Luku 8:52 - LAWA A BOO SONBORE

⁵² Min tumaa na á goã wuu pii ǹ nə́ n lala diɛ nɛ lɛ a lɛa. Yezu pɛ ǹ nɛ: «Ka baran wuu pɛ wa. Nɛ lɛ bie á gã wa, a n nyuù we.»

LAWA A BOO SONBORE 2011

⁵² Min tumaa na á goã wuu pii ǹ nə́ n lala diɛ nɛ lɛ a lɛa. Yezu pɛ ǹ nɛ: «Ka baran wuu pɛ wa. Nɛ lɛ bie á gã wa, a n nyuù we.»

Luku 8:52 Iomraidhean Croise

Siin Giala 23:2

Saaraa na á gã Kiriyati-Arabaa kiwi, ǹ bɛ́ ǹ mɛn bíi Ebrɔn, Kanaan gána nɛ. Abrahamu daa Saaraa a gɛ̀ koa, a ná a gɛ̀ wuu pɛ.

Bɔ bɛ̀rɛbaa nɛ 24:17

Izirayeli nɛnyaanan lɛn man nə́ goã Dɛnaa a gugurubaa lɛ yii, ka n pɛ mà tɛ buə̃ gole bɛ́ lɔn kele lɛ mìi ni.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Matiə 11:17

«Wɔ́ pìi pɛ ka nɛ, ka bɛ̀ baa wa! Wɔ́ gɛ̀ loe lɔ ka nɛ, ka wuu dɔ pɛ wa!»

Luku 23:27

Zaman gole na á goã Yezu lɛ kio. Lɔn mɛnɛn bɛ́ ǹ nə́ goã ǹ tan, bɛn nə́ goã wuu pii ǹ nə́ n lala diɛ a lɛa.

Luku 23:48

Min mɛn tumaa goã á daa n lɛ sɔkɔn bɛa minin deree kɛ lɛ a lɛa, ǹ bɛ́ ǹ nə́ sii kɛ yɛ á n zɛnaa, ǹ nə́ wusoo bɛ̀ ǹ nə́ n foo bii dii.

Luku 8:51

Yezu bɛ́ á dɔ Zayirusu a piɛ, a lɛ kɔ min kɔ́n wɔ kun ni kion wa, bɛ̀ á n bɔ Piɛrɛ nɛ, ZAÃ nɛ, Zaaki ni, ka nɛ lɛ di laanka ǹ dan nɛ.

Luku 8:53

Minin lɛn man nə́ goã yaa we Yezu ganaa, a giala ǹ nə́ goã doɛ̃ mà nɛ lɛ gã.

Zaã a sɛ́wɔ 11:4

Yezu bɛ́ a ná a boo ma lɔn, á pɛ mà Lazaarɛ a gɛ̀ busu bie ke wa, mà kɛ n die Lawa a boo sii la nyɛɛ. Mà a din lɛ dɔ n die Lawa a Nɛgiĩ a boo sii la nyɛɛ.