Luku 8:32 - LAWA A BOO SONBORE

³² Bɛa bǎã lɛ dɔ nɛ, birii gigiã na á goã màn bii tenten mìi ni. Nɔ̀ɔnɔn lɛn nə́ Yezu nyankɔ mà a toa ǹsɛn nə wɔ bɛa biriin lɛn nɛ. Yezu ná a lɛ kɔ ǹ la.

LAWA A BOO SONBORE 2011

³² Bɛa bǎã lɛ dɔ nɛ, birii gigiã na á goã màn bii tenten mìi ni. Nɔ̀ɔnɔn lɛn nə́ Yezu nyankɔ mà a toa ǹsɛn nə wɔ bɛa biriin lɛn nɛ. Yezu ná a lɛ kɔ ǹ la.

Luku 8:32 Iomraidhean Croise

Kiin1 22:22

Yiri lɛ pɛ Dɛnaa Lawa nɛ: «Man die woe ma Akaabu a Lawa a boo gii-dalin lɛn tumaa kaa soɛ bɔ ganaa.» Dɛnaa Lawa tɔ́n pɛ nɛ: «Woo n na a mìi dɔ li, n tá re boe la. Wo zɛnaa miɛ̃.»

Zɔbu 1:10

N din bɛ́ n nə n kɔ Zɔbu paǹ tumaa lɛ, bɛ lɛ bie wa? A din ni, a kion ne, ka a gɔn màn tumaa nɛ, n bɛ́ ń bɛ tamaa, bɛ lɛ a lɛa bie wa? N din ni ń barka da a nya ǹ dí ganaa. A tɔɔn nə́ ke wɔlɔ yii-n sababa gána lɛ gɔ́ɔ̃ nɛ.

Zɔbu 1:12

Dɛnaa Lawa tɔ́n pɛ Zɔ́ɔ lɛ nɛ: «Haya le! Màn mɛn tumaa bɛ́ Zɔbu wɔ lɛa, ǹ tá n gɔn. Sɛnɛ, n nyan toa n nə n gɔn da a dinmaa kɛ ganaa wa.» Bɛ kio, Zɔ́ɔ lɛ woo á n bɔ Dɛnaa Lawa yɔrɔ-a.

Zɔbu 2:6

Dɛnaa Lawa dɔ́ pɛ Zɔ́ɔ nɛ: «Haya le. Má Zɔbu lɛ kɔ n la. Sɛnɛ, a nyin kɛ sɛ, n nyan nə n gɔn da bɛ-a wa.»

Loen 62:11

Ka baran n foo doa baraabaa sii zɛnaa ǹ gɔnɔn ganaa wa, màn mɛn bɛ́ n sii ka pàã nɛ, ka baran n yiri koa màn kɔn ganaa bɛ gɔ́ɔ̃-n wa. Bɛ̀ kaa naforon tá mɔnɛɛ, ka baran n foo kɔ bɛn la wa.

Izayii 65:4

Maǹ giɛ̃ tán gere yalan nɛ, ǹ nə́ giɛ̃ kele yalan nɛ. Maǹ birii siĩ soɛ̃. Ǹ bǎãn piɛ̃maa nɛ ka màn gɔ̀dɛnan nɛ.

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Lawa a wúlu-bɔlen 11:7

Ka doamaa bie ka birii dɔ sɔ̃ wa. A giala, a gòon tɔ́n bii á diɛ nɛ, sɛnɛ, a ba màn-bii soɛ̃ bɛ̀ a timəə la wa. Ka ga a ganaa màn gɔgɔrɛ lɛa.

Matiə 7:6

Ka bɛ́ màn *yoreen mɛn koɛ Lawa nɛ, ka baran bɛ kɔ gin minbuiinin kɛn la, n kiɛ̃ n nə ǹ yaa n bɔyɛɛ ka dinin wɔ̃wɛ̃ wa. Ka baaran kaa bɔlɔ-a ǹ gii kaa tán birii minbuiinin kɛn giulun, n kiɛ̃ n nə ǹ yaa tɔtɔrɛ ǹ gòãn li wa.

Luku 8:31

Bɛa nɔ̀ɔnɔn lɛn man nə́ goã Yezu nyankoe mà a baran ǹsɛn kaa nɔmaa ǹ nyankɔrɔ zuzulu kɛ-n wa.

Luku 8:33

Bɛ lɛ taman yii, nɔ̀ɔn baraan lɛn nə́ n bɔ giĩ lɛ ganaa ǹ nə́ wɔ biriin lɛn nɛ. Bɛ lɛ na á toa, bɛa tɔɔ damata kɛ lɛ baa si á n bɔ tenten mìi kɛ nɛ á daa kaa tà mu li. Mu nə́ ǹ kũ.

Zaã a sɛ́wɔ 19:11

Yezu tɔ́n pɛ nɛ: «N ba boe la n sii kɔ́n zɛnaa masɛ nɛ, bɛ̀ Lawa ná a lɛ kɔ n la wa. Bɛ lɛ din taãn na á toa, min mɛn ma wɔ n gɔn, bɛa sii baraa á gole a mìi ni á la nsɛ wɔ nɛ.»

Zaã1 4:4

Sɛnɛ, maa nɛnyaanan lɛn, kasɛn mɛnɛn bɛ́ Lawa wɔn lɛa, kasɛn nə́ boo Lawa a boo gii-dali soɛ-bɔlen kɛn la. A giala, Yiri mɛn bɛ́ ka lon, a pàã la kanaa kɛ a minin wɔ nɛ.

Sii-nyaan 20:7

Bɛ̀ lɛ̀ duu goon lɛ dɔ, ǹ tá re Sɛtaan boe kòso-n ǹ da.