Luku 8:24 - LAWA A BOO SONBORE

²⁴ Yezu a kialandɛnan lɛn nə́ n zɔ̃ ǹ nə́ dɔ a li, ǹ nə́ bũ. Ǹ nə́ tɔ́n pɛ nɛ: «Mìinaa, Mìinaa, wɔ ǹ die bɔ̀n biɛ!» Yezu yoo á paraa piɛ̃ lɛ li, ka tà mu yoo wole lɛ nɛ. Piɛ̃ lɛ-n woo, tà mu lɛ-n woo, ǹ tumaa golee, yǎa wɔlɔ golee ka kiĩni.

LAWA A BOO SONBORE 2011

²⁴ Yezu a kialandɛnan lɛn nə́ n zɔ̃ ǹ nə́ dɔ a li, ǹ nə́ bũ. Ǹ nə́ tɔ́n pɛ nɛ: «Mìinaa, Mìinaa, wɔ ǹ die bɔ̀n biɛ!» Yezu yoo á paraa piɛ̃ lɛ li, ka tà mu yoo wole lɛ nɛ. Piɛ̃ lɛ-n woo, tà mu lɛ-n woo, ǹ tumaa golee, yǎa wɔlɔ golee ka kiĩni.

Luku 8:24 Iomraidhean Croise

Loen 65:7

N din nə kelen doɛ ǹ bǎãn nɛ ka n pàã nɛ. Ka bɛa pàã lɛ nɛ,

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Zeremii 5:22

Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

Nahumu 1:4

A n boo diɛ yìsi mu gole ne, a piɛ̃ ka daɛ̃. A n tàn mu piɛ̃, a bɔ ǹ nɛ. Basan a buu bǎã nyantoto ke ka Karmɛli kele kɛ nɛ, bɛn tumaa n damɛ ǹ taã ka bon, Liban a da buũ kɛ tumaa n bɛbɛnɛ.

Matiə 14:30

A bɛ́ á ga piɛ̃ lɛ a bɔ ǹ gɔn ganaa, nyɛ́ɛ kũ. A bɛ́ giɛ mà á woe mu giala-a, á nɔmaa á n lɛ dɛ: «Dɛnaa, da ma la wooo!»

Matiə 8:25

A kialandɛnan nə́ n zɔ̃ ǹ nə́ dɔ a li, ǹ nə́ bũ ǹ nə́ pɛ nɛ: «Dɛnaa, wɔ kirisibaa! Wɔsɛn man die giɛ̃!»

Marki 4:39

Yezu yii kaa, á yoo, á paraa piɛ̃ lɛ li, á pɛ: «Sisia!» Piɛ̃ lɛ nə́ n lɛ kũ bɛ lɛ-a. Á pɛ tà mu lɛ dɔ nɛ: «Golee!» Tà mu lɛ dɔ́ golee, wɔlɔ nyɛɛ ka kiĩn.

Luku 4:35

Yezu paraa ǹ li á pɛ: «Ka n lɛ tã, ka n bɔ giĩ kɛ ganaa.» Nɔ̀ɔnɔn lɛn nə́ giĩ lɛ zũ tán min tumaa yɔrɔ-a, bɛ kio, ǹ nə́ n bɔ a ganaa, ǹ baraa zɛnaa-n wa.

Luku 4:39

Yezu nə́ n zuməə á paraa lɔ lɛ mìi la, mà a gɔ̀nɔn wɛ̃ lɛ nya. A din bǎã nɛ gɔ̀nɔn wɛ̃ lɛ nya, yǎa á yoo gɔrɔ á màn-bii zɛnaa á kɔ ǹ la.

Luku 5:5

Simɔn pɛ nɛ: «Mìinaa, wɔsɛn nə́ dí nya wɔ́ n dinin nɔmaa tèlò-n yǎa lɛ̀ waa, wɔ màn kɔ́n yɛ wa. Sɛnɛ, n din bɛ́ ń pɛ miɛ̃, ma á die maa zɔ̀ɔ lɛ zuĩ mu li.»

Luku 8:25

Bɛ kio Yezu pɛ ǹ nɛ: «Kaa golee Lawa li lɛ a tɔn tɛ ka pelo yii-n wa?» Nyɛ́ɛ bɛ́ Yezu a kialandɛnan lɛn-a, ǹ nə́ n kaãbaa bɛ̀ ǹ nə́ pii kɔn nɛ mà wàa mɛn min nə ka giĩ kɛ nɛ? A n boo diɛ ka piɛ̃ laanka mu ni, ǹ ná a bɔlɔ dɔ sii kɛnɛn!