pii máa giĩ kɛ lɛ, Lawa a Nɛgiĩ ni.»

Zaã a sɛ́wɔ 3:16

«A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Zaã a sɛ́wɔ 5:37

Maa Díi mɛn nə ma dia, a dinmaa siére baa masɛ wɔ gɔn la. Sɛnɛ, haalɛ pinin goon, ka bin na a lɛ ma boo diɛ wa, ka bin yɛ ka yii-n wa.

Zaã a sɛ́wɔ 6:69

Wɔsɛn nə́ golee li, wɔ́ dɔ̃ dɔn, wáa Lawa din a dia dí-a wole sonbore nə n ne.»

Rɔmu minin 1:4

a na á goã Lawa a Nɛgiĩ dɔ lɛa. Lawa a Yiri Fu na á bɛ nyaa, ka pàã gole ne, ka bɛa Yezu lɛ a yii-kaa a bɔ geren bii barka nɛ.

Kolɔɔsi minin 1:13

Sonbore, Lawa na á wɔ bɔ wɔlɔ tì a goledɛnaa *Sɛtaan pàã giulun, á wɔ kaa a din a Nɛgiĩ narɛɛ wole kɛ a kiibaa nɛ.