Luku 9:11 - LAWA A BOO SONBORE

¹¹ Zaman lɛ bɛ́ á bɔ a woo siére-a, ǹ nə́ kɔ a kio lɛ. Yezu nə́ n da ǹ lɛ sɔnbɔraanɛ. A na á goã Lawa a kiibaa kɛ boo diɛ ǹ nɛ. Á goã busulən dɔn kaka koe.

LAWA A BOO SONBORE 2011

¹¹ Zaman lɛ bɛ́ á bɔ a woo siére-a, ǹ nə́ kɔ a kio lɛ. Yezu nə́ n da ǹ lɛ sɔnbɔraanɛ. A na á goã Lawa a kiibaa kɛ boo diɛ ǹ nɛ. Á goã busulən dɔn kaka koe.

Luku 9:11 Iomraidhean Croise

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Matiə 12:15

Yezu bɛ́ á bɔ bɛ siére-a, á kiɛ̃ á n bɔ bɛa bǎã lɛ nɛ. Zaman gigiã kɔ a kio lɛ. Á busulən tumaa a busu nya,

Matiə 14:14

Yezu bɛ́ á soo tà kuru ǹ goo lɛ nɛ, á zaman gigiã yɛ. Bɛa minin lɛn makara bɔ a ganaa, á yoo á ǹ busulən kaka kɔ.

Matiə 21:31

Ǹ mɛn na á ǹ díi lɛ foo sii zɛnaa? Ǹ nə́ tɔ́n pɛ: «A bibinaa lɛ nɛ.» Yezu tɔ́n pɛ ǹ nɛ: – Masɛ n pii ka nɛ sonbore: Wusuru-silin laanka lɔ kɔrɔn tá re doe *Lawa a kiibaa ǹ bǎã nɛ ka nyɛɛnɛ.

Matiə 21:43

Bɛ lɛ nɛ, masɛ á pii ka nɛ, kaa tá Lawa wɔbaa-n ke, a kiibaa giulun, bɛ á die n sii ka la, a n kɔ tɔrɔ kɔsɔn la, ǹ mɛnɛn zɛnaa ǹ sii bɛ́ kɔnpii ni. [

Luku 1:53

A n die bòonaan gɔn piɛ̃ ka naforo ne, a gɔn màndɛnan loo, ǹ wo ka ǹ gɔn kooro ne.

Luku 5:31

Yezu nə́ ǹ boo lɛ si á pɛ: «Min kakan laadoo ba dagòã-dali ganaa wa, yǎa busulən.

Luku 8:1

Bɛ kio, Yezu woo kiwi dadaran laanka a bɔnboɛɛnɛn nɛ. A na á goã *Lawa a kiibaa ǹ Boo Tii Kɔɔ̃n pii. A min fulupaa mɛn bɔ, bɛn nə́ goã kun ni,

Luku 8:10

Á n toa ǹ ganaa kɛnɛn: «Lawa bɛ́ a kiibaa ǹ dí mɛn nyɛɛ kanaa, bɛ n sii-durii lɛa á nyaa kasɛn manɛ. Sɛnɛ, a na á nyaa min gialakunun kɛn manɛ ka boo giməə ne, màn mɛn bɛ́ toɛ, ǹ ga, sɛnɛ, ǹ yii baran wɔlɔ yɛ wa, ǹ boo ma, sɛnɛ, ǹ baran a giala ma wa.»

Luku 9:10

Dia dí-a wolen lɛn bɛ́ ǹ nə́ wusoo ǹ nə́ daa, ǹ nə́ ǹ nya ǹ dí yii laakalaa Yezu ni. Yezu nə́ ǹ kũ, á n zɔ̃ á woo ǹ ne tiãlɛa, dia-n woe Bɛtsayidaa kiwi la.

Luku 9:12

Wasa ná a giala kɔ á miɛ, dia dí-a wole fulupaa lɛ nə́ n zɔ̃ ǹ nə́ dɔ Yezu li, ǹ nə́ pɛ nɛ mà a zaman lɛ loo ǹ wo lɛ-a ǹ kiwin laanka ǹ zàãn nɛ, màn mɛn bɛ́ toɛ, ǹ waa ǹ bǎã yɛ, ǹ màn-bii dɔ yɛ ǹ bii. A giala mà ǹsɛn bɛ́ bǎã mɛn nɛ, mà don ne.

Luku 9:2

Yezu na á ǹ dia mà ǹ wo *Lawa a kiibaa ǹ dí nyɛɛ boo da, ǹ busulən kaka kɔ.

Zaã a sɛ́wɔ 4:34

Yezu tɔ́n pɛ ǹ nɛ: – Min mɛn masɛ dia, bɛ̀ má bɛ lɛ foo sii zɛnaa, a ma dia dí mɛn ganaa, bɛ̀ má bɛ nya má a lɛ pã, a n goon ka man má màn bii.

Zaã a sɛ́wɔ 6:37

Maa Díi bɛ́ min mɛn tumaa koe masɛ la, bɛn tá re die ma li, bɛ̀ min mɛn dɔ daa ma li, ma a re bɛ kɔ́n lui wa.

Nya ǹ dín 28:31

A na á goã Lawa a kiibaa ǹ dí kɛ a nyɛɛ boo diɛ, a n minin darɛɛ wɔa Dɛnaa Yezu *Krita a boo ganaa. A na á goã bɛa sii lɛ zɛnɛɛ a din gɔn wìi a lɛa, min ná a ba kurii a ganaa wa.

Rɔmu minin 10:14

Sɛnɛ, maǹ die Dɛnaa lɛ nyankoe lɔn, bɛ̀ á daa yaa ǹ tɔn na a boo ma wa? Maǹ die a boo dɔ miɛ lɔn, bɛ̀ á daa yaa min kɔ́n ba a boo diɛ wa?

Rɔmu minin 10:17

Bɛa yɔrɔ kɛ lɛ la, minin laan mà ǹ golee Dɛnaa li, yǎa ǹ boo miɛ. Ǹ doamaa bɛ́ nɛ, ǹ boo mɛn ma, Krita din a boo kɛ nɛ.

Rɔmu minin 15:3

Sonbore, *Krita dinmaa lɛ bie á ga a dùũ siin li wa. Sɛnɛ, ká a bɛ́ á n kiɛ̃ lɔn: «N sɔ kɔma a wolen sɔ na á dɔ masɛ ganaa.»

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.