Luku 9:19 - LAWA A BOO SONBORE

¹⁹ Ǹ ná a lɛ si: «Min tɛnɛn mà ZAÃ mɛn bɛ́ á goã *batɛmu diɛ minin ganaa. Gialakunun dɔn mà Lawa a boo gii-dali gole Yilii ni, kɔsɔn dɔn mà a n lɛlɛ a Lawa a boo gii-dali lɛ goon lɛa, a yii kaa á n bɔ geren bii.»

LAWA A BOO SONBORE 2011

¹⁹ Ǹ ná a lɛ si: «Min tɛnɛn mà Zaã mɛn bɛ́ á goã *batɛmu diɛ minin ganaa. Gialakunun dɔn mà Lawa a boo gii-dali gole Yilii ni, kɔsɔn dɔn mà a n lɛlɛ a Lawa a boo gii-dali lɛ goon lɛa, a yii kaa á n bɔ geren bii.»

Luku 9:19 Iomraidhean Croise

Matiə 14:2

Á tɔ́n pɛ a dí-nyalin manɛ: «Zaã, *batɛmu-dali ni, a din lɛ yii na á wusoo á kaa á n bɔ geren bii. Bɛ lɛ na á toa, kaãbaa ǹ sii zɛnaa ǹ pàã tá a lon.»

Matiə 3:1

Bɛa biikoo li, Zaã, *batɛmu diɛ wole daa Zudee don bii, a ná a giala kɔ á Boo Tii Kɔɔ̃n pɛ.

Marki 6:14

Bɛa biikoo lɛ li, kii Erɔdi dɔ́ Yezu boo ma, a giala, a tɔ bɔ bǎã tumaa nɛ. Min tɛn na á goã pii mà Zaã, *batɛmu-dali yii na á kaa á n bɔ geren bii, mà bɛ lɛ na á toa pàã tá a lon á kaãbaa ǹ siin zɛnɛɛ.

Marki 6:15

Min tɛn dɔ mà Lawa a boo gii-dali Yilii mɛn doamaa bɛ́ na a daa, mà bɛ lɛ nɛ. Ǹ tɛn dɔ mà a laanka Lawa a lɛlɛ a boo gii-dalin kɛn lɛn man goon.

Luku 9:18

Ǹ kɔ́n pinaa Yezu bɛ́ Lawa nyankoe tiãlɛa, a kialandɛnan nə́ daa a li. Á nɔ̀n da ǹ la: «Minin man pii mà masɛ n die lɛa?»

Luku 9:20

Yezu pɛ ǹ nɛ: «Ka dinin dɔn, ka n pii mà die n ka masɛ nɛ?» Piɛrɛ boo saa a ná a lɛ si: «Ma n Minin Nyin-sili lɛa, Lawa bɛ́ mà asɛ á re ǹ mɛn diɛ.»

Zaã a sɛ́wɔ 1:21

Ǹ nə́ tɔ́n nɔ̀n da la: «Die n ka nsɛ nɛ? Ma n Lawa a boo gii-dali gole Yilii lɛa?» Á tɔ́n pɛ ǹ nɛ: «Yilii bie ka masɛ-n wa.» «Minin bɛ́ n yii diɛ Lawa a boo gii-dali mɛn la, ma n bɛ lɛa ya?» ZAÃ mà haayii.

Zaã a sɛ́wɔ 1:25

Ǹ nə́ wusoo ǹ nə́ nɔ̀n da la kɛnɛn doo: «N bɛ́ n bie Minin Nyin-sili lɛ lɛa wa, Yilii bɛ́ a bie n nə́ wa, minin bɛ́ n yii diɛ Lawa a boo gii-dali mɛn la, bɛ dɔ bɛ́ a bie n nə́ wa, sɛnɛ, wàa na á baa n tá *batɛmu diɛ minin ganaa?»

Zaã a sɛ́wɔ 7:40

Min mɛnɛn nə n too kɔ bɛa boon lɛn ganaa zaman lɛ bii, ǹ tɛn na á goã pii mà sonbore pɛ á soɛ, mà Lawa a boo gii-dali mɛn bɛ́ ǹsɛn tá n yii diɛ la, mà a din nə ke!

Zaã a sɛ́wɔ 9:17

Fariziɛ̃n nə́ wusoo ǹ nə́ nɔ̀n da yii tere-a zizi lɛ la kɛnɛn: «A bɛ́ á n dɔ yiin bũ, man wàa mɛn boo diɛ a wɔ gɔn la?» Á tɔ́n pɛ ǹ nɛ mà Lawa a boo gii-dali ni.