Luku 8:47 - LAWA A BOO SONBORE

⁴⁷ Lɔ lɛ dɔ̃ mà á bɔ asɛ a sii lɛ siére-a, á daa kaa tán Yezu giulun, bɛ̀ a gɔ̀nɔn nə́ bìn diɛ. A n gɔn da Yezu-a mìi mɛn-a, ka bɛ dɔ nɛ, a busu lɛ nya bǎã goon ne ka yɔrɔ mɛn nɛ, á bɛ laakalaa min tumaa yɔrɔ-a.

LAWA A BOO SONBORE 2011

⁴⁷ Lɔ lɛ dɔ̃ mà á bɔ asɛ a sii lɛ siére-a, á daa kaa tán Yezu giulun, bɛ̀ a gɔ̀nɔn nə́ bìn diɛ. A n gɔn da Yezu-a mìi mɛn-a, ka bɛ dɔ nɛ, a busu lɛ nya bǎã goon ne ka yɔrɔ mɛn nɛ, á bɛ laakalaa min tumaa yɔrɔ-a.

Luku 8:47 Iomraidhean Croise

Loen 2:11

Ka dí nya Dɛnaa Lawa nɛ, bɛ̀ ka n nyɛ́ɛ biɛ nɛ. Ka a pàãdɛnaabaa dɔ̃ ka n nyɛnyɛɛ.

Loen 38:9

Ma pàã nya, ma gù basã, man gini, a giala ma foo n busi.

Loen 66:16

Kasɛn mɛnɛn tumaa bɛ́ Lawa bɔlɔ-silin lɛa, ka da n too kɔ. A màn mɛn zɛnaa masɛ nɛ, ma á re bɛ laakalɛɛ ka nɛ.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Ozee 13:1

Efrayimu bɛ́ á goã boo diɛ, nyɛ́ɛ na á goã min tumaa ganaa, a giala nyɛɛnaandɛnaa gole ne Izirayeli gána nɛ. Á zɛ̀rɛ da a din-a a *Baali guguru kɔ a lɛa, bɛ lɛ nɛ á gã.

Ozee 5:3

Masɛ á Efrayimu tɔrɔn kɛn doɛ̃, Izirayeli tɔrɔn kɛn sii kɔn ba durii-n masɛ ganaa wa. Efrayimu tɔrɔn, ka kɔrɔbaa zɛnaa. Izirayeli tɔrɔn, ka *gɔ̀ da ka dinin ganaa.

Abakuku 3:16

Má bɛa bìn diɛ kɛ tumaa ma, ma foo ziziɛ̃. Ma lɛ n bìn diɛ nyɛ́ɛ gɔn, ma pàã nya. Ma a boe la ma á gole ma goãn la wa. Tɔrɔ mɛn yoo wɔ ganaa, ma nə n yii diɛ koe lɛawaa kɛ la kiĩn ni, Dɛnaa Lawa bɛ́ re die yui ǹ gialaa ǹ mɛn pinaa.

Matiə 28:8

Ǹ nə́ n nanaa, ǹ nə́ n bɔ yala lɛ lɛ-a, nyɛ́ɛ nə́ ǹ ganaa taãn-taãnɛ, nyɛnyɛɛ gole dɔ nə́ ǹ foo ne. Ǹ nə́ baa si ǹ nə́ woo boo lɛ pɛ Yezu a kialandɛnan manɛ.

Marki 5:33

Lɔ lɛ gɔ̀nɔn na á goã bìn diɛ nyɛ́ɛ gɔn, a giala sii mɛn bɛ́ á n zɛnaa nɛ a din dɔ̃. Bɛ lɛ nɛ, á woo n duwəə tán Yezu giulun, á sonbore din tumaa pɛ nɛ.

Luku 8:46

Sɛnɛ, Yezu pɛ nɛ: «Min nə́ n gɔn da ma-a, a giala má dɔ̃ máa pàã kɔ́n bɔ ma nɛ á n dɔ min lɛ.»

Luku 8:48

Yezu pɛ nɛ: «Maa nɛ, n din a goleemali na á n kirisibaa. Wo ka nyɛnyɛɛ nɛ.»

Nya ǹ dín 16:29

Kòso-lɛduə̃li lɛ nɔ̀n da ka bólon fúlu ni, á n baa fufuu á wɔ kion lɛ gɔ́ɔ̃ nɛ. Á gɔ̀nɔn bɛ́ bìn diɛ, á na á kaa tán Pooli laanka Silaasi giulun.

Korɛnti1 2:3

Bɛ lɛ nɛ, má n din nyaa ka nɛ pàãwɛɛnaa lɛa, nyɛ́ɛ n ma ganaa, ma gɔ̀nɔn yii n bìn diɛ.

Korɛnti2 7:15

Ka bɛ́ ká a lɛ si lɔn, ká kũ doɛ̃ lɔn, ká nyɛ́ɛ baa nɛ ka gɔ̀nɔn bìn-diɛ nɛ, bɛ̀ a yiri daa bɛ nɛ, màn nə miɛ a ka narɛɛ a golebaa li.

Filipi minin 2:12

A bɛ́ miɛ̃, maa giaáran lɛn, ka bɛ́ ká ma lɛ si biikoo tumaa li, bɛ̀ ma bɛ́ kun ka nɛ, a n siĩni kanna dɔn, ka ma lɛ si a la bɛ nɛ, maa tanbaã kɛ gɔ́ɔ̃ nɛ. Ka dí nya, ka n bìn diɛ nyɛ́ɛbaa Lawa-n gɔ́ɔ̃ nɛ, kaa bǐɛ̃-kɔ a lɛa.

Ebrəə 12:28

Wɔ dinin man wɔ gána yɛ, a kiɛ̃ duduu wa. Ka daa wɔ barka da Lawa nɛ. Ka daa wɔ dí nya nɛ ka yɔrɔ kɛ nɛ, kɔɔ̃n a ganaa, bɛ n ka a guguru kɔ nɛ, ka a nyɛ́ɛ baaman nɛ.

Samayeli1 16:4

Dɛnaa Lawa boo mɛn pɛ, Samayeli bɛ zɛnaa. Á dɔ Bɛtlehɛmu kiwi. Kiwi lɛ a min golen nə́ n da lɛ, bɛ̀ ǹ gɔ̀nɔn tá bìn diɛ. Ǹ nə́ nɔ̀n da la: «Bǐɛ̃ nɛ, ń daa a ganaa?» Á ǹ lɛ si mà hiĩ, mà bǐɛ̃ nɛ.