Luku 8:23 - LAWA A BOO SONBORE

²³ Ǹ bɛ́ mu kuri, nyuù Yezu saa. Piɛ̃ gole yoo tà lɛ la. Bɛ lɛ taman yii, mu n yui á kiɛ goo lɛ nɛ. Ǹ nə́ yɛ mà bɔ̀n nə die ǹsɛn ganaa.

LAWA A BOO SONBORE 2011

²³ Ǹ bɛ́ mu kuri, nyuù Yezu saa. Piɛ̃ gole yoo tà lɛ la. Bɛ lɛ taman yii, mu n yui á kiɛ goo lɛ nɛ. Ǹ nə́ yɛ mà bɔ̀n nə die ǹsɛn ganaa.

Luku 8:23 Iomraidhean Croise

Loen 148:8

La a tɛ-pɛ laanka la gii ni, *mu nyuù-wɔle laanka burumu ni, ka piɛ̃ gole kɛ nɛ a lɛ sii, ka loe lɔ ka a tɔ bɔ.

Loen 44:23

Sɛnɛ, n din a lɛa nɛ, ǹ nə́ wɔ dii lɛawaa tumaa gɔ́ɔ̃ nɛ, n din a lɛa nɛ, ǹ nə́ giɛ wɔ ganaa ka tɔɔ mànan bɛ́ lɔn, ǹ nə́ die ǹ bɔlɔ kuri.

Izayii 54:11

Zeruzalɛmu, nɔmaa wole, piɛ̃ gole nə n gialaa, min kɔn ba n foo doɛ wa. Masɛ Dɛnaa Lawa n die wusii ma n dɔ ka kɔlɔ nɛ, ǹ nyaǹ nə koe ne. Man die n goã daɛ ka kɔlɔ giɔ̀mɔ kakaan nɛ, bɔlɔn lɛa.

Luku 5:1

Ǹ kɔ́n pinaa, Yezu na á goã golee-n Zenezarɛti tà lɛ-a. Zaman na á goã a lɛ gɛwɛɛ, ǹ nə́ n too koe Lawa a boo ganaa.

Luku 8:22

Ǹ kɔ́n pinaa Yezu wɔ tà kuru ǹ goo ne kun ka a kialandɛnan nɛ. Á pɛ ǹ nɛ: mà ǹ daa ǹsɛn nə mu kuru, ǹ wo tà lɛkoro goon kɛ ganaa. Bɛa boo lɛ a diɛ kio, ǹ nə́ mɛ mu la.

Nya ǹ dín 27:2

Wɔ́ wɔ Adramiti kiwi a tà kuru ǹ goo goon ne, bɛ doamaa nɛ a bɔ Azii gána genli a kiɛ̃. Wɔ́ wɔ, wɔ́ woo ka Aristarki-n kun wɔ nɛ, Masedoanɛ gána min ni, a n boe Tesaloniki kiwi.

Korɛnti1 15:30

Wɔsɛn dininmaan lɛn dɔn, wɔ bɛ́ boe la wɔ gã sii mɛn gɔ́ɔ̃ nɛ, wàa na á baa bɛ á koɛ wɔ la biikoo tumaa li?

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.